هيه يانسل يعرب يابني شرحبيل

[poem=font=",6,orange,bold,normal" bkcolor="black" bkimage="" border="double,4,royalblue" type=2 line=0 align=center use=ex num="0,black""]
هيه يانسل يعرب يابني شرحبيل=ياشعارات قوم طاح تمثالها
نسل يعرب وقيمة عكرمه والطفيل=يوم فعل النشامى يثبت اقوالها
مابقى لك بيعرب بالحقيقه زبيل=غير لبسك ثياب القوم وعقالها
عيشة النفس ساعة في مقام جليل=رافع بالعرب قدره ومنزالها
عن سنين تسجل بالهويه ذليل=يدفق الناس بالديوان فنجالها
كلمة للرخيصي في وصايا دخيل=وكل قوم تفاخر في ندى خالها
يوم غصن المراجل بالهوى مايميل=عند درهام عيشتنا وزرفالها
بالعزوم القويه والدماغ الثقيل=في مكارم رواسي طي وجبالها
يدفعون المذله والردى بالسليل=ماترد الردى والهون بنعالها
قبل تظهر شيوخ تختلف بالموديل=تفتخر في بشوت راحت اجيالها
ماتداوي عليل ولاتبرد غليل=ولا تساعد ضعيف الحال بأموالها
قال انا شيخ ربعي قلت لكن بخيل=وشيختك مع حريم البيت وعيالها
دامها بالمجالس حضرة الماضموزيل=والخساير بلندن تصرف ادبالها
تفتخر في جدود يدخلون الدخيل=قبل يطرح ويذبح عند مدخالها
راية الغرب عندك بالمكان الطويل=لاجل طقم الجنوز وطول سلسالها
وصار قدر القبايل في عيونك قليل=مامشوا في حضارتكم ومنهالها
دام رمز الحضاره ضيعة ام الجديل=وبالشوارع تشوف الناس خلخالها
قال يالراوي اللي ما لفكره مثيل=ويفهم اقياس فكرتنا وتفصالها
انت رجل لسانك يفعل المستحيل=والحوارات تضبط درب مدخالها
البداوه تبي له بالحقيقه مزيل=وعندنا الخيل والثروه وخيالها
ولاتغرك هروجه بالكلام النبيل=في وقوت الشدايد تفقد ازوالها
اكثر البدو بالشده تعض الشليل=وراح تظهر ركايضها بسروالها
قلت قبل الاهانه مرحبا بالرحيل=وقبل فتح القضيه نطلب اقفالها
ادري ان الركايب صار حمله ثقيل=وادري ان المسافه زادت اميالها
والسفر بالثريا دون ظلٍ ظليل=يمنع جفون عيني عند مقيالها
بس اخبر العزيمه في فروع النخيل=دام فعل الضماير يثبت اقوالها
ولاتضايق خفوقي قلت صبر جميل=وصبرنا في رجبها خير شوالها
والخلايق نهاره ينقلب نصف ليل=واكثر الناس غابت ردة افعالها
عشت الايام كله تقل عابر سبيل=رغم كوني بوسط القوم ورجالها
دام مزن السعاده بالشغايا تسيل=وانقل حمول ربعي قبل مرسالها
كان يجلس بديواني جميع النزيل=وكل لحظه يلعلع رقم جوالها
ويوم شفت الليالي في قدرها تعيل =اكثر اللي بجنبي كثرة اشغالها
وكان ودك نقدم للروايه دليل=كلم اكثر ربوعك وافحص احوالها
قل حياتي بورطة معبر الدردنيل=من صواريخ نصر الترك وهلالها
وبنك دم السياسه طالبوني كفيل=لاجل سيلان تشري شاي نيبالها
وناتجه ماتلاقي في ربوعك صميل=حين تسري بليله تسحب اذيالها
بس غرد مع المحضار يابو اصيل=لاجل تسجع هجوس الفكر موالها
[/poem]

الموضوع الأصلي: هيه يانسل يعرب يابني شرحبيل || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات