السلام عليكم ورحمة الله وبركاته
المعذرهـ على الغياب لظروف العمل
كيبورديه لقلوبكم قبل آهدآبكم
انا طبعي كذا وياك ما أذكر حصل تغيير=على سلم الهوى وافي وضوح الشمس تفسيره
دخيلك لاتفسرني مثل كيف الهوى بالطير=دام اقبح من الذنب العذر لا زاد تبريره
غرامي ما غدى وسط الغموض اللي غشا التفكير=ولا وهّاج من قرب القمر له زاد تنويره
انا مبدا نساه الناس قاسى الظلم والتقصير=انا ذاك الوقار اللي فقد بالوقت تقديره
تقبلت الجروح وقلت عساها بالصبر لي خير=ظفر ولا ؟ انا اكبر من صدوف الحب والحيره
نقض عهد المحبه وآسرف بكثر الجفا تبذير=خلق بعض المعاذير ونسى وعده وتقصيره
يقولون الوفا كذبه وآقول إن الزمان قصير=تشوّهـ القلوب السود ! وتفضحها مقاديره
عسفت الشوق لآجلك حاضر بكل ماتبيه يصير=تهيّا لقيد اوهام الجفا وقسوة مشاويره
تركتك حلم لو مرت بي الذكرى بلى تأثير=تعلمه الليالي اغلى ثمن واكبر مخاسيره
حمدان سليمان