الزواج قصه من سطر واحد

بسم الله الرحمن الرحيم
السلام عليكم ورحمه الله وبركاته

القصه:
((اتصل علي بعد أسبوع من زواجه
يقول:سلفني 500 إلى آخر الشهر))
انتهت القصه هنا, وأعني بذلك هنا في هذا الاطار
ولكن لم تنهتي القصه هناك, فهي البدايه فقط, وما أسوأها من بدايه, عندما اعلم بأن ذلك العريس, أخذ من الدين مايتعدى 170 الف, ليحقق هذا الحلم (الكابوس)
طرأ علي حديث للنبي صلى الله عليه وسلم الذي يقول فيه: (( أكثر النساء بركه أقلهن مؤونه))
المؤونه= مايدفع من تكاليف للزواج بها -والله أعلم-

وهذا يعني أن العكس صحيح , أي أن أقل النساء بركه اكثرهن مؤونه

لن أطيل الكلام
(تلميح) :
فأنت , وأنتي تسعون لأن تكون بيوتكم مبروكه, وأبنائكم مبروكين,
ولو أن البركه تُشترَى ’ لدفعتم جميع ما تملكون , لشرائها
فباركوا على انفسكم

رساله خاصه الى البنت المقبله على زواج
اجعلي من نفسك مبروكه على زوجك وحبيبك, اجعلي من نفسك خفيفه عليه
فغداً لو طلبتي شيء من زوجك, لايقدر على تلبيته, لأنكي اثقلتيه بالدين

فدليل حبك لزوجك, التخفيف عليه في وقت حاجته الماسه
ولايوجد وقت اقسى واضيق ماديا عليه, من وقت بدايه الزواج
فخففي على من أختارك من بين ألف بنت

رساله خاصه الى أهل البنت المقبله على الزواج
ابنتكم وضعتموها في عنق رجل
فهذا الرجل هو من سيعولها
فخففوا عليه , تخف حياتهم وتخف ظروفهم

بقلمي:
جمال العياده

للاسف هذا واقع مجتمعنا

انواع البذخ والشروط في الزواجات

والمهور كل يوم عن اخر في ازدياد

انا من وجه نظري حتى حفل في اكبر القاعات وبعضها يكلف 100 الف فما فوق جدا ماله داعي

مهر بسيط وزواج ايضا بسيط اجمع في احبابي هذا الافضل

وهي حياة شراكة لو نبدأ انا وهو من الصفر

لكن بعض الرجال وعن واقع سمعته من نااااس كثر يستهون فيها اذا جاته بلاش على قوله والا مهرها بسيط اللي جابها يجيب غيرها

لذلك اصبح اولاة الامور يشترطون مؤخرا غير المهر وربما يكون اضعاف المهر

وهذا صحيح لاتقولون من نسج الخيال فعلا هناك شباب مايعرف قدر المرأة الا عندما يدفع دم قلبه عليها



تقبلو مداخلتي بصدر رحب

اتمني ان يتفهم الجميع ان الزواج ليس بيع وشراء
ليت كل مسؤال عن فتاة يختار لابنته الرجل الصالح قبل المهر والقصر
اتمني ان تتطور عقولنا ونكتفي بمهر لا يرهق الشباب ويحول فرحتهم الى كابوس القروض والديون

للآسف هاذي الحقيقه
الا مارحم ربي , انا ما اعرف
ليه اهل البنت يوافقوها على هالبذخ
والشروط اللي تحطها , مع العلم انو البعض اهل
البنت نفسهم هم اللي يتشرطوا ويطلعوا عين الزوج
المفروض اهم شي يشترطوه في الزوج الدين والاخلاق
وغير كيدا مو موهيييم
لاكن ما اقول الا الله يهدي الجميع ويصلح احوالهم
::
يعافيك ربي على هالطرح الموهيم
الله يسعدك دوم ..

اولا احييك على قلمك وفكرك الواقعي
وثانيا
كل الشعب هنا يتمثل للأمثال والاخلاق ومايرضي الضمير
ولكن
علي أرض الواقع لاتري كل ماقيل

لو طلبها بريال وشيمة رجال
صار لامها 20
وهي مع ذهبها 30
والقصر والذبايح 25
والشقه 30
وغير التزامات القصر وحركات الحريم الجديده
مبروك لفلان وفلانه وخرط فاضي ب10

شفت ماشاء الله ميسر الزواج عندنا
كل ماقلت تري اخذ علي ظهره دين دبل الدبل


خله على الله


لك تقديري واحترامي

للاسف هذا الواقع وهذا سبب
عزوف الشباب عن الزواج مايدري هو يتزوج
ولا يفضل العزوبيه والسبب الاقساط الي تبي تحراه اذ خطب
لكن صراحه السنه هذي اعجبني بعض الاسر الي تسوي زواجهم بالبيت
والله شي حلو والله يبارك فيه ماله داعي الاسراف

عسى الله يكون بعونكم يالشباب عاد الحين بعد غلا المعيشه
وقل الرواتب وخيرنا لغيرنا هذي فرصة الاباء

تحياتي ....

شكرا لاضافاتكم

والله ماندري وش نسوي

موظفين , والراتب حلو الحمدلله
نقدر على تحمل تكاليف العائله
لكن مانقدر نوفر مهر 50 الف وقصر 15 الف وذبايح 20 الف و(وقله حلا ) 15 الف ونأثث شقه او بيت ب30 الف, مره وحده


نبيع السياره ونجلس حافين , عشان البنت تبي ذهب
وللا عشان قليلات الحلا يبون حلا

سبحان الله الزواج اصبح في يومنا الحالي كبيع سلعه و ليس لستر او اكمال نصف دين

نصيحه لكل بنت مقبله ع الزواج ان تفكر مابعد الزواج و ليس كيف يكون حفل الزفاف وفي اي قاعه و بكم سعر الفستان و غيره

ويجب ان تفكر كيف ستجعل من زوج المستقبل خالي من الديون و سعيد ومرتاح البال من غير تبذير و دفع الاف الاف لاجل ساعات فقط

من تواضع الله رفعه

ووو اعذروني ع سطوري البسيطه.......

ورده العين
كلامك هذا اللي ابي اوصل له

انا يائس ان فيه بنت تفكر مثل هالتفكير اللي تقولينه
لأن طبيعه البنت ماعنده بعد نظر


شكرا لاضافتك

بتكلم عن نفسي
آنا اتزوجت وكنت طالبه 30 ألف المهربرضاي ( حسبت احتياجاتي وقدرت المهر )
طبعا لما جاب المهر كان 45 ألف رفض أخوووووي وحلف عليه وأخذ 5 آلاف لان أخوي كان كاتب بالعقد 25 فصاروا 30 كمل المبلغ المفترض

زوجي ماأخذ قرض
كان زواجي جدا جدا بسيط
وعلى فكره الذهب مانهتم فيه طقم واحد ويخب بعد
رغم اني ماأخذ من قبيله 2 ومن حائل أهل الفشخره بس مااهتميت بنظرتهم لاني مقتنعه باللي قاعده أسوووووويه
سالفه السلف آخر الشهر زوجي مايعرفهــــا لان راتبه 7000 واحتياجاتي عمره ماتعدت 2000 أو 3000
ومع هذا لاحمدا ولاشكورا ( الله يعوض بالآخره )
شهر عسسسسسل مافكرت فيه كان نفسي بعمره مع زوجي بس ماعرضت الفكره عليه وهو ماجابي طاري
قلت امكن مزنوووووق مصفر بالعربي لانه ماآخذ دييييييييييين
آنا وربــــــــــــــي كان تبسيط لزواجي من باب التيسييييير وتوقعت ألقى من يقدر بس للإسف
ع فكره لي بعد 3 خوات متزوجات
وحده مهرها 10000 والثانيه 20000 والثالثه 25000
لاننا اتبعنا (( أكثر النساء بركه أقلهن مؤونه))
وغير كذا الوالد الله يرحمه كان عليه دين وذقنا مر الدين رغم ان الوالد ماعمره قصر علينا بحاجه
الله يرحمه يااااااااااااارب فكلنا عندنا كل شيء يهووووون إلا الدين وهذا السبب الثاني
وغير كذا أمي ماطلبت شيء لان أخووووي رافض هالسالفه ومستعد يدفع له اللي تبي بس ماتشرط على أزواجنا مبالغ
حركات فشخرة الحريم وطلعات لاتوجد بتاتا البته في كل زواجاتنا > رد على عقااااااااااااااااب حاقد علينا خخخخخخخخخخ

..............

وعلى فكره فيه كثيييييييييير حريم يطلبوا مهووووور قليله
كل همهم رضى ربهم ثثثثثثثثثثثثثم تيسير الحياة
بس أرجع وأقولك نادرا ناردا تلقى زوج يقدر هالشيء لزوجته

ذكرني الموضوع بسالفه زوجه كانت متزوجه بريالين
فطبعا الأخ كل شوي يكرر ع مسامعها انتِ يأم ريالين سوي كذا وامشي كذا وهكذا ع الجايه والرايحه أم ريالين
طبعا طفل فيها الكيل فراحت لأبوه وقالت له السالفه فقال آنا أعلمه كيف يقدر كرمي معه
اجلسي عندي بعلمه درس ماينساه وجلست البنت عنده وبعد فتره جاء الزوج يطلب رجعة الزوجه لكن الأبو رفض رجعته إلا 100 ألف
كلى هواء الزوج ودق 100 ألف
وسالفه ثانيه لأخو وحده أعرفها تقول أخوي يقووووول إذا مانزلت سيارتين لابغيت تعرس ماله حلاة العرس
تفكير غبي من انسان أغبى
يعني البنات اللي همها كلام الناس صدقني ب تصفقك ب 70000 علشان مايقولوا الناس عني رخيصه
وطبعا هالكلام دائما نسمعه ومن أقرب الناس بس رضى ربي أولى
ومادرسنا وثقفنا علشان نبي حياتنا ع كلام ناس فاضيه
كلن ينام ع الجنب اللي تريحه

.......

جزيت خيرا ع الموضوع
والله يرزقك بالزوجة الصالحه اللي تكوووووووووون خير عووووووون لك



....

آآآسفه ردي مره ملخبط
بس هذا اللي طلع مع السخنه


.

وصباحك دعووووووات مستجابه