يافهد لاراح ليلي حافني بالفكر حايف

[poem=font="simplified arabic,6,black,bold,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]

يافهد لا راح ليلي حافني بالفكر حايف=من يحوف من الخلايق عافت المرقـد عيونه
انظم اشعاري واحطه بالنشامى والمضايف=او على وهج القوافي عند ناس يرغبونه
ماقضيـت ايام عمري بالمشاتي والمصايف=ولا تركت الجسم ينعم بالسكون وبالليونه
في دروب العمر قل لي يافهد ويش انت شايف=غير ركضـي مع عنود بالحـلا تسحـب ردونـه
من مـهـارٍ في شبابـه يافـهـد ماهي عسـايف=ماتخـلـي كـل رجـلٍ يافـهـد يركـب مـتـونـه
ولاتظن جروح قلبي من ورى حمر الشفايف=الـغزال اللي يـعـانـد خافقٍ عارض فـنونـه
كم عزيز بالخلايق لاجلهن ذاق الكسايف=سار مع درب خطير بالرخى مايقربونه
شوفة الجسم الـمعزل بس كتفين وردايف=والسواد اللي برمشه هو بلاء قـلبي وكونـه
والشـفـايف كالبريسم تحتها بـيـض الرهايف=كن حبات الجواهر والبرد وصفة سنونه
ان تبسم ثم سولف بالسواليف اللطايف=كنها تسقي دهور الروح من صافي مزونه
والجـروح السود تنسى يافهد لو هي كلايف=رحـمـة اللي كل خـلـقـه بالشـدايـد يرتجـونه
غير طعنات القرابه بالحشى تبقى نزايف=ولا لقوا كل الاطـبـاء مرهـمٍ يشفي طعونه
ان ظهر لك بالقرابه يافـهد بعض الهدايف=من مفاطيح العزايم كالـقـلــع هـبـرة مـتونه
وطعنة رماح القرابه تاصلك مثل اللغايف=ويكشفون اسرار عيبٍ غـيرهم ما ياصلونـه
كلما قـربـت منهم لافـنـي بالكـبـد لايف=لين صار الجسم كـنـه قربـة تقرع شنونه
شارد فكري وقـلـبي ماع وظـلـوعي نحايف=والجـمـايل ماتشيل الـقـلـب للي مايبونه
كم جريحٍ سار ليله من على حمر السفايف=واشتكى ظلم الرفاق اللي لهم بالنفس مونـه
شف ثقال العقل تدمح غلطـة الناس السخايف=ومن تبع مجنون ربعه نال قسط من جـنونه
والجروح اللي تجيني من ورى زين الوصايف=راح تطويـها اللـيـالـي لا رجـع للجـلد لونـه
ابذل اسباب المواصل دام غـصن العمر هايف=ومرجع غيوب الخلايق كاف خالـقنا ونونه
لاسرت كل الكواكب طاف بالخفاق طايف=طايف لا داج فكري اتعبه واخـلف ظنونه
قام يدفـعـنـي غـرامـه للمشاريف النـوايف=وارتقي رجــمٍ طـويلٍ بالسـمـاء تشمخ ركونه
عن شماتة من يصوغ الـمـزح بربوعه نكايـف=ثم يلدغ لدغ ناب اللي على طلعة قرونـه
ان نهرته قيل هرجه يافهد ضحك وطرايف=وان تركته قـام يسجع بالعرب تالي لحونه
والـهـوى لا سـار دربــه للغـنادير العـفايف=ماعلى العاشق ملام ولا حـرام ولا مـهـونه
يافهد لو شال قـشـه وارتحل بالليل عايف=لاح له بـرق بعـيـد وساق للـبـارق ظعونـه
صار دمعي من فراقه يافهد والله حسايف=لو رحل من قبل يدفع للهوى الماضي ديونـه
دمعتك ماهي لـقلبٍ خـان ميثاق الولايف=خـلـهـا للي بغـاك وحـال سهم الموت دونـه
او على خلٍ صدوقٍ من سيوف القوم خايف=لا طرى ماضيه جـنـبـك بالدجى هاضت شجونـه
عاش في ظلمة سجـونٍ حكمها بالشرع زايف=ومن دخل سجن السياسه بالعرب مايرتجونه
او ترى دمعة عيـونك يافهد ماله خلايف=ومن رحل خله ياعله تحت ستر الله وعونه
[/poem]

الموضوع الأصلي: يافهد لاراح ليلي حافني بالفكر حايف || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات