لاتغٌُركُـً لحُاهـٍمًِ

.

لاتغرّك لحاهـم .. كلهـم يكذبـون=ومثل ماتطلب الجنّـة جهنـم تبـي
مقصرين الثياب .. ومسبلين الذقون=من تشوفه تقول "استغفر الله" نبـي
لأجل رغباتهـم بالديـن يتستـرون=سالكين دروب الدساسـة والحبـي
زمرة عن دروب المراجل يقصـرون=وكل وجه مثل ذيك الوجيـه يهبـي
شوهوا سمعتي بين البشر وظلمون=أتعبوني وشلـت أتعابهـم وتعبـي
والله إن القضية فـوق ماتفهمـون=وفوق جلمود حزم من رقـاه غبـي
يافهد ليتهم باللي جـرى واجهـون=كان عزّوا علي مثلك وهان طلبـي
لو يقولون طالوا قلت : ما يقدرون=ولو رقوا سلّمي ماياصلون عنبـي
وكان ينوون ذلّي قلهم يقول تخسون=وعن دنس مثلهم يكرم سواد شنبي
وأنّي أكبر وهم ياعزوتي يصغـرون=دام الأيام تكشف كل ماهـو خبـي
والله إنّي برئ من كـل مايفعلـون=ورافع عن دناءتهم عزيـز نسبـي
إيه أنا ذيب وأشباه الحصاني تهون=عزتي والكرامة جوهـري وذهبـي
علمته الفراسة وش معنى الجنـون=وعلمته الليالي وش معنى السبـي
جيتهم عاصفة من بعد فترة سكـون=ومن تجاهل برادي يتقي شر لهبـي

.

لاتغرّك لحاهـم .. كلهـم يكذبـون
ومثل ماتطلب الجنّـة جهنـم تبـي
مقصرين الثياب .. ومسبلين الذقون
من تشوفه تقول "استغفر الله" نبـي

يخسي من قالها وصح نقلك
ماكل اهل اللحا هكذا
سود الله وجهه

هههههههههه الشايب هدي اللعب

مشكور حد السيف على الاختيار

اشكرك على النقل
والقصيده لصاحبها
وهو يتحمل مذمتها

عشت عشت
مشكور حد السيف على الاختيار
يلبسك العافيه