اشـوف الـقـدم داجت طريـقـن مهو مضمون=تركت النهـر والـيـوم فـوق اللهب ظـمـيان
احـسب النـهـر يجـري لـتـالي شـهــر كـانون=والامطـار ماجـتــنـا وهــذا شـهــر نـيـسـان
لما طحـت يلـعــب بـي عـلـى كـيـفـه القولون=من الـعـام عـلـمـي بالوناسه شهر شـعـبان
ابـي كـاف ودروبـي حـدتـنـي لـحرف الـنـون=وانا خـابـره تـرضـخ ولا تعـلـن العـصـيـان
حروف الهجاء قالت كـبـيـرن يـريـد الـشـون=وقاف الهـوى صعـبـن يطـاوع مع الشيبان
وقـلـت الـهـوى سجـنـي وانا داخـله مسجون=واصوغ المثل واصخر حروفه على قيفان
لـو ان الـذهـب بالـقـاف نمـلـك ذهـب قـارون=فـطـوري بواشـنـطـن ونومـي مـع الـيـابان
ولا قـيـل ابـن غـســلان تال الـشـهـر مديـون=او انه عـجـز يـشـري لهـم فسحة الوغدان
اصـب الـقــوافــي دون فـلــتــر ولا سـيـفـون=سبب جـمـرتـن تـقـدح بجـوفـي مثل راكان
تروس الحشى تبرم سيـوره على الـبـنـيــون=بصدر طـفـح قـافــه عـلـى حـفـرة الحقران
اذا هـضـت جـبت القاف صافي مهو مشنون=مثل مزنـتـن سـيـلـه تـحـدر مـن الـظـلـعـان
حـدانـي عـلـيـه الـلـي لهـيـبه حـدى سعـدون=او اللي حـدى النجـدي وناره كوت مشعان
ولا فــادنـي قــافــي وانا ضـامـري مـرهــون=تنام العرب واقـعـد جـريـح الحشى سهران
عــلام الـهــوى ياتــي ويـرحــل بـلا قــانــون=ومن يدخله يـتـرك دروبـه وهــو خـسـران
اذا وافـق الـوالـي رفـض حـضـرة الـمـاذون=تصعفق على قـلبن عـشـيـره ورى السلمان
رموش المـها فـتـنـه وقـلـبـي وقـع مـفــتـون=وجرح الهوى يمـرض وقلبي وقـع مرضان
انا خـفت من فرقى حـبيب الحـشى المـزيون=ولايـنــفــع الـخــايـف مـلاذه ورى الــوديان
غـدت حالتي حـبـه عـلـى جـمـرة الـغــلـيـون=الاقــدار حـطــتــنـي عــلـى سـكـة الحــرمان
يدور الزمـن والجـرح فـي خافـقـي مـكـنـون=كـتـمت الخبر واضحك وقلبي على النـيـران
اشوف الـفـرح بيـن الحـبايـب مهـو مـوزون=تقـول الـحـشـى لرمـاح كـل الـعـرب نـيـشان
صحـيـح القـدر والغـيـب حـكـمـة ولـي الكون=ولا احـدن يعـرف اللي بـدار الشـقـى ماكان
ولكـنـهـا صـوره تجــيــنـي عـلـى الـكــربـون=وجـرح امـس مـثـل اللي قـديمـن نزيفـه بان
اذا بــان زول الـلــي تــلالا بــلا صـــابــون=غــنـوجـن تـفـوح عطور جـسـمـه تقـل ريحان
كـمـا الريم فـي روضن ربـيـعـه تجـيـه مزون=ربيـعـه مـن امطـار السحايب كسى الجـيلان
ذعـاذيعـها تـنـعـش حـشـى الخافق المشـطون=وبـدوانها سـاقــت لـهـا الـطـرش والـذيــدان
تخـالــط بـها جـول الحــبـاري وجــول بـدون=وشـقــح الـبـكـار الـتـي رعـتـها مـع الـبدوان
حليب الـعـشـايـر فـي صبوحه ملى الماعـون=مناجـيـب شـيـخـن مـن صـواريـمـنـا الـويلان
ذرى الجار حـبـس الدار في سيفها المسنون=وفـيـهـم لـمـن يشكي صـدوف الـزمـن مزبان
بها مـن وصوف الزين رمـش الحلا وعـيون=وخوفه مـن الـعـاصف الـيا لاعـب الاغـصان
سقـاني مـن انـهـار الهـوى والـغــرام فـنـون=وقـبـل ارتـوي بانـت مـواري غـثـى الـنـسيان
وحـظـي عـلـى الـعـاده كـمـا الـطـائر المامون=حـريـصـن عـلـى الـمـوعـد لاجل يقفل البيبان
اذا شافــنـي سالـي رجـع يـمــشـي الطـبـلـون=ومع سرعــتــه مايخـطـي الــدرب والعـنـوان
قـعـد يـقـصـف قـصـور السـعـاده تقل مجنون=ولا اقـدر عـلـى صـد الـقـذايف عـن الجـدران
واذا طـحـت من ناره وقـلـبـي وقـع مطـعـون=تـبـسـم وقـال اقـعــد على الضـيـم يالـغــسـلان
اسـولـف وهـمي في ظـلـوع الحشى مدفــون=ولـو شـفـتـنـي سـالـي عـلـى لعـبــة الـكـنـكـان
وانا الـيوم مـن بـيـن العرب بالهوى مغـبـون=وغــيــري بريـضـان الـمحـبـه رقـص طـربان
الا ويـل مـن مـثـلـي خـفــوقـه مــع ام ردون=وهـو قـاعـدن غـافـل عـلـى فــوهـة الـبـركـان
العضو الأكثر نشاطاً هذا اليوم 
العرض العادي
