سرا غلاك بالقلب ومعه سريت = وسرا مدحي إسمع قرع أجراسها
ما نسيتك لحظه ولا تناسيت = لو أشوف كثير وجيه من ناسها
علامك تقول إني عنك تبريت = طاريك لله ما يصدى ماسها
لا زعجتي بعال الصوت لبّية = أفعال مهي حبر على قرطاسها
يا شيخة الجود بأرضها طبيت = يا ربيع نور الأرض وبسباسها
على هامات الشرف إستويت = هامتن تصعب على عساسها
ريفان أصهل بها لا من تعزويت = ريفان زهرتن طيبن ساسها
من أبوها سيّد روس العناتيت = عساه لجنتن طيبتن أغراسها
لو أفترق عنك ثواني إنشويت = وذقت مرارة البعد من كاسها
عطني عطاك وعطني ما تمنيت = مهرتن طيّبتن ماحدن داسها
أسلي بدنياي لا شفتك سليت = ولا ضقت ضاق بالي وكرياسها
علامك مثل لمع البرق إختفيت = بعد ما عطتني من دافي إحساسها
أقرب من ناري إليا من شبيت = وعطني علومك وأنت جساسها
والله أهوجس بك ولا صليت = وأقول وش بها وسرت هوجاسها
أنتظر الجواب اللي رجيت = له مدّتن بعيدن قاع غطاسها
كان بالدروب الطويله نويت = ترى عيوني ما ذاقت نعاسها
والله لو أكتب بك شطر وبيت = مهي مثل ما بالقلب دساسها
وسلامتكم أخوكم // طلال الأسلمي
العضو الأكثر نشاطاً هذا اليوم 
العرض الشجري
