نخيت الموت .. للاسطوره عادل الشمري ...!

youtube]نخيت الموت يفزع لي دخيلك ترحم المضهود
دخيلك ترحم المجني عليه بعيد ميلاده !!!
ثلاثين السنه مرت و سبع(ن)" كل أبوهن سود
عليه,ونكس البيرق تشهد واعلن حداده !!!
سواد الليل في شمسه , عبوس(ن) فجره المولود
زمانه كشر أنيابه و تضحك سن حساده !!!
عقارب ساعته تلدغ يبث سمومها النمرود
عقارب ساعته عيت تقف في وجه جلاده !!!
ألا يا الموت , لا تبخل عليه و حقق المقصود
حياته ما لها معنى , مماته ثالث أعياده!!!
وانا المضيوم والمبلي وانا اللي بموتتي محسود
ألا يا الموت عجل لي مماتي واضغط زناده !!!
نخيتك , فزعتك , تكفا طلبتك يومي الموعود
و تعطي باقي أيامي لمن هو يطلب زياده!!!
نخيتك فزعتك تكفا طلبتك صوب البارود
على من صوبه همه طريح فراش و وساده !!!
نخيتك فزعتك تكفا طلبتك حيثك المنشود
لأنه ما بقى لي في حياتي شف(ن) أو راده!!!
و لكن الصدى ردد يقول : ان الأجل محدود
محال الروح يقبضها الاله بغير ميعاده!!!
عرفت ان العمر توه مديد و لا بقى لي كود
اردد و اجهر بصوتي : تمادى الحظ بعناده!!!
ألا يا الله سامحني نويت انظم بدون قيود
قصيده تحمل همومي عسفت الهم و جياده !!!
" طنايا الجن " في صدري تقول : اقطف ثمر عنقود
اشاره منك تكفينا نجيك اشعار منقاده !!!
ولكن شاعري" بحر(ن) "ورثته عن عريب جدود
جنون الجن تخضع له و تطلب فزعة الساده !!!
على قمة " أجا و سلمى " نقشت الصخرة الجلمود
نزفت الدمعة الجمره قتلت حصان طرواده!!!
صرخت و صرختي دوت و هبت بي هبوب النود
سجدت السجدتين اللي تراها بقلب سجاده !!!
كرامة نفسي اعرفها الجبال الشامخات الطود
و لو تطلب نظر عيني تجيها الروح سداده !!!
عزيز النفس ما يرضى يعيش بظلمة الأخدود
و مثلي لانجرح ينصى كريم(ن) , يعرف ضماده !!!
همومي بالحشا طفل(ن) غرير(ن) به ملامح عود
تربى في قفص صدري و شاب و شابوا أولاده !!!
همومي وين أوجهها؟ همومي مالهن حدود
شمال و شرق مع غرب و جنوب تركّز اوتاده !!!
همومي في شراييني " جهنم " و العروق شهود
وهذا الهيكل العظمي به النيران وقاده !!!
همومي كل ما قلت ادبرت ردت عليّ وفود
كأن وجودها بصدري وجوب و فرض و عباده !!!

الاسطورة

الشاعر عادل حزل الشمري

مما راق ~

الموضوع الأصلي: نخيت الموت .. للاسطوره عادل الشمري ...! || الكاتب: بندر الساكت || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات