ياضيقةٍ في ضمير النفس مخفيّه.=تعوّد القلب همّه وأصبحت عادي
كنّه على بعض خلق الله حتميّه.=عساه ماجور من تعذيبه فوادي
شرايد الفكر بالسجّات مبليّه.=غادي وادوّر ذهيبٍ مبطيٍ غادي
صبري على كيّةٍ من بعْدها كيّه.=خلّتني افهم شعور الناس ببلادي
ياللي خذت مهجتك بالحب نشميّه.=عليك بالصبر لين الوضع ينقادي
في لذّة الشوق لحظاتٍ غراميّه.=ياغمّضت عين حسّادك وحسّادي
عالج هوا النفس من خلّك بحنيّه.=واسمح هواء خاطره في كل مارادي
عشنا حياة الوفاء طيبه وعفويّه.=من يفهم الجود يفهم طبع الاجوادي
حاجاتنا من عظيم الشأن مقضيّه.=محيي هشيم النبات بْمجنب الوادي
ياحاجةٍ عن جميع الخلق مكميّه.=وكّلت فيها الكريم الواحد الهادي
العضو الأكثر نشاطاً هذا اليوم 
العرض العادي
