تـبـي تـر تــاح .؟

تبي ترتاح .؟
_____

تبي ترتاح في دنيـاك: دايـم رسّـخ إيمانـك
بربك وأعلم إنْ ماهو مقدر لك فلـن يخطيـك

ومثل إمحبتك نفسك عليـك إتحـب لاخوانـك
لحتى يصبح إيمانك قوي خالي من التشكيـك

ولاتنسـى بذكِـرْ اللهْ تْرطِّـب دايـمْ إلسانـك
وتشكر فضله الدايم0وتحمد عالنّعَـم وآ ليـك

وحِث النفس عالطاعه وأصبروإخزْ شيطانـك
تعوّذ من شُروره 0لايوسوس لك وثمْ يغويـك

وحاسب نفسك إبنفسك مـادام إنـه بإمكانـك
لحتى فالصحُف تلقى بيوم الحشر مايرضيـك

صلاتـك لاتخليهـا تفوتـك ربنـا عـانـك
عليها أحرص وحافظ الى من صلحت إتنجيـك

وراقب واخلص لمولاك في سـرك وإعْلانـك
ولاتتجاهل أعرافـك وتتخـلا عـن إمباديـك

سماحة دينك إتوصي بصون حقوق جيرانـك
ولاتنسى صلة رحِمِْـكْ تراهـا دايـم تْناديـك

تقول أمك هي الأوَلَى ببـرك هـو وإحسانـك
وابوك الِبر به واجب عليه إمعاد ابـا وصيـك

إذا جتْ دعـوةٍ منِّـه تزيـد بْثقـل ميزانـك
وان بّريت بالوالـد وبأمُـك ربـك يجازيـك

ولاتعمل عمل إلاّ تـرى انّـه يعتلـي شانـك
بفعله وأطلب المولى على الدرب السوي يهديك

تصَدْق واخفْ عن يسراك ماجادت به ايمانـك
لحتى ينكتب لك أجر0كل مـا قدمتـه أيديـك

وان أعَطيت لاتمتن وخـل الجـود عنوانـك
لان الفضل فضل الله 0ومَن غيرالولي يعطيـك

تكرم وافتـح لْْضيفـك فـؤادك قبـل بيبانـك
ورحّب وابتسم في وجه مَن شرف وجا ناصيك

وللنمـام والعـاذل تنبّـه تفـتـح آذانــك
ترى من يحكي إبغيرك لزوم انّه بيحكي فيـك

وأرى الغيبه جريمه مُنكَره لاعاش مَن خانـك
وأغتابك / وفي حضرتك يظْهِر إنّـه مصافيـك

تمثل بالمثل اللـي يقـول إلسانـك حصانـك
ترى لي خرجت الكلمه فـالإستدراك مايمديـك

تحـلا بالحيـا تحيـا بخيـرٍ طيلـة أزمانـك
وحاول تنتقي طيب الكلـم وتهـذب مْعانيـك

نصائح قِلتها بالشعـر خذهـا ربنـا صانـك
وأبا وصّي بها نفسي قبل ما سوقها وتجيـك

مما راق لي

الموضوع الأصلي: تـبـي تـر تــاح .؟ || الكاتب: نسمات || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات