راح اخوي الصغير الله يسمح خطاه ابيات مداعبه مع اخوي الغالي سميحان السويدي

هوراح لحايل وعيا لايجي خلا عياله وصاريقعد شهرين ثلاثه ويجي له يوم والايومين ثم هرب والظاهرانه طاح ببنات البدو يغازل وانادخل على الله




راح اخوي الصغيرالله يسمح خطاه=
لابسات الشراشف ضيعنه علي

فاتنات الشقاوي كاملات الصفاه=
مخلفات العقول اللي زهن بالحلي

غيرن الصغير وضيعن مستواه=
راح عقل الشباب العاقل الشوشلي

اشهد انه صحيح ان النسا فاتناه=
من تبعهن بنار العشق يغلا غلي

من غرق في بحورالحب ماله نجاه=
لوسحبته بحبل رشاك سحب الدلي

العذارى بعكش رموشهن فاتناه=
كم عاقل غدى في حبهن اهبلي

طيع شوري تعود وتترك الساحراه=
ساحرات الفقير ومهلكات الملي

كم غدى من سببهن من رجالن دهاه=
وكم غرق في بحرهن واحدن مبتلي

يسحرنه بردفن قام يطو العباه=
وكن خصره من انعام المطاعم خلي

بس عود علينا واترك المغرياه=
لايزتك غلاهن عن محيط السلي

(((مشعل عسام الغافل التريباني)))
في٨/٤/١٤٤٥هجري

الموضوع الأصلي: راح اخوي الصغير الله يسمح خطاه ابيات مداعبه مع اخوي الغالي سميحان السويدي || الكاتب: مشعل التريباني || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

صح بوحك لا فقدنا روائعك

دمت وسلمت شاعرنا مشعل
مبدع لاهنت

اخواني الكرام
صحت ابدانكم جميعا الابداع في مروركم الله لايهينكم

عشت وبيض الله وجهك صح لسانك شاعرنا مشعل

صح لسانك ابيات جميله شكرا

راقني بوحك سلمت اناملك

صح لسانك يالغالي


ودام قلمك الماسي


يا راقي


لروحك



البلسم