هــآجس الشــآعر .!

[poem=font="simplified arabic,7,white,bold,normal" bkcolor="darkred" bkimage="" border="double,10,darkred" type=2 line=0 align=center use=ex num="0,black""]
ليتك تضر وتنفع اللي فالمواقف ينتخيك.=لكن ما بك نفع لاشتدت ولا يخشى ضرر

يا كثر ما لمّحت لك قم للوفا وازريت فيك.=كم لي وانا انفخ في رمادك مير يا بعد الجمر

كم هقوةٍ تزمي وانا في ظلها كنت احتريك.=لكنها غابت وغبت وهاجس الشاعر حضر

يا شيخ جاملتك كثير وقلت للضيق احتسيك.=ومرار ضاقت وانت تدري ثم تجاهلت الخبر

يمكن تبيني مثل غيري يا اكْوع الكف اجتديك.=واصير وسط المحتضر عندك مثل زيد وعمر

ناسٍ تلبّسك المدايح والمواجيب تهجيك.=والمدح يصبح قدح لاغابت براهين الظفر

و يحزّ في نفسك شموخي رغم ما تملك يديك.=الا ويكسرك التسامي وانت محني الظهر

كم مرةٍ حاول زمانٍ لو ضحك لك يزدريك.=يكسر شموخي مير يرسلها وتنزي عن صخر

و كم معضلة قامت تخايلني وتوعد, فيك فيك.=حتى انتحت عني وهي بين التقهقر والقهر

صادمت صكات الدهر تصير لك والا عليك.=حتى استكانت لي وصافتني وصافيت الدهر

و اللي يذم الوقت اقول الذم كله يغتشيك.=الوقت عون اللي سما والوقت عثر المنعثر

اليتم مع جور الجماعة بين هذيّه وذيك.=والعبرة اللي وبلها في متقى الضلع انهمر

ما زعزعت عزم اليتيم بعون من لا له شريك.=واليتم فقد أهل الوفا، واليتم يتمك فالكبر

وحدة وغربة فكر، مع شمت المعافى بالدريك.=واقفاية اصحاب الرخا ومجابه سهوم الغدر

والجود بذله فالقريب اللي تجيه ولا يجيك.=حتى يراها عادة تاجب ولا فيها فخر

ان رحت يمّه يا هلا وان غبت عن عينه نسيك.=واليا عدوا معهم عدا وانحاز لأنذال البشر

و الشعر وانته تمنحه نبضك وناره تعتريك.=والمطلع اللايذ تخطى له على جمر السهر

تعتَنّ صلفات الهواجس والمساري تشتكيك.=وانته ورى شرد المعاني لين تصخرها صخر

حتى تجلّت لك هنوفٍ بالمفاتن تستبيك.=تمشي بطر ما تلتفت في ربة الطرف الحور

تلبس ثياب النور تستمطر سنا الفجر الوشيك.=فرعا القصيد اللي تبختر بالجواهر والدرر

حتى ليا نادوا هل المحفل وقالوا ننتخيك.=لقيت شعّار المهازل سادة اهل المحتضر

و الشعر مكسور المهابة كنّه العبد المليك.=ينخى ودمّه من هوانه فآخر الحفلة هدر

وأقفيت وأنته ياحليف النادرة تنفض يديك.=من شوف شيخان التسول تمدح شيوخ الغفر[/poem]

كلمات الشاعر القِمّـــة
[blink]عبدالله متعب السـميح العتيبي[/blink]

الموضوع الأصلي: هــآجس الشــآعر .! || الكاتب: ابو طارق الشمري || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

تسلم على ذوقك واختيارك

اقتباس:

المشاركة الأصلية كتبت بواسطة شجن.

تسلم على ذوقك واختيارك

هلابك شجن ولكِ جزيل الشكر والتقدير على تشريف الموضوع
رفع الله مقدارك ولاعـــــــــــدمنا وجووودك.

اختيار روعه سلم شاعرها وناقلها

اقتباس:

المشاركة الأصلية كتبت بواسطة سمو الروح

اختيار روعه سلم شاعرها وناقلها

هلابك سمو الروح ولك الشكر الجزيل على تشريف الموضوع
وعلى روعة حضورك
رفع الله مقدارك ولاعــــــــــدمنا وجووودك.

قصيدة جزله
صح لسان شاعرها
وسلمت يمين ناقلها
شُكراً لجنابك

اقتباس:

المشاركة الأصلية كتبت بواسطة زفرات الصمت

قصيدة جزله
صح لسان شاعرها
وسلمت يمين ناقلها
شُكراً لجنابك

هلابك زفرات الصمت ولكِ الشكر الجزيل على تشريف الموضوع
صح بدنك ورفع الله مقدارك ولاعــــــــــدمنا وجووودك.

الله الله على جمال ورعة ذوقك


يالغالي قصيد راقيه ممتعه


صح لسان شاعرها


وتسلم ايادي


ناشرها


شكري وتقديري


لسموك

اقتباس:

المشاركة الأصلية كتبت بواسطة شبام

الله الله على جمال ورعة ذوقك


يالغالي قصيد راقيه ممتعه


صح لسان شاعرها


وتسلم ايادي


ناشرها


شكري وتقديري


لسموك

هلابك شاعرنا الفاضل شبام وصح بدنك وسلمك الله من كل مكروه
وألف شكر لك على تشريف الموضوع
لاعـــــــدمنا وجووودك.