للكبار البزارين لايوتوتون هنا

[ALIGN=CENTER][TABLE1="width:70%;background-color:black;border:4px ridge teal;"][CELL="filter:;"][ALIGN=center]
ابي اتكلم بصراحه عن ايجابيات التلفزيون السعودي زمااان قبل الدشوش او بالاحرى ايجابيات القنوات الارضيه ,, قبل المهزله التي اصبحت تسعى بين اسلاك جهاز التلفزيون والسبب المدعو ( رسيفر )

لما كنا صغار نصحى بدري جداااااا انا واخوي الي اكبر مني ونلعب في الحوش,, وكل القنوات الارضيه تكون مسكره من الليل وماتشوف على شاشتها الا نغمة تششششششششششششش الخ
عاد تغيرت هالنغمه مع الوقت وصارت تجي الساعه الرقميه الممله









المهم اول مايفتح التلفزيون نركض ونسنتر قباله من اول مايجي السلام الملكي وحنا نردد معاه الين يطل علينا المذيع بطلته البهيه ويقدم الافتتاحيه بالقرآن الكريم ,,





طبعا كنا نردد هالسلام الملكي ونحس بفخر وحنا نردد مع الكورال واحيانا كنا نضرب تحيه للملك الين ينتهي السلام الملكي ههههههه




وكنا نتسمّر على القرآن الكريم ولا نتحرك حركه لان القارئ محمد الطوخي كان يقرأ هالايه قبل مايبدأ في قراءه القرآن :
{وَ اِذَا قُرِأَ القُرْآنْ فَاسْتَمِعِوا لَهْ وَ اْنصِتوْا لَعَلكُمْ تُرْحَمُون
وهذا احسن شي كنا نسويه







ولما يخلص القرأن كان يجي بعده التفسير للايات اللي قرئت وكان يطول بتفسيره وحنا مسنترين ننتظر بكل شوق







ولما يخلص يطل علينا المذيع بأحلى اعلان وهو بدء الرسوم المتحركه الي تجلس تشوفها ساعه او ساعتين مو اكثر ,, مره في الصباح ومره العصر مو مثل الحين طوووووووووول اليوم
كنا نجلس على الرسوم ونتابع بشغف ,, اصحيح اغلبها كانت تجيب العله بس كنا نتابع لاننا في انتظار حبيب الجماهير ومعشوق الكبار قبل الصغار ( توم وجيري )






زمان كان كل شي له وقت محدد يجي البرنامج وانت مشتاق له ويروح وانت مازلت مشتاق ,, كان التلفزيون عباره عن سله فواكه تقدم كل ماهو متنوع والاهم انها تقدمه بسمه معينه وهي الرقّي

زمان كان يفتح التلفزيون الصباح ويسكر في الليل .. كان جهاز محترم وجنتل مان ,, مو مثل تلفزيون هالوقت الي يبث كل شي في الليل والنهار كنه ابليس لاينام ولايخلي الناس تنام ههههههههه

طبعا التلفزيون القديم كنا نسميه ( الي يطقطق ) نظرا لصوته المزعج اثناء تغيير القنوات ( هذا وهي عشر قنوات مزعجنا تخيلوا عاد لو انه 8000 قناه مثل هالايام ) وماكان له ريموت كنترول , ويالله كل شوي يارايحين ياراجعين تغيير في هالقنوات ( من كثرهم عاد كلها قناتين )

وكان مصدر بث هالقنوات الارضيه هو جهاز رشيق طويل عريض المنكبين يرتز رافعا هامته في سطوح خلق الله ويقف في وجه الرياح والبرد والامطار ويتحدى حراره شمسنا المشاكسه بكل ثقه , وهو ذو ساق حديده واحده وغالبا يكون لونه [ سيلفر] <-- فز قلبها
وله مهمه انسانيه ونبيله اخرى وهي انه مدرج للحمام الذين يصطفون على اكتافه يصطفون وكأنهم يتفرجون على احدى مباريات دوري زين الممتع << ايه هين







هذا الجهاز يسمى الارياال او الانتل الي هو .. هالجهاز مرتبط بسلك ينزل من اعلى السطوح الى ان يدخل من نافذه احدى الغرف وهذا السلك يرتبط بجهاز مربع صغير فيه حلقه تدور وكأنها بوصله ( حتى هي صوتها مزعج ).. وهذا الجهاز يخرج منه سلك للتلفزيون ولما نغير اتجاه هالبوصله تبدأ القنوات تصير صافيه شوي شوي ويبدأ التشويش يقل عن القناه الي نبيها <-- ياليل مطولك

احيانا كنا نحط معلاق الملابس في فتحه التلفزيون بدل الانتل حق التلفزيون الي غالبا يكون مكسور ويافرحتنا لما تصفى القنوات الخليجيه ..

في ايام الصيف وبسبب الرطوبه البغيضه كانت القنوات تصير صافيه و قزااااااز على قولتهم .. و ياااااااااه كيف كنا نتعذب لما يجي الشتاء وتنعدم صفاوه القنوات ومايبقى الا التلفزيون السعودي ..

وبحكم اني من سكان الشرقيه كانت القنوات عندنا متنثره كان فيه التلفزيون القطري بقناتيه وتلفزيون البحرين بقناتيه وتلفزيون دبي وقناة الامارات وتلفزيون الكويت نادرا جدا يصفى وطبعا القناه المحببه لديّ والتي تم اغتيال قلبي لما تقفلت وهي تلفزيون الظهران

ليش يا ارامكو تقفلينها ليييييييييييييييييييش ؟؟ من قّل الفلوس يعني ؟؟







التلفزيون القطري كان افضل تلفزيون في تلك الفتره .. منووع جدا ومن ابرز مذيعي التلفزيون القطري هو جاسم عبدالعزيز







بالرغم من ايجابيات التلفزيون السعودي الا انه اثبت مقوله ( غصب واحد ) من قلب
تدرون ليه كانوا مزعجيييين امنا بأغنيه ( بنلتقي ) حقت الفنان علي عبدالكريم










ماراح اتكلم عن المسلسلات لان هذي يبي لها موضوع ثاني ..
لكن كان فيه مسلسل جاااااااب لنا المرض والهم والغم .. اعتقد عرفتوه .. [ اصابع الزمن ] ياناس احد يضيع ولده في تونس ويرجع السعوديه!!








اتذكر الحلقه الاخيره لما كان جاي عندنا ولد عمتي من منطقه بعيده وكانت الحلقه تعرض قبل الظهر ولما رفضت الزوجه ترجع لزوجها الي هو الفنان محمد حمزه .. زعل ولد عمتي وماعاد كلم احد ورفض يتغدى هههههههه وزين الي مارجع ديرته مشي ذاك اليوم

ولا مذيعين السعوديه زمان هذولا سالفه بلحالها









وعلى رأسهم صاحب الصوت المخملي ماجد الشبل .. يقول مره في لقاء سمعته عبر الاذاعه انه كان مسافر مصر يسوي لقاء مع الفنان محمد عبدالوهاب فلما سمع صوته عبدالوهاب قال له : انت المفروض تكون مغني صوتك حلو ! ليه ماتغنيش ؟
قال ماجد : لالا انا افضّل اكون مذيع

والا سبأ باهبري على طول يدب الرعب في قلوبنا لما نشوفه
تخصص قصاص







تبدأ لحظه الفيلم المرعب بالنسبه لي لما تجي نهايه الاخبار ويقول سبأ :
"بيان من وزارة الداخلية"
( إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَاداً أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلافٍ أَوْ يُنْفَوْا مِنَ الْأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الْآخِرَةِ عَذَابٌ عَظِيمٌ )
اقدم المدعو فلان بن فلان ال فلان الفلاني سعودي الجنسيه على قتل المدعو فلان فلاني باكستاني الجنسيه وذلك بضربه ضربتاً قاتله في عنقه اردته قتيلاً وبفضل من الله تعالى تم القاء القبض عليه وبإحالته إلى المحكمة العامة صدر بحقه صك شرعي يقضي بثبوت ما نسب إليه شرعاً والحكم عليه بالقتل تعزيراً
ووزارة الداخلية إذ تعلن عن ذلك لتؤكد للجميع حرص حكومة خادم الحرمين الشريفين حفظه الله على استتباب الأمن وتحقيق العدل وتنفيذ أحكام الله في كل من يتعدى على الآمنين ويسفك دماءهم وتحذر في الوقت نفسه كل من تسول له نفسه الإقدام على مثل ذلك بأن العقاب الشرعي سيكون مصيره، والله الهادي إلى سواء السبيل
اجلس بعدها اسبوع ماانام هههههههههههههه

هذي صور لمذيعين السعوديه الافاضل .. واكيد مستحيل ننساهم :





ماجد الشبل







غالب كامل






عوني كنانه الله يرحمه





سليمان العيسى




جميل سمان




منصور الخضيري




مزيد السبيعي





سليمان العيدي





عبد الله حمزة





عبد الله الشهري






خالد اليوسف






سعود الجهني





سعيد اليامي





الحميد





محمد خيري





حامد الغامدي




سليمان السالم




جاسم العثمان





المعلق الرياضي على داوود





سلوى شاكر الاعلامية المعروفه



كانت الاخبار زمان كلها استقبل وودع وتقعد اربع ساعات تشوف جمع غفير من الناس وطوابير تسلم على سموه وطول الوقت وموسيقى موزارت وبيتهوفن شغاله على هالمنظر ,, بس تدرون ؟؟ ليت الاخبار ما عاد نشوف فيها الا استقبل وودع ارحم على قلوبنا بكثييير من مناظر التفجير والقتل الي يحصد المئات شهريا
كنا نشوف كل شي يبثه التلفزيون من برامج حتى برنامج المرحوم الفيلسوف الدكتور مصطفى محمود ( العلم والايمان ) رغم كوننا اطفال







ونتعجب معه كل ماقال كلمه ( سبحان الله ) على مشهد نمله مثلا او حشره تصرفت بطريقه فيها اثبات لقدرات الله عزوجل ,,



فيه حركه كان يسويها التلفزيون ياليتها ترجع .. وهي ( نتوقف لاداء الصلاه )







من ذكرياتي الجميله مع هالتلفزيون السعودي طبعا السنتره على برنامج (منكم واليكم ) حق فضيله الشيخ عبد العزيز المسند رحمة الله عليه







كنت احب اسلوبه وطيبه ملامحه وطريقته في حل المشاكل وبما اني ملقوفه كنت احب اسمع مشاكل خلق الله
في هالزمان بالله مين يقدر يحل مشاكلنا المعاصره ؟؟






الكوره ماكان في فيها التعصب المقيت الي نشوفه الحين ,, وكانت القناه الاولى لما تجيب مباراه الله يعينك تحول على القناة الثانيه في الشوط الثاني لان الاولى تبي تبث حفل استقبال اوسباق خيل ولا مدري وش قصتهم



واخر اليوم تلاقي الكل في انتظار ابو اماني ههههههههه حسن كراني





ولا عبدالطيف العيوني الله يرحمه









ياعالم ابي افهم للحين هالمناطق موجوده ولا هي من اختراع التلفزيون !!
عبيله !! شواله !! ثادق !! المحمل .. سبت العلايا << مالهم حس ابد هالمناطق ماكنا نسمع عنهم الا بالنشره الجويه



كانت زمان العايله بكل دفئ تجتمع على تلفزيون واحد .. الاب والام والعيال والجد والجده
الان الناس اصبح عندهم في كل غرفه تلفزيون وفي كل ايد لاب توب او ايباد وفي كل ايد موبايل مزعج يخترق هدوء حياتك مثل البلاك بيري ولا الايفون

والتلفزيون صار فيه اكثر من 8000 قناة وماعاد صرنا نعرف نتابع شي راقي ومتوازن .. كل قناة صار لها تخصص اعلامي .. يا قنوات اخبار وسياسه في سياسه الين يصدع راسك من كثر المشاكل ولا قنوات دراما ومسلسلات وتقعد تتابع الين تفهي وتنقطع عن العالم واخباره ولا قنوات رياضيه ماتخلي خبر ولا تغطيه ولاتحليل الا وتفصفصه لك وتوديك مع اللاعبين اليييين غرفه تبديل الملابس..


ايضا فيه القنوات الكوميديه البحته الي على هالترف الكوميدي ليتنا نضحك من قلب على مايقدم فيها ,, وقنوات الاطفال حدث ولا حرج .. نكلوديون وسبيس تون وmbc3 و المصايب المشفره مثل كارتون نيتوورك وبوميرنج وديزني الي لا ليلهم ليل ولا نهارهم نهار !!

24 ساعه بلا توقف من هالرسوم الغبيه الي ماتعرف وجهها من قفاها كلها تفاهات وفيه اشياء قذره تقدم للطفل ماينتبه لخطورتها الشخص البالغ الا اذا كان حذق و يتابع هالقنوات بأستمرار

ماراح انسى قنوات الاغاني هذا اذا لسه فيه شي اسمه اغاني اصلا .. هالقنوات مالها اسم يناسب محتواها غير : كباريه الشعب العربي

والامر المضحك المبكي هو قنوات SMS حرام حررررام هالوقت الي يضيع على تفاهه وغباء واستعباط المشاهد العربي ,, مسجات تمشي ليل ونهار وفلوس ضايعه في الهواء ومكسب لحرامية التلفزيون و ... بس بس خلوني ساكته بديت اعصب من جد...
ذكريات كانت ولا احلى
قيموني لو على مسحي للروابط والله تعبت اول مرة حولت الصور بالفوتوشوب لصيغة جي بي جي وبعدين شلت الروابط وبعدين حملتها صورة صورة بس علشان تتذكرون ايام كنا صغار ..من غاصبك ههههههههه
[/ALIGN][/CELL][/TABLE1][/ALIGN]

يااااااي على هالموضوع الرااااايق يانفااااس
يسلمك ربي


من المذيعين الي اتذكرهم



في مسابقة رمضان للكباار ... الله على ذيك الايام




وهذا فبرنامج مستشارك برنامج امي المفضل ..

اما








وهاذولاا ماشاء الله للحين نشوفهم ...



الله يحفظنـآ من كل شر


اشكرك على الموضوع الرائع يارائعه ..

رجعتينا لأيام الطفوووله الله يهديك >تكتوه العبره
يوم ابكي على العصير والكيك يرجع ضحكتي
يازين ذيك الايام بس غريبه نسيتي بسيط وبيانك ان ومستر بوقس والي وستيمي ( الدبا والضعيف ^^) ههههههههه والله صدق رجعتينا للخلف
يعطيك العافيه موووضوع رائع وتستحقين التقييم

اوووف سليمان العيسى من زمان لحد الأن عايش؟! قصدي موجود ولا نشوفه غير بالبيانات الملكيه

يعطيكـ العافيهـ خيتووو...

اي والله ايام لووووول اهم شي توم جيري وه بث

يعطيك العافية ياالشيخة

يووه رجعتينا يالله>حسيت اني عججزت
من جدددد زمان ..

الا ليت الزمن يرجع ويرجع وقتنا الاول..


عوافي يابعدي على هالموضوع الروعه
لاهنتي ..

,

ياالله ذكرتينا بأيااااام الطفوله

تسلم يمينك يالغلا على هالطرح الراااائع.

اهم شي توم وجيري ولهالحين اتابعه
تسلميين على الطرح الجميل
كل الشكر لك ياغلا

[align=center]

يعطيك العافيه أخوي : انفاس الرحيل


ويسلم طرحك الرائع


وين طلعتهن من بالله

تسلم يا بعدهم ويسلم طرحك
[/align]

شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . احوال

الله واكبر الحين شيبو يازين ايام زمان عواافي عالنقل

اقتباس: المشاركة الأصلية كتبت بواسطة عروبــــة    يااااااي على هالموضوع الرااااايق يانفااااس يسلمك ربي من المذيعين الي اتذكرهم في مسابقة رمضان للكباار ... الله على ذيك الايام وهذا فبرنامج مستشارك برنامج امي المفضل .. اما وهاذولاا ماشاء الله للحين نشوفهم ... الله يحفظنـآ من كل شر اشكرك على الموضوع الرائع يارائعه ..

حياك عروبه واشكرك على تواجدك الاكثر من رائع
شكلك بزرة ماوعيتي على شي من اللي سبق بس ماعليه منورة ياحيي ماننحرم منك
ومن طلتك ياعسلة ..

اقتباس: المشاركة الأصلية كتبت بواسطة سـيـف شـمـر    رجعتينا لأيام الطفوووله الله يهديك >تكتوه العبره يوم ابكي على العصير والكيك يرجع ضحكتي يازين ذيك الايام بس غريبه نسيتي بسيط وبيانك ان ومستر بوقس والي وستيمي ( الدبا والضعيف ^^) ههههههههه والله صدق رجعتينا للخلف يعطيك العافيه موووضوع رائع وتستحقين التقييم

حياك اخوي منور المتصفح ومشكور على التقييم
والصور ولايهمك
عندك استلم ...بس تكفى لاتتكك العبرة نوبتن ثانية ههههههههههه




تذكر هالكرتون يع انا ماكنت احبه



ولا هاه مااحبوه بعد ..




بس كنت احب اتابع السيارة السوداء ههههههه


وتكروني ياي يهبل
كتكوت تكروني..من يوم طلع من بطن امه وهالبيضه فوق راسه..مدري هو متعيجز يشيلها والا السالفه سالفة عباطه..بس ناسيه سالفة الفلم كرتون بالضبط...




وهذا الكرتون ناسيه قصته بعد الكبر شين ههههههههههههه




وهذي يوه انا وبنت عمي كله هواش كل واحد تقول انا سالي وينتهي الكرتون وحنا نتهاوش ههههههههه




هذا عبقور ومن لا يعرف عبقور ! تراه قطو على فكره..

كل شي تلقاه في جيبه ياحظ صديقه عامر حظاه..





هذا ستيمي وخويه هههههههه الدبي والضعيف كذا كنا نسميه ايام زمان


باوزاو غني عن التعريف ههههههه



الكابتن ماجد يعني هذا لوماعرضوه ماكان عندنا لعبيبه انا مدري كيف ياخذ الملعب بثانيه ودايم فايز لو في اخر الحلقه المهم فايز

بنك بانثر غني عن التعريف


البطة السوداء


السيدة ملعقة
هذا مالدي الآن ههههههههه بس لاتتكك العبره

اقتباس: المشاركة الأصلية كتبت بواسطة بنت الهيلا    اوووف سليمان العيسى من زمان لحد الأن عايش؟! قصدي موجود ولا نشوفه غير بالبيانات الملكيه يعطيكـ العافيهـ خيتووو...

يعافيك ربي منورة بتواجدك ياعسله ...

اقتباس: المشاركة الأصلية كتبت بواسطة مجنونة فاهمة    اي والله ايام لووووول اهم شي توم جيري وه بث يعطيك العافية ياالشيخة

هههههههههه يعافيك ربي منورة ياعسله بس وين التقيييم ...مصختها احس العالم ماودهم يدخلون بس علشان التقييم هههههههههه مسامحتكم ماابي تقيييم بس ادخلو تذكروا ايام كنا صغار ...