قصيدة مقرود

وهذا قصيدة الهرش اسمعووووها

ألف اولف بين معزى وبرابر *** والحظ عندي يا ملا شين خابر
على الخساير والشقا دوم صابر *** يسموني ابو ميسر كثير الدعايات

والبا بنينا من الحظاير والاحواش *** وشريت أنا بيض البرابر والأدباش
وان مارضوا بالدين دفعنا لهم كاش *** بس البلا يافلان كثر الوفيات

والتا تراني ياجماعه توذيت *** أدور المكاسب ولكني دجيت
من لامني لا صحت بعالي الصيت *** يصير خظه مثل حظي خسارات


والثا ثلاثة بالفكر شاركوني *** قالوا نمدك بالعمل والفنوني
اشتر ولا يهمك وخابت ضنوني *** اشوى انهن برابر ماهن بخلفات

والجيم جمعنا الذرة من عروقه *** لكن غنمنا كاثرات ذروقه
تذرق لو ان الخبز ماهي تذوقه *** خسران من عد البرابر تجارات

والحا حمد قال الكلام المفيدي *** من شاركك يافلان حظه قريدي
يوم السعد يافلان عنك بعيدي *** الحظ عندك ناقصه عشر جرعات

والخا ختمناها بطق الشبوكي *** وكثرة علينا الشبه والشكوكي
بالحال لو سافرت فوق المكوكي *** لحقوك خمس مقرد بالونيتات

والدا داويت انا البرابر وكويت *** ويبدأيسعبل كن بعيونه فليت
ومن بعد مانكويه من باكر ميت *** ندور الخيرات لو هن خفيات

والذا ذرقه واصل حد كوعه *** ومن الضعف متلويات ضلوعه
يموت سبعه في نهايات اسبوعه *** أشقيت انا حالي بين روحه وجيات

والرا ومن رايم بارض لبيده *** نرهي عليهن بالعلف والحصيده
لو شفت واحدهن حشا ماتصيده *** لكن يجيه موته من بعد ساعات

والزا زرنا من الدخاتر كثيري *** ولا لقينا في علاجهن خيري
يقول لي ياخوي دور على غيري *** ماعندي للبرابر علاج ودويات

والسين سلالن بهن ياجماعه *** والا بهن فيروس نقص المناعه
بضاعه ياشينها من بضاعه *** غلطان من عد البرابر تجارات

والشين شنّوا حمله للقضابه *** من دون انذار ومن دون قاضي
الضاهر ان الريس اليوم فاضي *** زعلانن علينا عساهن اليوم سلامات

والصا صرفنا من الدنر للمقاول *** واول ماعيّن فيه دوم تفاول
واول زياراته علينا بشياول *** والله تجملتوا علينا بزيارات

والضا ضنينا ان الشياول لتعمير *** لتوسعة شارع ولاهي لتدمير
الله لايجزاك يالشيول بخير *** ضاعن برابرنا ونطلب اعانات

والعا عيو علينا والشياول تطامر *** وانا عيوني سارحات بالبرابر
اقول معانا اوراق ويقول خابر *** زلزال صابنا والضحيه غنيمات

والغا غير ربنا بالمساري *** النيه لحوشي وطاحوا بجاري
مادريوا ان الحوش بوسط المذاري *** بالجال ماهو بارز بالبنايات

والفا فهمنا قصدهم يوم جونا *** وبقضة الجدران هم حطمونا
نبي نسكن لكنهم مانعونا *** يبوننا نسكن بوسط الخويمات

والقا قلنا مهلكم ياجماعه *** نبي سكن والله ماهي طماعه
محد بنا له حوش ومن ثم باعه *** يبي يذري زوجته والبنيوات

والكا كلن ساكنن في مخطّط *** وحنا ياهل الخير بشكل مبسّط
معاملتنا بالمجمع تفحط *** لا احلا زفلت مخطط ولا به انارات

واللام ليتن لنا بالمجمع يجودي *** يرهي علينا من كثير البنودي
بديارنا كنك سكنت النفودي ***لاخدمتن تاصل ولا به مبيدات

والميم مّنو بالمخطط علينا *** من الضيق لم الجال حنا لجينا
ولا سلمنا يوم حنا بنينا *** جابوا شياولهم من صبح عجلات

والنون ناس تشتكينا على الغير *** وتقول للمسؤول انا فاعل خير
اللي مثل ذولا تراهم خنازير ***مفرقين الشمل بين الجماعات

والها هاذي قصتي في قصيده *** لو انها مالها معاني مفيده
حنا خلطناها بشكل العصيده *** يمكن على الله يفتحون الملفات

والواو واويل البرابر من البرد *** من عقب قضب الحوش ماتن من الصرد
من أول ينقز مثل نقزة القرد *** راح الذرى واليوم صارن حسيرات

واليا يالله لا تسلط علينا *** ومن شريت البرابر ترانا قضينا
أرجوك يالسامع لا تزعل علينا *** والخاتمه هاه نهديها سلامات

[align=center]والعا عيو علينا والشياول تطامر *** وانا عيوني سارحات بالبرابر
اقول معانا اوراق ويقول خابر *** زلزال صابنا والضحيه غنيمات

** دلوع **

تسلم على القصيده الرائعه
وصح لسانك ولا هنت

والله لا يحرمنا من مشاراكتك الجميله

تقبل صادق التقدير ةالاحترام

أخــــوك

@@ دهــن العـــود @@[/align]

والواو واويل البرابر من البرد *** من عقب قضب الحوش ماتن من الصرد
من أول ينقز مثل نقزة القرد *** راح الذرى واليوم صارن حسيرات
هههههههههههههههههههههههههههههههههههههههههههههههههه هه
دلوع من وين تجيب هالقصايد الحلوه ههههههههههه
الف شكر لك اخوي
وننتظر قصايدك الحلوه

اختك
قطر الندى

[align=center]والميم مّنو بالمخطط علينا *** من الضيق لم الجال حنا لجينا
ولا سلمنا يوم حنا بنينا *** جابوا شياولهم من صبح عجلات

دلوع
شكراً لك اخي الكريم على هذ ه القصيده
يعطيك الف عافيه
سهر[/align]

تسلم دلووووووووووووع


شكرا

اخوي دهن العود الله يسلمك دوووم لنا وشاكرين ومقدرين تجاوبك معنا
اختي قطر الندى بصراحه قصيدت الددسن انا اللي قايلها واما القصيده هذي لواحد مقروووود يلقب نفسه بالهرش والحمد لله اننا اعجبناكي
اختي سهر واله يعافيكي على مروووورك الجاد قصدي مرووورك الرائع
اخوي ال هاوي مالك داعي قصدي الله يسلمك وانت الاروع