الفرق بين المرأه في السنه الاولى من الزواج والسنه لعاشره

الفرق بين المرأه في السنه الاولى من الزواج والسنه لعاشره

--------------------------------------------------------------------------------


ما فوق الساعه 6:30 صباحا
================ تودع زوجها وهو طالع للعمل وتقول له بتوحشني يا حبيبي

الساعه 11 صباحا
============== تتصل عليه في العمل وتقول له حبيت اسمع صوتك بس يا عمري

الساعه 2.5 العصر
============= تستقبله وهو متشيكه وتبوسه وهو داخل للبيت وتقول له الغدا جاهز يا حياتي ..تحب احطه لك الحين ؟

الساعه 5 العصر
============= تصحيه من النوم ببوسه وتقول له اعمل لك شاي يا حبي ؟

الساعه 6 المغرب
=============== بكل خجل تقول يا ليت يا حبيبي .. يعني لو ما عليك كلافه .. يعني اذا تقدر توديني شوي لبيت اهلي اذا كنت تقدر يا عمري و قبل ما ينطق بكلمه تقول له : اذا ما تقدر خلاص مو لازم وطبعا يضيع هو في نظره من عيونها ويوديها لاهلها ولو انهم ساكنين في أقصى الدنيا

الساعه 8 بالليل
============= تتصل على الجوال وتقول اشتقت لك يا عمري .. يا ليت تمرني ونروح للبيت وطبعا هو عارف وش بيجيه في البيت فيطمر ويقول لشبّته اسف والله يا شباب راسي مصدع ولازم امشي

الساعه 10 بالليل
============== سوالف ..... الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..

الساعه 11 بالليل
============== الوصول الى هذه الصفحه غير مسموح ……….

بعد مرور عشر سنوات

*******************

الساعه 6:30 صباحا
=============== هي في سابع نومه

الساعه 11 صباحا
============== هي برضه في سابع نومه

الساعه 3 العصر
============= تستقبله وهي نافخه خشتها وتقول شف لي حل مع ولدك علي هذا ..حتى الان ما حل الواجب .. وساره الله ياخذ عمرها انشاء الله شاقه مريولها في المدرسه …عطني فلوس لازم اروح اشتري لها واحد غيره … وصالح يبي علبة هندسه يوم ان الاختبار صار بكرا قال لي ‍‍‍ … …كله من هالشغاله الله يا خذها ….اسمع يا انا يا هالشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم
ما تدري ان اسرار بيتهم كلها عند الجيران من لسانها هاللي وش طوله و …و …..و

الساعة 5 العصر
============= هي تفك هوشه بين سارة واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه … ..الخ

الساعه 6 المغرب
=============== هو جالس يشرب الشاهي وهي تقول نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي جايبه ولد ولازم اروح اشتري لها هديه من باتشي و ابي امر على المشغل ..وبعدين نزلنا عند اختي من زمان ما شفناهم …………..
وفي هاللحظه فكر هو انه يشتغل ليموزين احسن له

الساعه 8 بالليل
============== تتصل على الجوال وينك ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى تجي ؟ لا ما فيه

الساعه 10 بالليل ============== جالسين هي وياه عند التلفزيون ..اخيرا هدوء ..والعيال نايمين ..والجو جميل ..وفجأه تطالعه وهي ماده بوزها وتقول الحين امك وش عندها اليوم ما ترد يوم اني سلمت هاه ؟ والله ما ادري كان سالتيها واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس تسكت شوي بعدين تقول وبعدين اختك نوره يوم انها تقول ان علي ولدي يشبهني ما يشبه ابوه وش قصدها هاه ملاحظه علي هو اشين اخوانهانا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد الي هو الزوج حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك . يسكت وما يرد , تسكت هي ثم تقول وبعدين اخوك شاري لحرمته ساعه قيمتها عشرين الف ريال يرد طيب وش المشكله ؟ وانا ليش ما تشتري لي ..والا انا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ خلاص اشتري لك ساعه تعصب وتقول ايه تسكتني بهالكلام ….والله لانت شاري ولا شي وش تبيني اقول يا بنت الحلال ؟ تقوم وهي تبكي خلاص ما ابي منك شي

الساعه 11 بالليل
=============== هي زعلانه ونايمه مع العيال







منقووول

[align=center]جالس يشرب الشاهي وهي تقول نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي جايبه ولد ولازم اروح اشتري لها هديه من باتشي و ابي امر على المشغل ..وبعدين نزلنا عند اختي من زمان ما شفناهم …………..
وفي هاللحظه فكر هو انه يشتغل ليموزين احسن له

هههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههاي


هلا وغلا اخوي الغالي ماجد الشمري منور المنتدى يابعد حيي
تسلم ولاقصرت على المشاركه الجميله والرائعه يالغالي
الله لايحرمنا منك ولا من مشاركاتك الجميله ياجميل
تسلم ولا قصرت وعساك على القوه يالغالي
اخوك
نزف المشاعر[/align]

ههههههههههههههههههههههههههههههههه

ههههههههههههههههههههههههههههههههه

ماجد الشمرى

يعطيك العافيه على الموضوع الخفيف بس ما اعتقد كل الحريم كذا

وفى بعض الرجال نفس الشى اول سنه مافى احسن منه وبعدين سبحان اللى يقلبه هههههههههههههه

تقبل تحياتى

اختك سهر

هههههههههههههههههههههههههههههههههههههههههههههههههه ههههههههههههههههههه
الله يرجك مااجد
موضعك في قمه الروعه
حيااكي اخوي
بس انت وين رحت
نبي نشوف مشاركت احلى من كذاا
لا تطول علينا الغيبه
تقبل تحياتي

الاخ : نزف المشاعر

الاخت: سهر

الاخ: ابو تمره


شكراً على مروركم