:: كل عام وانتم بخير :: | |||||||||
|
التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | المشرفة المميزه |
اعلان التقويم الدراسي الجديد
بقلم : جنون الشوق |
كلمة الإدارة |
« آخـــر الـــمـــشـــاركــــات » |
الإهداءات |
01-24-2013, 02:06 AM | #1 |
|
الخيل والصحرا تشوق المناعير
الخيل والصحرا تشوق المناعير = اللي لهم فوق النوايف عطيّه بين الربيع وبين مشي المغاتير = وطاسة حليبن شاربينن عذيّه وخوّة نشاما بالطراوه مسافير = يمناك يوم الوقت ضيّع نقيّه يفرق هزيله عن معاطي هل الخير = اثقالن احكاهم نفوسن غنيّه اللي يشدّ النفس والروح تصبير = وتاخذ علومن بين دقّ وجليّه إلسانك إحصانك بوسط المساطير = وكلّن كسب مفعول مجنى المطيه لا تحقر المعروف لو بالتصاغير = واحذر سواليف الدنس والرديّه وكلّن وما رافق من الناس والغير = والناس تعرف وش مواري خويّه أفتح مجالس بالكرم والتباشير = والعود لا عثور نفح جاذبيّه لا خير في مجلس قليل المسايير = وش عاد ترجي من وراه الحميّه شبّ الغضى لا طاحت الشمس بعصير = نارن تواقد في خفوقي لضيّه واضبط لنا صفر الدلال المباهير = عن لجّة الخلق اسكتي يا شقيّه سامرت ليلن شاقني دون تفسير = ياما سهرنا بالحلاوه سويّه على قمرنا ودّنا لجلها انغير = بعدك عذاب وغنجتك هي بليّه حبّن على وضح النقا والمشاهير = منقوش باسمك بالضلوع الغذيّه وناخذ مع النجمات جولات تفكير = وسط المرابع والورود الهنيّه يا صاحبي ما بالحنايا مقابير = عيبن على الرجال يكشف غثيّه يا لايمي بالبرّ والشوق تصفير = نفسي بها تطرب وروحي شذيّه ويا حاسبن جوّ البراري مخاسير = هي سلوتن بالمنتهى مخمليّه هذا هوى بالي ليا لعلع الطير = يستاسع الخاطر على كيف حيّه وسلامتكم أخوكم / طلال حمود الاسلمي |
|
01-24-2013, 04:02 AM | #2 |
|
:
: الله يعطيك الف عافيه على هذا النزف الراقي مااجملها من ابيات جعلتني اقف في حيره كيف ارد على هذا المكنون السخي من شخصك صح الله لسانك ي الذيب دمت لنا مبدع وانتظرعزفك وبـــ شغف : : |
|
01-24-2013, 03:16 PM | #4 |
شــاعرهـ_اداريه |
صح لسآآنك ملايين شآعرنآ طلآل للأبيآت الأكثر من رآآئعه لوحه شعريه ذآت جمآل بمعنآهآ ومبنآها ومفردآتهآ الثريه والعميقه سلمت ولآهنت ,,, |
|
01-24-2013, 04:21 PM | #5 |
|
اللي يشدّ النفس والـروح تصبيـر وتاخـذ علومـن بيـن دقّ وجليّـه إلسانك إحصانك بوسـط المساطيـر وكلّن كسب مفعول مجنـى المطيـه روعة روعه بيض الله وجهك طلال |
|
01-26-2013, 10:07 PM | #8 |
|
صح الله بدنكم والله لا يهينكم على المرور والتعليقات الراقيه منكم
تسلمون وكل الشكر الجزيل لكم من أعماق قلبي ... حيآكم الله .. |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض الكل) الاعضاء الذين شاهدو هذا الموضوع: 12 | |
, , , , , , , , , , , |
|
|