| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
المشرفة المميزه |
 |
مرحبا ً غرام الشوق
بقلم : بعد حيي  |
 |
قريبا |
| كلمة الإدارة |
 |
|
|
||||||||
|
||||||||||
 |
|
 |
||||||||
 « آخـــر الـــمـــشـــاركــــات » |
 الإهداءات |
 |
|
|
أدوات الموضوع | انواع عرض الموضوع |
03-12-2008, 11:49 PM
|
#1 | |
|
مهرجان الجنادرية للتراث والثقافه بعدسة شاعر
السلام عليكم ورحمة الله وبركاته اخي / اختي اذا انت داش الموضوع الصباح اقولك صباح الخير واذا مسا اقولك مساء الخير في يوم الجمعه الماضيه الموافق 29/2 قلت اروح اصور شيء من الجنادرية ويكون حصري لمنتدي بعد حيي (( الصور التي تم التقاطها كثيره فحاولت اختصرها بالصور التالية )) [IMG]  [/IMG]اللي هذا اوله ينعاف تاليه من يوم شفت ها اللوحه قفلت الأخلاق ودقيته لطمه لاحقينا حتى بالجنادريه بغيت ارجع مع دربي عقب ها اللوحه بس قلت خل نكمل الشغله الي جينا عشانها المهم والتفت يمين ومير اصكها ضحكه يوم شفت جناح حايل وهناك لقيت عويشق ومزيون حايل اللي لابسين الطرابيش الحمر مدري من وين جايبينه عويشق من وين جبته  ومير يوم شافوني ويسلمون علي ويقومون يترززون قدام العدسه يبون اصورهم قلت ابشروا ما اردكم بس مزيون هون قال خاف تفضحن ويدرون السحالي ان اسمي مو على شكلي وعطاني ظهره  [IMG]  [/IMG]وهذي صورة لمدخل قسم حايل [IMG]  [/IMG]صورة لسوق حايل الشعبي ما ابه احد العالم مدري وينها مقيله الظاهر لأن اغلب الحرفيين مو فيه او أن البلديه لاحقتهم حتى بالجنادرية ،،،،، ها البلديه ما منها فكه بلشه [IMG]  [/IMG]وهذي صورة من زاوية أخرى للسوق الشعبي شوفوا الكرم الحايلي من التعب شربت كل القهوه اللي بالدله وبعدها عجزت اتحرك من كرشي قمت اسحبها سحب حتى أن اللي يصب قهوه قالي : خمس مية فنجال لشاعر صبية ******************** لو أن بطنه قربت( ن) قد ملاها [IMG]  [/IMG]صورة لأحد المعروضات بسوق حايل الشعبي (( الله من طبخ المفاطيح بها القدر الكبير )) نور الدنيا يالله انتي وحورية وشادن وكم سحليه صنفروا القدور لين تصير تلق من البياض وبعدين اطبخوا لنا المفاطيح بمناسبة سلامة الساري [IMG]  [/IMG]صورة من زاوية أخرى للسوق الشعبي (( شفت العيشه وطقني الجوع بس بيني وبينها الجدار ولا كان فرست اللي بالحافظات )) انا متعمد الصوره كذا العود الأزرق (( أيش الأكلات اللي بحافظات الطعام )) رجاء بدون مساعدات خارجيه [IMG]  [/IMG]وهذي وصورة لأحد مباني حايل من الخارج [IMG]  [/IMG]وهذي صورة المبنى من الداخل يا زين الجلسه بالليوان  (( اللي ما يعرف الليون يسأل عبيد الضلع أو نور الدنيا متأكد انهم يعرفونها لا تسألون ليش متأكد )) لكن شوفوا مزيون وش مسوي فضحنا بس راح فيها لأنه انكشف يوم طلعت لقيته يصايح ويحالف انه مو هو اللي كتب الذكرايات والعسكر ما سكينه بيودونه السجن فا ياليت أحد يروح يكفله ما لقى له شخص يكفله للحين ما تشوفونه غايب عن المنتدى تراه بالسجن وهناك ما فيه نت فيه نتف رموش [IMG]  [/IMG]وهذي صورة (( المشب )) كما يسميه الكثير من اهل المناطق الشماليه بالرغم من بساطته إلا أن له سحره الخاص الذي أسرني (( كم تمنيت أنني من ابناء ذلك الجيل )) [IMG]  [/IMG]بيت حايل (( مجموعة فضاء للتصوير الضوئي )) بصراحه ها القسم من افضل الأقسام اللي مريته بالجنادريه وهي لمجموعة من موهبي وموهوبات حايل [IMG]  [/IMG]صورة من الداخل [IMG]  [/IMG]جانب من المعرض [IMG]  [/IMG]بعد ذلك وانا في طريقي إلى منطقة القصيم مررت بمنطقة الباحه [IMG]  [/IMG]لقطة علوية لعرضة أهل الباحه [IMG]  [/IMG]بعدها يجي جناح القصيم وهو ظاهر من اللقطه اللي فوق وهذي عرضة اهل القصيم [IMG]  [/IMG]وهذي احد المعروضات بقسم القصيم شوفوا خلاقين كلي أحساس كل اللي بالصورة خلاقينها [IMG]  [/IMG]اقول ترى تعبت من الكلام ما ودكم ناكل من ها التميرات قهوه ما ابي يكفي اللي شربته بقسم حايل [IMG]  [/IMG]صور خاصة للمبني الخارجي لمنطقة القصيم بعد صلاة المغرب اتمنى تعجبكم [IMG]  [/IMG]وهذي الصورة الثانيه بعدها بأقل من 10 دقايق [IMG]  [/IMG]أمارة منطقة الجوف [IMG]  [/IMG]ما شاء الله عليهم ها الشيبان عليهم تنكس وطرب بغيت اجدع الغتره واتنكس معهم بس خفت يشوفني أحد ويعرفني ثم يفضحن عند شيباني [IMG]  [/IMG][IMG]  [/IMG]بعدها ذلك أتجهت إلى قسم المدينه المنوره <<<<<< اخس عليك يا راعي الفصحى قسم المدينه المنوره غير عن كل الاقسام وهو أكثر زحمه بتدرون ليش من الصور المهم هذا لوحة مبنى المدينه المنوره  هذي صورة للمبنى من الداخل شوفوا بس كيف الزحمه يالله لقيت لي مكان اصور منه والله فرق بين الزحمه هنا وبين الزحمه بمعرض الكتاب تدرون ليش ......... لا تستعجلون بتعرفون السبب بالصور الجايه [IMG]  [/IMG]صورة من احد زوايا المبنى للمحلات الموجوده بسوق المدينه [IMG]  [/IMG]ها الصورتين الجايات يبينون سبب الزحمه [IMG]  [/IMG][IMG]  [/IMG]مكتوب (( تميز )) طيب سؤال : ايش الفرق بين التميس والتميز ؟ اتوقع الإجابه اذا اللي يسوي الخبز افغاني يصير تميس واذا اللي يسويه حجازي يصير تميز اذا فيه حجز بالمنتدى بدون زعل وهذي هديه مني لكم حتى ما تزعلون [IMG]  [/IMG]وهذي صور لعجوة المدينه والكل يعرفها ويعرف فوائدها كما ورد في الحديث [IMG]  [/IMG]وهذي صورة احدى الفرق شكلها فرقة المدينه مشيت معهم لين باد حيلي واوجعتني رجولي ،، فروا الجنادريه كلها وهم يرقصون ما شاء الله عليهم [IMG]  [/IMG]يتبع .............. ارجو عدم الرد حتى يكتمل الموضوع |
|
|
|
|
03-13-2008, 01:31 AM
|
#2 | |
|
واحشني زمانك
|
[align=center]
[grade="00008B FF6347 008000 4B0082"] هههههههههههههه ياملا العافية ياشاعر المشاعر والله كني رحت للمعرض وتمشيت فيه صور روعة ماشاءالله عليك مصور محترف اخييييييييييييييييييييه يامزيون فشلنا هو وذكرياته ههههههههههههههه والا هالقدور وافشلتي وش اللي يبي ينظفها والله لوننقعها في كلوركس ثلاث ليال مانظفت ربي يسعدك على الصور الرووووووعة!! لاهنت اخي [/grade] [/align] ترا توي اشوف التحذير>>>>مدلخة بس عادي احذفوا ردي واذا جيت من (الديرة) اكتب غيره |
|
|
|
03-13-2008, 01:47 AM
|
#3 | |
|
صورة جناح معرض الكتاب بصراحه شيء يحز بالنفس قسم المدينه انواع الزحمه عشان غذاء الاجسام ومعرض الكتاب ما به أحد مع انه غذاء العقل لكن العالم ما عليه من العقول عليه من الكروش لا اريد التعليق الصور تتحدث [IMG]  [/IMG][IMG]  [/IMG][IMG]  [/IMG]قسم الدفاع المدني الله لا يحيجنا لهم اذكر احترق بيت واحد من الجيران ولا وصلو رجال الدفاع المدني إلا بعد نص ساعه بعد ما طفو الجيران البيت لو الله تكلهم على الدفاع المدني كان ..... جزء من النص مفقود ............... [IMG]  [/IMG]صور لأنشطة الدفاع المدني داخل الجناح [IMG]  [/IMG]المهم شوفوا ها الشخص الموهوب يرسم بالماء طبعاً بجناح تركيا قلت له اكتب لي شاعر المشاعر بغى ياكلني يقول لي بما معناه ما اشتغل عند ابوك تبي اكتب ادفع اتركم مع الصور [IMG]  [/IMG][IMG]  [/IMG]بعد ما رسم حط ورقه بيضاء على سطح الماء وطلعت الألوان على الورقه بدون ما يبقى اي لون على سطح الماء [IMG]  [/IMG][IMG]  [/IMG]صور سيارة الملك عبد العزيز تصلح صراحه الواحد يدور به بشارع التحليه ثمن يطلع للمكلة والفيصليه [IMG]  [/IMG][IMG]  [/IMG]يا روحي يالتقنيه الموجوده داخل سيدي dvd وشاشات عرض [IMG]  [/IMG][IMG]  [/IMG]صور من هنا وهناك ،،،، صورة باص نقل معلمات الظاهر شادن تعرفه زين ها الباص معاصرته ههههههههههههههههه هذي الظاهر صورة اسعاف عز الله راح فيها اللي بيسعفونه بها السيارة [IMG]  [/IMG]وهذي صورت فورت على قولت الشيبان منذر السياره هديه لك مبروك بس لا تنسى تجيب معك بطاريه ولا اقولك جب سطحاء اضمن هذا فورد موديله 66 [IMG]  [/IMG]صورة ضبعاء او ضبعه كما يسميها البعض اللي ما يعرف الضبعاء كلب بوليسي قديم هههههههههههههههههههه الضبعاء من الحيوانات المفترسه رقبتها سيده ما عندها لف ودوران هههههههه اذا بغت تطالع للخلف لازم تلف بكامل جسمها ما تقدر تلف رقبتها تقل تريله الضبعاء تؤكل والناس الأولين كانو ياكلونها (( اقول احمدوا ربكم على النعمه اللي احنا عايشينها )) بالله هذي من بياكلها [IMG]  [/IMG]يا حبي لها الفصل هذا فصل 2 / ب شوفوا زحمة الطلاب الله يكون بعونه كثير طلابه صراحه [IMG]  [/IMG]مشغل نور الدنيا للخياطه ،،،،، بصراحه نور الدنيا فاتحه مشغل ولا قالت لكم يا سحالي المنتدى بصراحه ديكورات المحل مره روعه حتى شوفوا نعالها (( الشبشب )) وين حاطتهم مرتبه ها السحليه المهم اخليكم مع ديكور المحل (( الله من الجراذيه والفيران بالدروج )) [IMG]  [/IMG]هنا كفشت نور الدنيا قاعده تفصل فستان لحورية حايل هههههههههههههههههههههههه حوريه يا عله بالمبارك تقطعينه بالعافيه (( مع انهم يقولون خياطة نور ما تقطع بسهولة ))[IMG ]  [/IMG]اخر ما توصل له فن التعتيق (( شوفوا تعتيق غرفة النوم )) تعتيق على اصول بطانيات ومطارح (( الله من الغبار اللي يذرذر )) هههههههههههههههههه [IMG]  [/IMG]هنا مجلس نمر بن عدوان مطور (( حاطن تلفزيون يبي يتسلى عقب موت زوجته )) [IMG]  [/IMG]عيال باب الحارة بالجنادرية لا مو معقول شوفوا الصور [IMG]  [/IMG][IMG]  [/IMG]لا تصدقون هذي طال عمركم فرقة تركيا للفنون الشعبية بس ما تلاحظون شيء بالصورتين اللي فوق ((((((( الطول عز >>>>>>  هذي صورة واحد يعزف على آله الربابه (( حتى غني ناقتي يا ناقتي ريماكس ههههههههههه)) [IMG]  [/IMG]معرض الشهادتين والسيرة النبوية جزء الله القائمين عليه خير الجزاء [IMG]  [/IMG]اخر المطاف صورة للسواني [IMG]  [/IMG]وهذه صورة مع بداية الغروب اتمنى ان تنال اعجابكم [IMG]  [/IMG]واخيراً الدعوى مزوح تجي وتروح واعتذر عن بقية الصور اخوكم شاعر |
|
|
|
|
03-13-2008, 02:20 AM
|
#5 | |
|
شــــاعر المشاعر
عصر يوم الجــمـعه صادف حضورى لمهرجـــان الجنادريــه وعتقد انه فى نفس التوقيت الذى تواجـــد ت فيه انت. ياليت كنت اعرفــ انـــك متواجـــد كان اتقابلنا. اعجبنى ما شـــاهدت فى ركــن الدفـــاع المدنـــى .. كان هناك عزف ناقتي يا ناقتي ريماكس اعجبتنى. شــــــــــــــاعر يعطيك العافيه اخوى صور جميله ورائــــعه. كل الود والتقدير لشخصك |
|
|
|
03-13-2008, 02:33 AM
|
#6 | |
|
مراقب سابق
|
[align=center]
اختيار موفق لجميع الصور وتصوير متقن ورائع ودقيق ماشاء الله عليك شاعر يعطيك العافيه على هذا المجهود وننتظر المزيد من صور كاميرتك الرائعه تصدق شاعر اني في الرياض ولا رحت للجنادريه تسألني ليش ؟ مدري ههههههههههههه هايم [/align] |
|
|
[align=center]
 [/align] |
|
03-13-2008, 10:34 AM
|
#12 | |
|
شاعر المشاعر \\ تغطيه رائعه ورحله ممتعه سلمت اناملك تحيتي |
|
|
قال رسول الله صلى الله عليه وسلم " من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب"
|
|
03-13-2008, 02:08 PM
|
#14 | |
|
نور الدنيا الله من العجله بها الراس اللحين ما تشوفين التنبيه (( لآ أحد يرد حتى يكتمل الموضوع )) هههههههههههههههههههههههه نور لو انتظرتي شوي شفتي اللي يخصك بباقي الصور نورتي متصفحي بطلتك البهيه |
|
|
|
|
03-14-2008, 09:33 AM
|
#15 | |
|
ياملا العافيه والله ياشاعر
انا جيت اول واحد بس طلعت عشان ارد بعدين وراحت علي نومه ونسيت بعد خخخخخخخخخخخخخ والطربوش الأحمر تراهن مسروقات من بسطه السحالي بالمنتدى هههههههههههههههه لاهنت ياشوق البنت على اللقطات الرائعه عشوق |
|
 هنا ألمي وحزني ياصديقي http://www.b3b7.com/vb/showthread.php?t=92306 اللهم إرحم من إشتآقت لهم أروآحنآ وهم [تحت الترآب] ..! |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
(عرض الكل)
الاعضاء الذين شاهدو هذا الموضوع: 1
|
|
|
|
العرض العادي
