على الدنيا واهلها السلام

قتلتني ( حي ) !
وسيوفك : عتاب وملام ..
ماعاد هي مسألة .. ونّه وضيقة صدر ,

قتلتني
وآهـ من موت ٍ يهين الكرام
ما ودي آموت ( حتى من عدوّي ) غدر ,

وشلون ؟
منك أنت
وأنت اللي / عليك الكلام ,
لـ الحين .. دمي يفوح ( من القهر ) ما خدر

آعوذ بـ الله ..
من حب ٍ بعده أنتقام .. ,
وآعوذ بـ الله ..
من عمر ٍ سنينه كدر .. ,

ما كنت اشوفك مثل غيرك يابدر الغرام
كنت اشطب البدر .. واحطك مكان البدر

كنت آعشقك
روح
ويطاول غلاك الغمام
وأقول :-
إذا ما اسعدك ضاعت سنيني هدر

ضيعتني من يدينك
ياعزيز المقام
وآنهيت بـ يديك عمر / آنهاه معك القدر

حفظت قيمة عيون الود والاحترام
واليوم دمع الغرام من العيون انحدر

ما اقول :
غير السنين ..
اللي تعدت حطام
يا ليت حكمك بعد هذا العمر ما صدر ,

صارت :
دروب المحبه في عيوني [ ظلام ] ,
وماعاد للحب طعم الا : ( ما قل وندر ) !

صحيح :
عبره من الدنيا ,
و
مسك الختام :
اللي :
[ قدر ما استحى ] ,
واللي :
[ استحى ما قدر ] ,

هذي علومي
( على الدنيا واهلها السلام ) !
إن كنت ما أنته بـ داري يا اطرق العود .. آدر ,

الموضوع الأصلي: على الدنيا واهلها السلام || الكاتب: براق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات