قـال الــذي حـدري جـبــل طـي سـاكـن=بـربـاع حـايـل وسـط ذيـك الـمـسـاكن
وهـجـوس قـلـبـه مـع خـفـوقـه تـشـاكن=عزي لمـن مـثـلـك شكى يابـن غـسلان
غـسلان رجـلـن بالـزمـان الـقــديـمــي=سـكـان غـسـلـه والصـلايـب تـمــيـمـي
سكن بحـايـل عـن سـيـوف الـغـريـمـي=ولااحـدن يـنــام ولـه مـع الـنـاس ديـان
ديـان ديــنــه مـن عــروق الــوريــدي=ورحـل لحـايـل يـوم حـكــم الـرشـيــدي
وعـنـد الـضـيـاغـم حـاز ثـوبـن جديدي=واخـتـار حـايـل عـن لـظى النار مزبان
مـزبـان لـلـي تـحــت ظـلــعــان حـايـل=وانـجـب حـمــد شـيـخـن شهر بالقـبايل
ومـحـمــد الـمــهـاد زيــن الـشــمــايـل=دزه لـبـقـعــاء لاجـل تـدريـس الايـمـان
ايـمـان بالـخــالـق جـزيـل الـعــطــايـا=وانجـب فـهـد رجـلـن نـظـيــف الـنـوايا
وقـت الـلــوازم مـثــل ذيــب الـسـرايـا=واسـمـه ظـهـر بـيـن الـضـياغـم بليهان
بـلـيـهـان جـدي يـشـبـه الــذيـب عـاوي=واصبحـت انـا بالـنـاس شـاعـر وراوي
ومــن كـثــر مـاعـانـيــت حــر المكاوي=بـديـت بـحـروف الـهـجـاء نـظـم قيفان
قـيـفـان بحـروف الـهجـاء مـن خـفـوقـي=الـلــي مـن هـمـوم الزمـن مـايـروقـي
كـن الـثـقـايـل مـن غـثـى الـبـال فـوقـي=وهـذي حـروفـه واسـمـعـوها يـالاخـوان
الالــف ابــي لـي صاحـبــن مـاتـهـــيــا=وانـا صـويــبــن فــي حــيــاتـي بـلـيــا
وقــالـوا لـك الـلـه لـو تـحـب الـثـــريـا=او تـشـتـعـل كبـدك مـن الـوجــد نـيـران
نـيـران تـكـوي بـسـرة الــقــلـب كـيــا=مـن ظـالـمــن فـي عــنــدل الـريـم عـيـا
وانـا احـسـب انـه مـن رجـال الحـمــيـا=لاواعـذاب اللـي قـضـى الـلـيـل سهـران
سهران كـنــي فـي ضـجـيـــج الـعــلـيـا=مـن طـيــف خـل يـطــوي الـقـلـب طـيا
ومحـدن نـشـد عـن هـاجـسـن بـات فـيـا=ومن عـقـب عقلي صرت ياناس طـيشان
الـبــاء بـقـلـبـي مـوجـعـات الـمـضارب=مـن غـاب عـنـي مـكـرمــيــن الشـوارب
الـلــي بـمــوجـات الـلــيــالـي قــوارب=لما وقـع جـســمـي مـن الـغـبـن مـرضان
مـرضـان مـن نـاسـن غــلاهــا تـجـارب=صحـيــح مـن قــال الاقــارب عـقــارب
امـشـي وفـكـري مـن غـثـى البال خارب=من عـقب ماني شـمـعـتـن بـيـن الاخـوان
اخـوان وقــتــي تـخـتــلــف بالـمـشـارب=ومـن بـيـنـهـم ضـربـات شـوط الكـهارب
غـدو عـلـى مـاقـيـل حـبـل(ن)وغـارب=ماتـقــل يـجـمـعــهــم قـرابـه ومـسـكـان
الـتــاء تـلـيــت الـزيـن لـحــدود بـيــتــه=ولـو كـنــت داري بالـهــوى مـاتـلـيــتــه
لـو يـطـلـبــن روحـي وقـلـبـي عـطـيـتـه=يـفــز قـلـبــي لاطــرى زيــن الاعـيــان
اعـيـان ريـمــن بـالـمـحــبــه رجـيــتـــه=والـنــاس صـارت تـبـغـضـك لانـخـيـتــه
والـيــوم نـاسـيــنــي وانـا مـانـســيـــتــه=الـلـي نـهــوده كـــنـهــا وصــف رمــان
رمــان قـلـبــي يـنـحـمـس لـو جـفـيــتــه=مـادمــت فـي صـدق الـمحـبــه هــويـتـه
لـو يـنـعــرض لـلـبـيــع والـلـه شـريـتــه=بـس الـبــلا يـانـاس مـاهــي بـالاثـمــان
الـثــاء ثـوابــي مـن ربـوعــي غــثـــاثـه=وانـا الـذي عـمــري قـضـى فـي تـراثـه
شـافـوا هـمـومــي بالـمـعــالـيــق عــاثـه=وجازون عـن طـيـبـي جـحـايـد ونـكـران
نـكــران راع الـطـيـب والـلـه خــبــاثـه=مـن عـالـمــن صارت طـبــوعــه عـثـاثه
اثــري طـبـوع الـخــبــث تـاتــي وراثــه=واصبحـت بالـلـي صـار ياناس خـسـران
خــســران مـن يـبـــذر بـلــيــا حــراثــه=والخـبـث صـعـبــن بالقلوب اجـتــثــاثـه
وراع الـجـشــع دايــم قـلـيــل اكـتــراثـه=باللي صرخ يـشـكـي ثـلاثـيـن شـيـطـان
الجــيــم جـانـي مـن ربـوعــي عــواجــه=والـحــســد ولــع بـالــرذايـل سـراجــه
واكـثـر رفـاقـات الـجـمــاعــه سـمــاجـه=كـيف الحـسـد حـتـى على طـيـب الابـدان
ابـدان تـضـحـك لا بـغــت مـنــك حـاجـه=وتـنـحــاش لاثـارت بـوجـهــك عـجـاجـه
وتـلـبـد لـمـا يـظـهـر طـريـق انـفــراجـه=وعند الـرخـى يركض معك مـثـل هـامان
الـحـاء حـيــاتـي دايـمــن فــي جـراحــه=ومحـدن نـشـد عـن صحـتـي لـيـش طـاحه
ارقـب حـمـامـاتـن على الـغـصـن نـاحـه=وابـكـي على مـافـات فـي مـاض الازمـان
ازمــان يـوم الــنــاس طـيـب وسـمـاحـه=تـضـحـك وتـلـعـب وسـط ذيـك الـبـراحـه
واعـرف تـرى الراحـه بـعـمـرك ربـاحـه=احـذر تـصـيــر بـتــالـي العـمـر شـقـيـان
شـقـيــان بالـلـي تـسـحـرك فـي وشـاحـه=وعـطـورهـا اللي بأفـخـر الـطـيـب فـاحه
كم واحـدن روحـه مـن الـبـيــض صـاحـه=دونـه عـن الـفـرحـه مـقــافـل وبـيــبــان
الـخـاء خـذونـي فـي هـروج الـطــنــاخـه=الـلــي يـتــبــدل بـالـدقــيــقــه مـنــاخــه
ان غـبـت حـطـوا بك وصوف الـمـصـاخه=وان جـيـت يـرقـص خـايـب الفعل طربان
طــربـان يـذكــر مـلـكــهــم فـي بـزاخــه=وجــدوده الـلـي بـالـمـخــالـيــق شــاخـه
وقـلــبــه بـه انـواع الــردى والـوصـاخـه=يـفـخـر بهم لـو هـو عـلـى العـكـس كوبان
كـوبـان لــو نـاخــيــه يـسـمــع صـراخـه=تـلـقــى جــوابــه فــي بــرود وبــيــاخــه
وقـال الـمــســامــع مـن بـلاويــك داخــه=ابعد ترى جـفـنـي مـن الـعـيــش نـعـسـان
الـــدال دلـــونــي عـــلـــوم الــوكـــايــد=مـن شـان نـنــســى لابـســات الــقــلايـد
يـمـكـن نـشـوفـه عــقــب الايـاس عــايـد=والا غــديــت بـمــوج الاحــزان غـرقـان
غــرقـان بـهـمـــوم الـقـهــر والـنـكــايــد=بالـلـي تـســاوي غـالــيــات الـمــجــايـد
عـقـبــه دروب الـقــلــب مـاهــي سـدايــد=وكلن يقول اش فـيـك لـك عــام نـحـفــان
نـحـفــان مـن سـهـر الـلـيــال الـشــدايــد=والـسـيــر والـلـه بـالــدروب الـبــعــايـد
وراحـت حـيــاتـي فـي ظـنــون ووعـايـد=واهــل الـوفـى مـالـه هـواتـف وعـنـوان
الــذال ذقـــت الــمـــوت مـن يــوم قــــذه=وظـنـيــت قـرب الـبـيـض والعـشق لــذه
ودمــوع عـيـنـي مـن غــثــى الـبـال رذه=دمـعـن مـن الضيـقـه هـمـل مثل الامزان
امـــزان غــيـــظــن تــل روحــي وجـــذه=وبـالـهــجـر شـال عــروق قـلــبـي وبـذه
ام الـعـيــون الـلــي عــن الـبـيــض شــذه=لاجـلــه يـروح الـلـيـل ضايق وسـهـران
سـهـــران لــيـــن الـنــاس مــنــي تـــوذه=والكــبــد مــن زاد الــعــرب مـا تــغــذه
لا هـي خــذت طـعــم الـهـوى واسـتــلــذه=ولا هـي سـلـت ماطاردت جـول غـزلان
والـراء رجـيــت الـلــي حـيــاتـه خـسـاره=والــزرع طـيـــبــه مــن نـقــاوة بــذاره
اشــوف جـيــل الــيــوم شـيــنــن مـســاره=سـعــادتـي سـاعــه وسـاعــات زهـقـان
زهــقـان مــدري عـيـشــتــي كـيــف صاره=تـمـشــي خـلاف الـنـاس سـكـة قـطـاره
امــشــي يـمــيــن ودرب ربــعــي يـســاره=اضحـك وانـا لـي حـروة الـعـام حـيـران
حــيــران مـن نـاســن مـن الطـيــب غـاره=يـاســرع مــاتــقـــدح لــواهــيــب نـاره
وبـالـكــذب والـبــهــتــان يـصــدر قــراره=ولا فـيـه فـرق(ن)بـيـن مـسـلــم وسلمان
الـزاء زمــول الـمـــرجـــلـه ضــاع عــزه=وان قــلــت تـكــفــى كـلمــتــك مـاتـهـزه
اكــبــر هــمــومــه فــي طـحــيــنــه ورزه=خـايــف يـمـوت بوسـط الاسـواق جيعان
جـيـعــان والـجــايــع سـكــن وســط غــزه=الـلــي مـنــاظـــيــر الــمــدافــع تــقـــزه
وحـنــا نــذوق الــعـــيــش فــي كـل حـــزه=مـن فـضـل رب العرش خـلاق الانـسان
انـســــان يـمــشــي فــي مــلابـــس ورزه=ولــو شــافــتــه بـعــض الـغـنــادير فــزه
وهـو بالـقـسـى يـصـبــح تـقــل قــلــب وزه=لا تـاخـــذ الــعــالـــم مـلابــس وزيــلان
الـسـيــن سـرك لا تـذيــعــه عــلـى الـنــاس=الا رفـيــقــن حـاز بـالـطـيــب نـومــاس
تـرى الــعــرب فـيــهـا حـــســودن وبــلاس=لـو قـــيــل ولــد فــلان وفــلان وفـــلان
وفــلان مـاحــط الــقــواعــد على الــسـاس=وخـذى بـنـات الـعـفـن مـقطوع الارماس
وصـارو عــيــالــه بــيــن خــايــب وهـلاس=هــواه فــي كـسـب الـردى ويـن مـاكـان
مـاكــان جـاء بالـنــاس حــاتــم وجــســاس=لـو كان خـلــق الـلـه تـشـابـه بالاجـنـاس
فـيـهـا كـريـمـيــن الخـصــايــل والانـجــاس=وناسب عـزيـزن فـيــه للـطـيـب بـرهـان
الـشـيــن شـفــت الـنـاس يـكــثــر نـقــاشــه=بالـلـي جـمــع زيـن الـمـراجــل وحـاشـه
لـو ذمــتـــه بـيــضـاء تـقــل لــون شــاشــه=قـالــوا ســرق مــال الـعــواجـيـز بـوقـان
بــوقـــان والــلــه مــن تــقــــادح كــلاشــه=مـقـهــور لـيــش الـنـاس كـثــران كـاشـه
لو كان لـبــســه مــن نـظـــايــف قــمــاشــه=قـلـبــه مــن اوصاخ الحسـد صار ملـيان
مـلــيــان كـيـــســه مـن رواتــب مـعـــاشــه=والـلـه فــلا ادري عـيـلـتـه كـيـف عـاشه
مـاذاقـــت الــخـــطـــار عـــنـــده عـــراشــه=ولا يفـرقــون الـصـوم عـن شهر شعبان
الـصــاد صـــاد الــقـــلــب خــلــي ومـــصـه=غــرو ســرق قـلــب الـمـعــنـى وقـصــه
وان شــفـــت طـــراد الــغـــنـــاديــر وصــه=وقـل لـه يجـهــز حـفـر قـبـره والاكـفــان
اكـفــان سـلــمــى مــع مــضـاوي وحــصــه=الـلـي عـلاجـك ضـمــتــه عــقــب رصـه
كـــنـــه شـعــاع الــمـــاس لا بـان فـــصـــه=كـم واحـدن في حوضـهـن مات عـطـشان
عـطــشــان واشـكــي عـارضـن شاب نصه=وراع الـنــمـايــم بـيـنــنــا ويـــش خـصـه
يـدخــل بحــاجــات الــعـــرب مـثـــل لـصـــه=والحـســد يـدخــل بـيــن الاحـبـاب ديـبان
الضـاء ضـبـاب الـعــمــر بـالـقــاف هــاضي=مـثـل الـسـحـايـب والـمـطــر بالـفـيـاضي
دام الــهــوى مــافـــيـــه حــاكـــم وقـــاضــي=يـحـكــم وحـكـمــه لـلـمــظـالـيـم مـيــزان
مـيــزان يـنــصــف مـن بـالاحــلام خــاضــي=والحـلـم صـار بخـافـقــه فــعــل مـاضـي
وجــحــيــم نـاره بـالــظـــلــوع الــعـــراضــي=يـصـبــر ويـقــضـي تـالـي العـمر ولـهان
ولـــهـــان اخـــايــل بـارقــــن يــوم نــاضــي=والــدمـع مـن ذكــرى الـمـوالـيـف فاضي
أثــر الـــمـــوده والـــمـحــــبــــه مـقـــاضــي=ياســرع مـايـجـــزاك جــفـــوه ونـسـيــان
الـطـــاء طــريـق الـزيـن كـثــرت خـيـــوطــه=مـن عـالـمــن تـمـلـي عـلـيــنـا شــروطه
والـقــلـــب بـانـــت مــن عـــذابــه نـقــوطــه=وقـاعـــد يـراجــي شوفة الزيـن شـفـقـان
شـفـــقـــان لـلــي صــار مـحــدن يـهــوطـــه=واشـواقـهــا وســط الخــفـوق امحطوطه
لــو يـنـكســر تـرســـه وكــامـل بـلـــوطـــه=العـــشـق دايـم هــو سبــب زيــغ الاذهــان
اذهــــان لـلــي بـالــــمـــوده يـحـــوطـــه=ويـصـبـر عـلـى الـمـشـوار لـو طـال شـوطـه
وبـحــر الـمـحــبـــه نـايـــداتـــن شـطــوطـه=والـلــي صـبـر يـكـسـب جـواهـر ومرجـان
الـظــاء ظـلــوعـي فـي هـواه مـعــضـوضه=والــروح مـن فـرقـــاه بـانــت رضـوضــه
متى الـنـصـيـب الـشـيـن تـرجـع حـضـوضه=واشـوف قـلـبــي مع هـوى الـبـال فرحان
فــرحــان وعـيــونــي يجــيـهـا غـمــوضـه=والجـســم عـقـب الـمـوت يـقـوى نهــوضه
والـقـــلــب يـوفـي لـلـحـــبـايــب قــــروضــه=ويـوفـيــه عن وقـتن قـضـى الليل سهران
سـهــران جــفــن الـلــي هـقـى العشق روضه=وحــط الـوفـى لـلــزين سادس فروضه
وامـســى يــذوق مـن الـمـحـبـــه حـمــوضـه=وصـابـه مـن جـروح الـهـوى مثل راكان
الــعـــيــن عـــيــنـــي كــل هـــم يـلـــوعــه=مـن يـوم شـفــت الـنـاس خـربــت طـبوعه
والـنــاس خـلـــت بالـتـــوالــي فـــزوعـــه=ومن جـيـــت قـال ابـعــد تـرى القلب بلشان
بـلـشــان فــي طــقـــم الـسـتــايـر ونـوعه=مـشـغـــول فـيـهــا عـن مـشــاكــل ربــوعـه
اوامـــر الــزوجـــه ويـمـشــي بـطـــوعــه=مـمـنـــوع يـطـلـع قـبـل تغـــيـــيـر الالـــوان
الــوان نـاســن ضــايـعـــاتـــن سـنــوعــه=وراع الــردى يـبـقـــى الــردى فـي فـروعه
لــو حــب يـاعــالـــم طـــواريــف كــوعــه=ماصار شـــوك الـطــلــح والـسـدر بـسـتـان
الــغـــيـــن غــثـــونـي ربـــوع الــفـــراغـــه=الـلــي يـغـــرك زيـن كـشــخــة شـمـاغــه
يـامــا عـــن دروب الــطـــويــلات راغـــه=وصـارت على درب الــمــواجـيــب طـلـيان
طــلــيــان يـنــفـــع جــلـــدهـا فــي دبـاغـه=وتـذبــح لـضـيـفــك مـن رجــال الـبـــلاغـه
والـعـفـــن جـيــفــه طـايـحـن بالــمـــراغـه=مايـنــفــعـــك جـــايـع ولا نــفـــع شـبـعــان
شـبـعــان مـن نـاســن طــــبـوعــه مـلاغـه=ولاهـمــنــي هـــرج الـفـخـــر يـوم صـاغه
وان طــاح فــي مجــرى الـمـعــالـيـق باغه=يـبـقــى تـحــت هـمـلـول الامزان عـطشان
الـفــاء فــديــت الـلــي قـضى الـلـيـل غـافي=وانـا رمـــانـي فــــي جـــروف ومـهــافــي
وراع الــمـحــــــبــه دايــمـــن مــايخـــافــي=لــو شـــاف قــــدامــه بــنــــادق ونــيـــران
نـيـــران قـلـــبـــن شــاف غــــالــيـــه جـافي=وهــــذي عــوايــــد لابـســـات الـــغــــدافي
مـن شــانـهـا تـمـشـي لــو الـنـــور طـافي=وتـنـسـاك لــو تـقــرن وعــــوده بالايـمـــان
أيـمــان لـلــي بالـــمــــواثــيـــق وافـــي=الـلــي ضـمـيــره عــــن ردى الـبــوق صـافـي
لا صار قـلــبــه فــي غـــلا الــزيــن دافــي=يصـبــر وربــي يــرزق الـقــلــب سـلــوان
الـقـــاف قــافـــي مـثـل مـخـضــر فـلـوقــه=فـي فـيـــضـتـن جــتــهــا لـــوامـع بــروقــه
مـن راوي يـفـــهـــم ويـضـبـط طـــروقــه=ويـنــثـــر تـواريـخ الـعـــواشـيــق قـــيــفــان
قـيـفــان تـمـشــي فـي مجـاري عـــروقــه=مـيـــراث عـــودن بالـــمــراجـــل يـســـوقـه
اكــثــر شــواعــيـــر الـعـــرب صار فـوقه=وصــعــبــن تـغـــطــي لامـع الـبـــرق لابــان
لا بـان شـعـــري يجــذب الـنــاس شــوقـه=وان صـاب راع الــهــلــق بـانـــت شـقــوقه
يـشـبــه شـعــاع الـشـمـس سـاعـة شروقه=يــاتـــيـــك وافــي دون زود(ن)ونـقــصــان
الـكــاف كــل الـنــاس بالـفــقـــر يـاطـــوك=وان قـــل مـالـك بالـــرخــيـــصــات باعـوك
وعــنـــد الــولايــم والـعـــزايـم تـنـاســـوك=قــبــلـــي ذكـــرهـا بـالـــقــوافـي سلـيـــمـان
سـلــيـمــان قـــال افـطــن لمالك وانـا ابـوك=ابـن شــريـم الـلــي عـطى القاف مـسـبوك
وان زاد مــالـك يـاكـحـــيــــلان نـــادوك=وقــالـــوا جـــدودك يافــتـــى الـجــود شجـعـان
شجــعـــان دام الــمـــال فــي ربـطــة البوك=ولا راح مـالـك صــرت هــافــي ومشروك
والـلـه يـلــو تـاطــى بـرجـلـك عـلـى الشوك=مافـيـهــم الـلــي حــط لـك جـــوز حــذيـان
الــــلام لامــونـــي عـــيــــال الـجــهـــالــه=وقــالـــوا سـفـــيـهـــن قــام يلـعـــب بـمــالـه
ويحـتـاج ناســن تـنـصـحــه مــن رجــالـه =مـن شــان يـرهـــب لادخـــل كـــل مـيــدان
مـيـــدان شــح اهـــل الـعــفـــن والـــنــذالـه=الـلــي مـمـــاتـه حــيـــن يخــســـر ريـالــه
تـقـــول صـــاب الـقــلـب تـالـــي هــبـــالــه=وياويـل مـن حـطــه ضحــى الكون مـزبان
مـزبــان لـلــي غـــاب مـصــرف عـــيـــالـه=ويحــتــاج ذيــبـــن مـن ذيـــابــة جــبـــالـه
يـشــدى مـزونــن بـاول الــــوســـم ســـالــه=انـا اشــهـــد انــه بالـشـــدايـــد كـحــيـلان
الـمـــيــم محـــبــوبـك الـيـــا صــار هــــايــم=وخــــدوده احـلـى مـن نـجـــوم الـنـعــايـم
احــمـــه بـروحـــك عــن جــمــيــع الظـلايـم=ولا تـتـركه يـرقـــد مـن الهـجــر زعـلان
زعـــلان مـن هـــرج الـقـــفــى والـنـــمـايـم=من واحــدن حـســده عـلى الراس حـايـم
يـســمــع هـــروج الـنـــاس لـــو كــان نـايـم=مـن كـثـــر ماهـو لـلـصــواديـف شـفـقـان
شـفــقـــان انـا لــعــيـــون ظــبــي الــعــدايـم=يـفــــداه مــن ربـعــي كــبـــار الـعــمـايـم
حـبــه غــدى فــي داخــل الــقــلـــب عـــايــم=قـصــره بـقـلــبــي لــه قــواعـد وعـمدان
الـنـــون نـاديــت الــعــــرب بــس خــلــــون=والـلــي رجـيـت الـطـيـب مـنهـم تنـاسـون
وانـا الـــذي وقـــت الــمــلازيــم يـلـــقــون=وهـــذي عـلامـاتـن ذكـــــرهـــا هـضـيـبـان
هـضـيـبـان قـــال ان الـعـــرب كــونـهم كـون=مـادام جــيــــران الـــزمـان يـتــشـاكـون
وصــار الـقــرابـه بـيـنـهـم حـرب وطـعــون=والـلــه فـــلا صــارت عـلـى كــل الازمان
ازمــان شــر(ن)تـــودع الـعــقــل مجــنــون=وصار الــرفـيـــق بـرفـقــتــه غـيــر مامون
يـضحــك وحـقـــده داخــل الـقــلــب مكـنـون=قـالــه حـكـيــم الـشـعــر مـن نـسـل نـبـهان
الــــواو ويــلــي كـــان الاحـــبـــاب شـــــدو=الـلــي بــدرب اهـــل الـمـحــــبــــه تــردو
ومـن عـــنــد عـــيـــنـي فـي حـبـيـبـي تـعـدو=من فــوق جـيــبـن يـنـتـجـه طـقــم نـيـسان
نـيـسـان مـطــلـوب الـعــــرب يـــوم مـــــدو=ولا قــيـــل عــنـــد الطـعـس خـافـو وهـدو
واهـــل الــمــــواتـر ويـلـــهــــم لا تـحــــدو=والـلــي تـحـــدى راعـي الطـيـب خـسـران
خــســـران ربـعـــي يــوم راعـــوا وصـــدو=مع جـرح روحــي كــيــف قــامــوا تـغــدو
وكــان انـهــم فــي غـيــبـــة الــذيــب ســدو=والـلـه فــلا نـشـره عـلـى شـطـف الاخـوان
الـهـاء هــوى قـلـبــي عـلـى الـبــعــد حــدوه=الـلــي لـشــيــنــات الـطـــواريـق شــالـوه
ومـن غـاب خـلــي صرت بالـقــوم مـســفـوه=حــظــي عـن دروب الـغــنـــاديـر يـنـحـان
يـنـحــان عــن عــيــن اشــقــرن يـوم هــدوه=وبالـلـيــل قـبــلـه فـي طــعــامـه تـنــاسـوه
مـايـلـحـقــه فـي فــعــل يـمـــنــاه مــشـــروه=خــلا الحـــبــاري للـمـخـاطـيــف نـيـشــان
نـيـــشـــان لـلــي بـالــشـــمــــاتــه تــولـــوه=ومـن الحـســد بـالـكـــذب والـهـرج هـانـوه
وان طــاح فـي غـبـــن الـمـكــيــدات خـلــوه=ومحــدن وقــف مــع واحـدن طــاح بلـشـان
الـيـاء يـمــيــن الـلـه عـشــيــري تـقـل ضـي=الـلـي كـوى قــلــبــي بـرمــش الحــلا كـي
ريــقـــه بـلاهـــوب الــقـــوايـل غـــدى ري=وفـي قـرب نـور الـعــيــن مـانـي بـظـمـيـان
ظـمــيـــان مـن نـاسـن تـحــدك عــن الـمــي=وتطـوي مـعـك حـبـل الـوفــى بالهـوى طي
عـقــب الـغــلا تـقـــطــع حـبــالـك بـلا شــي=وراح الـــذي مـن بـيـنــكــم تـقـــل مـاكـان
مـاكــان كــان ونـطــلــب الـسـتـــر يـا خــي=من واحـدن يـفـرق ضـحـى الـنـور والـفـي
انـــه يـجــنــبــنـــا الـضــــلالات والـــغـــي=الـلــي رزق بـالـكــون عــايــب وعـمـيــان
هـــذا كـــلام الـلــي مــكـــاويــه شــــاعـــه=لـيــن انـكـشـــف حـبــه بـوســط الجـمـاعه
والــنــاس صــادت بـالـشــمــاتــه كــراعـــه=نـار الحـســد بـقـلــوبــهـــم تـقـــل بـركـان
بـركــان يـنــثــر بـالـتــمــاثــيـــل قــافــه=مـثــل الــورود بـروضـها يـوم حـافـه
ومـن قـابـلـه فــي بــدع الامــثــال خــافــه=وبعض العـرب قالوا تقـل فيه شـيطـان
وشـيـطـان قـافـي مــن دروبــن مـشــيـتــه=وعـمـرن بريضان الـتـعـاسـه قـضـيـته
وجـمـر الـغـضـى حـافـي بـرجـلي وطـيـتـه=وياكثر ماكنـت اقـطـع الـدرب حـفـيـان
حــفــيــان لـكــنــي مــع الــنـــاس وافــي=والـغـــدر والـلـه مـادخـل فـي لـحـافي
واخـتـرت ثـوبــي مــن ثـيــابــن نـظــافـي=وماني على طـيـبـي مـع الـنـاس نـدمـان
نـدمـــان لــيـــتــي مــع صــواريــم وايـل=الـلـي تـشـيـل عــن الـرفـيـق الـثـقـايل
فـي مـجــدهــم حــازوا جـمـيـل الخـصـايل=زمـل الـمـحــامـل بالـمـخـافـه والاكوان
اكــوان قـلــبــي تـكــوي الــقـــلــب نـاره=ومحــدن وقــف لـلــي وقــع فـي مـغاره
لـو يـشــتــكــي لــيــلــه وكــامــل نـهـاره=يـقـعــد سـهـيــرن والسـبـب قل الاعوان
اعـــوان لاذاق الـشــطـــيــرات صـاحــب=ووجهه غـدى مـن ضـيـقـة الصدر شاحب
لـو مـاشـكــى قـالـوا تـفــضــل مــراحــب=وابـشـر بـعــزك دامـنــا مـثــل الاخـوان
اخــوان تـجــمــعــهــم ســلــوم ومـحــبــه=ارداهــــم دروب الــردى مــا يــطـــبــه
واشــوف جــيــل الـيـــوم كـلــن يـســبــه=الـلـي غــدو عـنــد الـشـمــاتـات عـدوان
عــدوان لـلــي مــوت مـــثــلــه فــقــيـــده=والـنــاس تـطـمــع دايـمــن فـي جــديـده
يــاوي والــلــــه ياعـــــرب مـن ولــيـــده=لـلــي يـنـــاديـــة الـــعـرب يابـن غسلان