أقبلت تمشي ومشيتها كنه الخيل ...
ترفل وابوها بالمعزه حماها
مثل المطر شفافة كنها سهيل ...
أو وَجْنَةْ القمرا بعالي سماها
مزيونةٍ فيها النواعس مظاليل ...
كن الليالي ماخذه من مساها
شفَّافةْ الخدّين في غنجها تميل ...
كن النسايم ميّلتها معاها
وجناتها تشبه ورود الأكاليل ...
ورده نديَّه والبنفسج شذاها
دانه ثمينه ما لها من مواصيل ...
تسبي العقول ونايفٍ مستواها
الله ايْحَفِظْهَا باليسر والتساهيل ...
في عز ابو زايد وتبلغ مناها
سكَّنتها في القلب واحبها حيل ...
ودي اكحِّل ناظري بملتقاها
القصيده بعنوان : مرحبا بالأجودية
ياهلا باللي لفتنا مرحبا بالأجودية
ننتظر لحظــــــــــــــة حضورك ياهلابك يالأميرة
حي ذاك النور وجه يشع بنور ضيه
كالقمر نصف الشهر وغطا على شبه الجزيرة
حي طرف ناعس زادك جمال وجاذبية
والعيون الخــــــــــــدر منهو شافها ربي يجيـرة
حي هاك الشفه اللي برقها كالسكرية
مبسم كله عذوبــــــــــــــه بمنطق ذرب يديره
والخشم كالسيف حده ربنا ماخلق زيه
جل رب صاغ حسنك يحرســـــه ويعطيك خيره
حي هالضحكه الخجوله يالهنوف الغشمرية
أشهد أن اللي نظر زينك غدت عينه كسيره
يافلانه بنت فلان يالغزال الأجوديه
العذارى في حضورك حالهن حاله خطيره
البعض سمّى وكبّر ذاكر رب البرية
والبعض منهم تلعثم والبعض مليان غيره
والأصل مابه كلام ( ) بدوية
أدب وسمعه طيبه وأخلاق ستيره
بنت فلان من أبوها مآخذه عز وحمية
هي أصيله بنت أصيل للفخر مرجع وسيره
وفلان أبوها اللي ماتخلا عن خويه
بالعلوم الطيبه كل عناله يستشيره
وفلان أخوها جعلها سنينه مديه
في طريق الحق ماشي الله أيّسر مسيره
وفلان عضيده مامشى دروب ردية
كل شين صد عنه وكل صعب يستثيره
ويالمعرس اليوم جبنالك فلانه الفلانيه
هالله هالله بفلانه هالله هالله بالأميره
القصيده بعنوان : البدر
حد منكم شاف في الدنيا بدر *** مقبلٍ يمشي و من حوله بشر
من حلاه يزف للناظر ضياه *** ان ظهر للناس و لا ما ظهر
هذا ما هو بدر ليل يختفي *** مع طلوع الصبح و بزوغ الفجر
او بدر يصبح بعد مده هلال *** هذا بدر مكتمل طول الشهر
هي عروس النور في هذا الزمان *** هي ملاكٍ بس في صورة بشر
من غلاها انقول صلوا على الرسول *** يا اللي شفتوها بقلبٍ او نظر
الله يا نور في ها الدنيا نراه *** مستحيل ان نشوفه في بشر
و التقت شمس الظهيره بالقمر ***
و في محياها بدى الصبح بضياه *** مشرقً و خدودها واحة زهر
و العيون الي كما عين المهاه *** تمتزج فيها البراءة بالسحر
الليله .. الليله محلاها الليله *** الليله .. الليله حلوة و جميلة
شعرها ليل كسا الدنيا دجاه *** حالك متحدر كانه نهر
يحسبه قطعة حرير من رآه *** و الحقيقة هو حريرٍ من شعر
و الحسام الي صفا الوجنه كساه *** يبعث اشواق الحواجب للثغر
و الثنايا كالبرد بين الشفاه *** او كحبات الندى و لا المطر
عذبةٍ لو تلمس اطراف الحياه *** كل غصن فتح بوردٍ حمر
و العفاف بروحها يسقي بوفاه *** و الوفا في عينها النجلاء سهر
شاعر الوجدان واحلامه سماه *** مبدع و احساسه المرهف شعر
ماخذ من وصفه مبتغاه *** يا عسى الله يوهبه طولة عمر
الله يحفظها و يسعدها معاه *** شيخ بطيبة فواده يشتهر
والله يجعل كل دنياهم هناه *** يكتسي بالسعد كله و البشر
العضو الأكثر نشاطاً هذا اليوم 
..!!
العرض العادي
