قصائد مهداة إلى مؤيد ناجي العردان

بعض القصائد المهداة إلى الشيخ : مؤيد ناجي راضي العردان السلماني الشمري


اليا اختلف دنياك والناس كبوك
انشد ابو ناجي ورح لمحلّه
يقضي لزومك كان بالضيق خلوك
راع الوفا والجود هي عادةٍ له
الله يعافي من على الارض جابوك
عز الرفيق وللمعادين علّه
ياعز منهو بالمهمات لاقوك
سيفٍ شطير وباللوازيم ادلّه
طبعٍ ورثته من جدودك وابوك
اللي خذو الطيب والمجد كلّه
اختم قصيدي وزن قافٍ محبوك
من شاعرٍ يبدع على واجبٍ له

للشاعر : سامي سيف قطيم المطيري



مؤيد الناجي عسى الله يديمه
كساب للطالات في كل ميدان
لو السكن يسمح يبا يحط خيمه
يعزم بها حتى من رجال شيشان

للشاعر : عبدالعزيز عبيد زبن البشري الحربي، زميله في السكن الجامعي


بمدح من مدحه يشوق المغنّي
مؤيد المعروف من كبر صيته
بن ناجي العردان ريف المجنّي
الشمري والجود مدهال بيته
من روس ربعه ردو العلم منّي
هذا عجب عينك ليا من نخيته
مؤيد الفزعات ماخاب ظنّي
تلقاه الاول لازهمت و دعيته
واليا عطى له شي ماهو يمنّي
يعطي ولا قال اسمعوني عطيته
شمر له التاريخ واسأل عنّي
بين الأساطير الدهايا قريته
والنعم يا مؤيد واردد واثنّي
مثلك يشوشني ليا من طريته
فيك القصايد يالسنافي نغنّي
واللي يغني فيك مشهور بيته


للشاعر : بادي عبدالله بادي الحارثي


ابدا بذكر الله كريمٍ ورحمن.
عظيمٍ و له يسجدون المصلين
يالله توفق عالي الجاه والشان
راع الحميه نسل قومٍ كريمين
مؤيد الناجي وبالجد عردان
تنحط نعمٍ بعد اسمه بقوسين
شيخٍ ولد شيخٍ ومن ساس شيخان
من روس قومٍ بالملاقا شجيعين
انشهد انك للاجاويد مزبان
يالحر يالوافي سعوط المجانين
يا الجود يالنوماس يا طلق الايمان
يامكرم العاني طليق الحجاجين
للطيب عنوانٍ وللمجد عنوان
من ساس عربانٍ تخزم المعادين
بالارض مثل الليث والجو حوران
في كل ميدانٍ تدك الميادين
وبختامها عنبر ومسكٍ وريحان
وسلام ياصل للدهاة السلاطين
وصلو على المختار من نسل عدنان
صلاة ربي له الوف و ملايين


للشاعر : ابو محمد الاسلمي



تحياتي فهد السلماني 1447 هـ