مـسـاجـلـة شعرية بـيـنـي وبين الشاعر: نــايــف الـنـاهـي

[align=center]أسعد الله أيامكم جميع
حبت اضع بين يديكم هذه المساجلة البسيطة
التي تشرفت بها وهي مع شاعر كبير وله في قلبي المكانه الخاصه
هي مع أخي وصديقي الشاعر: نايف الناهي
اترككم مع القصيدتين وكانت البداية مني[/align]
[poem=font="arial,7,red,bold,normal" bkcolor="transparent" bkimage="" border="solid,4,black" type=2 line=1 align=center use=ex num="0,black""]
يا نايف القلب عيا لا يطاوعني = يمشي مع المقفي اللي طال ترحاله
وش حيلتي ياصديق الصدق صارحني = ياكيف أبقدر على التوديع وأحتاله
مرت سنين العمر والهجر ذابحني = أقول عادي وأنا والله ما أقوى له
يانايف الهجر منه مابدر مني = وش حيلتي والخفوق اسنين مدهاله
ذبحني اللي بوصله صار قاطعني = يوم إنقطع عن جميع البث برساله
مايدري إن السهر والهم جارحني = مايدري إني أعيش الحزن بإهماله
يانايف إن كان بالتقصير ظالمني= إنشد عن الوصل جوالي وجواله
ياما سهرنا الغلا والشوق سامعني = ياما تغنى الخفوق بصوت مواله
واليوم مدري علامه ما يريحني = وش فيه مدري وش اللي صار في حاله
فجأة من الصوت صار اليوم حارمني = فجأة فقدته وقلبي فاقد وصاله
يانايف الهجر بين اثنين وش يعني = وش يعني الهجر دام الروح تبراله
شكيتلك ياصحيبي مير سامحني = صاحبك كل الحزن موجود في باله[/poem]
[align=center]وهذا رد الشاعر:
نايف الناهي[/align]
[poem=font=",7,blue,bold,normal" bkcolor="transparent" bkimage="" border="solid,4,black" type=2 line=1 align=center use=ex num="0,black""]
ما كل شخصٍ يشـد القـاف يعجبنـي=ولا كل من يطلـب الفزعـات يعنالـه
كن الذي (يسنـد القيفـان) يطلبنـي=ولو كان يطلب هـوى بالـي بيهدالـه
هلا بالـذي يكتـب القيفـان يندبنـي=الصاحب الي أبد ماغبـت عـن بالـه
هجر الولايف على ماقلـت : ذابحنـي=وأشوف خِلّك على الهجران في فالـه
لاتشتكي لـي تـرى قافـك يعذبنـي=وأشاطرك همك وعرق القلب يدمالـه
إن كنت تبي النصيحه هاك واسمعنـي=حيثي عبرت الجبل بالحـب وأسهالـه
حال الوفاء في وقتنا ماهـو بمعجبنـي=وراع الوفـاء ياصحيبي ضاع مقيالـه
أجف الذي جافاك لـو قلـت يقتلنـي=وأعط الغلـى للـذي يآفـي ويسعالـه
وأنا أشهد إنك (وفي) دايم وتعجبنـي=شهادةٍ تشغـل المديـون عـن مالـه
الي يبيعـك (بعـه) لاتهـدم المبنـي=والـي عطـاك الغلـى بالعـز يبنالـه
((هذا كلام الذي يزرع القيفان ثم يجني=بالتجربـه ماخلـط عِرفـه بجهالـه))
وأرجوك في ختمة المرسول تعذرنـي=ياشاعـرٍ (يضفـي الشعـار بجلالـه) [/poem]

الموضوع الأصلي: مـسـاجـلـة شعرية بـيـنـي وبين الشاعر: نــايــف الـنـاهـي || الكاتب: محمد الفريدي || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات