يسرقني على الذكرى

السلام عليكم ورحمة الله وبركاته

مــــسأكم فــــــــــرح

المدينة
تسْتيقظ عندما ينام الناس ..
ك الجروح تماماً .................. والذكريات..؛
،
،

أجمل الأيّام [ساعةْ] ذكريات
واصْغر الاحلام دايم باكيه !
:
آآه ماقْسى إحتظار الاُمنيات
وآآه ليت الآآه منّي كافيه..
:
المسافة ضيّقت صدر الجهات
واتْركتْ.لي |خطوتين وهاويه|
:
للظلام أللي مثل قطعةْ عباة..
أو طريق ٍ يختصرك بزاويه !
:
كِل حلم ٍ عاش فيني|فيني مات
والبقى.. براس الجروح العاريه !
.
.

.

وش أكْثر شي يسْرقني على الذكرى.. سُوا غيّاب
إلامني سهيت -وجا- رسول الشوق ياخذني
يودّيني على آخر ليل جمّعني مَعَ الاحباب
وانا والله ماودّي.. عقب غيبه يذكّرني!
تِكَفْكفْني ذعاذيع الوله وارحل كِما اسراب
حَداها الوقت للغربة / مثل مالوقت غرّبني
أسافر.. للبعيد أللي ترك جرحي بدون ثياب
وآهيم بسكّةْ المنفى | وارد أرجاه يعْتقني!
على الماضي رجعت ابلا وعي كِنّي فتحت كْتاب
أو الأحرا.. فتحت أيّام نست وشلون تكْتبني
عزاي أني مثل ذنب ٍ تِمادا بالخطا..| ماتاب
ألا ليت البشر تدري.. وش أللي كان يمْنعني!
(غلا من راح) أو يمكن.. وفا عن ذكرهم ماغاب
تِشتّتني بِقاياهم | واشوف الحلم يجْمعني
تِكبّرت وكبرت وطحت.. على كبْري معاي (عْتاب
يِردّد للمسا هو ليه؟) صباح الخير يجْهلني!
أنا الصبح اليتيم أللي شرق فيهم|وفيهم ذاب
أنا الليل العقيم أللي هقيت الأمس يشْرقني
حنين الوجد / واللوعة / وخاطر عقبهم ماطاب
أساير وحشتي عَلِّي.. أصادف من يدوّرني!
إلامنه دعاني الشوق -للذكرى- وبكيت أحباب
أقول الله يِجازيهم على الذنب.. ويصبّرني!
.
.
.
.

إنتظرت ب هَمْ يرجع شيْ فات
لكن سنيني تعدّت../ خاليه
:
وش بعد أرجي إذا ماتت حياة؟!
ماهي لحيةْ طبْ (وأجر وعافيه)
:
العمر قفّى../ وخلاني وصاة..
في عيون الضيق شمعةْ زاويه!
:
للحزن ناي/ ومقام /واُمسيات
وللصدر ليل وذيابه عاويه !
:
أجمل الأيّام (غفوةْ) ذكريات
واتْعس الأيّام../ دايم باقيه !!
:
اصْغر الاحلام دايم باكيه !!

لـــ العذب سعد السعيدي

الموضوع الأصلي: يسرقني على الذكرى || الكاتب: سـ1ـطـ1ن || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات