يازمانات اول تعالي

[align=center][table1="width:70%;background-color:black;border:4px ridge red;"][cell="filter:;"][align=center]

كنّا صغار ..

وكنّا نلعب بـحير جَدّيْ..

كنّا نتسابق ..

منهو اللي يسبق الثاني ويعَدّيْ..

كنت اطيح ..

وكنت اصيح ..

يا ... خذْ بيَدّيْ..

وكنت تترك اللعبة لأجل عيني وتهَدّيْ..

وكنت اطالع انت جيت والا لا..

واتصيفر ثم ابـحّرْ..واتصيفر ثم ابـحـّرْ..

وانت تدري اني اكذب ..

والبنات كل ابوهم والعيال..

حتى جَدّيْ كان يدري ..

ويكتم الضحكة بصدره ..

مثل ما انتم تكتمون ..

وكنت تحملني وافرك ايديني لحصة ..

موتي موتي مين قَدّيْ..

وكنت تركض واصرخ بعالي الصوت ..

يا....لاتسرع خايفة اطيح..

تكفى هَدّيْ..

وناصل البيت ونتعشى ثم ننام ..

ونصحى من النوم بدري ..

والمكينه تشتغل وجدي واقف ..

ينتظر هالشمس تشرق ..

لاجل يصلي ركعتينن للشروق ..

ونتسابق للدجاج ..

كل واحد معه بيضة ..

الا انا ..

وتفرك حصيصة يديها موتي موتي

الا انتي ..

وارجع لجدي اصيح ..

ليه ياجدي ليه ديكي مايبيض ..

ويضحك بوجهي ويقول..

هاتو البيض كله ..

كنا نجلس كل ابونا ..

حول مشباب جدي ..

وريحة القهوة بهيله والحليب وكل ابونا كان مشتي ..

يازمانات اول تعالي ..

يازمانات اول فقدتك ..

تذكر التنور ..وابريق الحليب المصَدّيْ..

اسودن لونه من كثر مايحطه على النار جدي ..

وريحة الرغفان ..شي بدهن وشي يغطي ..

يازمانات اول تعالي ..

يازمانات اول فقدتك ..

والارانب والدجاج وديكي اللي مايبيض..

والحمام والخروف اللي كم مرة قد نطحني ..

تذكر الدزدان ..تذكر الفستان ..تذكر اللعبه

اللي قد شراها لي جَدّيْ ..

وتذكر العصفور اللي قد عطيتن ..

يوم احطه تحت راسي ..كان قصدي ايتدفى ..

بس مات ..

يازمانات اول تعالي ..

يازمانات اول فقدتك ..

تذكر المفتاح يوم احطه ..

داخل المفواح ..

كان قصدي مانروح ..

من كثر مااحب جَدّيْ..

يازمانات اول تعالي ..

يازمانات اول فقدتك ..

وراحت الايام كله ..

وكبرنا ومات جدي ..

يازمانات اول تعالي ..

يازمانات اول فقدتك ..

بقلم انفاس

ملاحظة

لتوضيح ماتحته خط حير : اي مزرعة

اتصيفر : اتظاهر بالاغماء

ابحر : احاول ان افتح عيوني

[/align][/cell][/table1][/align]

الموضوع الأصلي: يازمانات اول تعالي || الكاتب: Anfas || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات