| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
المشرفة المميزه |
 |
مرحبا ً غرام الشوق
بقلم : بعد حيي  |
 |
قريبا |
| كلمة الإدارة |
 |
|
|
||||||||
|
||||||||||
 |
|
 |
||||||||
 « آخـــر الـــمـــشـــاركــــات » |
 الإهداءات |
|
|
أدوات الموضوع | انواع عرض الموضوع |
01-23-2006, 11:33 AM
|
#1 | |
|
يااهل المنتدى شوفوا قصي لذاك انا حاقد على العالم العربي
السلام عليكم ورحمة الله وبركاتة
اعزائي الاعضاء هذه حكاية من الادب الحفحفي ...... اول شي حبيت اتكلم عن حفرالباطن حفرالباطن : هي مدينة تقع بشمال شرق المملكة . تبعد عن العاصمة الرياض 450كم عدد سكانها : يتجاوز الــ800000 نسمة < ناقص هذا يصيرون 799999 طبعا حفرالباطن هي مدينة حفحف وحفحف من مواليدها اللحين عرفتوا ليش حفحف صار اسمه حفحف .....عواصف الانتقام .......الكلام اللي فوق كتب للمعلومية فقط ........ نبدأ الحكاية مرة من المرات كنت توني صاحي الساعة اربع الفجر نازل ابشرب موية وانا نازل من الدرج كان ابوي جالس بالصالة وامي تقول له .... خلاص يابو حفحف الولد كبر ولازم يعرف الحقيقة قال ابوي : لا ....لا .....يام حفحف انا ماودي اخسر الولد قالت امي : ليش طيب وشلون تبي تخسرة قال ابوي : اخاف يدري بعدين يروح عنا قالت امي : هذا مو حق يابوحفحف .. من حق الولد إنه يعرف حقيقتة .. (( أنا هنا توقفت مشدوها ... مثل الزير يوم عرف إن كليب مات ))) رحت بسرعة اجري لغرفتي واطيح على السرير وابكي بكاء مرير بعدين قمت ووقفت عند المراية واسأل نفسي وش هي حقيقتي .....انا وش انا هل انا ...هو أنا هل .......................اسئلة كثيرة بس مالقيت لها اي تفسير نمت بعدين قمت الصباح عادي وكأن ماصار شي يوم طلع ابوي للدوام قالت امي ليش مارحت تداوي ياوليدي قلت : مدري يمه انا احس اني تعبان اليوم قالت : وش فيك عسى ماشر انت مسخن قلت : لا يمة بس تعبان ومرهق ومانمت البارح قالت : خير انشالله ليش مانمت قلت : يمة بصراحة انا سمعت كل الكلام اللي دار بينك وبين ابوي البارح قالت : وش سمعت ياولدي قلت : يمة صارحيني عن حقيقتي وش انا قالت : اي حقيقة قلت : يمة تكفين انا ابعرف وش السالفة ... قالت : امي ياوليدي سالفة طووووووووويلة وقديمة قلت : انا ماني بتاركك لين تعلميني قالت امي اسمع السالفة ياوليدي ابقوا معنا .....بعد الاعلانات  عدنـــــــــــــــا المهم قالت امي اسمع ياوليدي السالفة ومافيها (( كنت انا وابوك كل سنة نصيف في لبنان .. ونقعد فيها شهرين .. وفي سنة من السنوات كنا مصيفين في لبنان وتقوم الحرب ..... وطردونا من الفندق ...ونروح نسكن مع عائلة لبنانية في بيروت الليلة اللي سكنا عندهم جت قذيفة على البيت ...وطاح البيت حاولنا نسعفهم من تحت الانقاض ...لقيناهم كلهم ميتين ويوم جينا نطلع نسمع صوت صياح طفل تحت الانقاض طلعناه لقيناه طفل رضيع عمرة شهرين عيونه زرق .. شعرة اشقر .. شفايفة حمراء وحنون ويقول كاهي كاهي وا وا وا وا قال ابوك خلينا ناخذة ونتبناه قالت امي .. هذا الله ساقة لنا لأن ما عندنا عيال وتقول امي حنا اخذنا الطفل ورجعنا للسعودية قال ابوك وش تبغينا نسمية قلت : بكيفك سمه اللي تبغاه قال : نبي نسمية حفحف على أسم جدي حفحف التاسع عشر قالت امي وهو كذلك عاد هذي هي ياحفحف كل السالفة قلت يعني انا مب انا قالت امي ايه قلت : يعني انا اهالي ماتوا بالحرب قالت امي ليه (( مشهد مؤثر )) قمت انا ووقفت وعطيت امي ظهري واناظر بالكاميرا وابكي واحط ايديني على وجهي واقول طيب انا مين اهلي وين ....لا ..لا ..لااااااااااااااااااااااا آآآآآآآآه آها آها آهـــــــــــا )) جتني امي قالت ولا تزعل نفسك ياوليدي قلت طيب ليش ماعلمتوني قالت : خايفين انك تضيع من بين يدينا قلت : طيب ليش تاخذوني من الاصل ليش تاخذوني من عند شجر الأرز الى شجر البرسيم ليش تاخذوني من عند كريستينا ونسرينا .. وتجيبوني عند هيلة ومنيرة وستيره ووضحى ليش تاخذوني من عند هاي وباي والعمى ويسلمووووووووا وتجيبوني عند ياهلا وطس وانقلع ليش ....ليش .....ليـــــــــــــش قالت امي خلاص ياوليدي هذا نصيبك قلت طيب وشكلي ليش خرب وين عيوني الزرق وشعري الاشقر قالت امي اللي يعافي الشمس .. والمطارد بالقوايل مع عيال الحارة قلت طيب وش كان اسمي قالت امي ان اذكر كان عليك قلادة مكتوب عليها انتوني باركسيان قلت يعني انا اسمي انتوني قالت امي الظاهر يوم جاء باليل وانا اتصل على برنامج خبرني ياطير واقول لهم سالفتي وقالوا خلاص لما نحصل اهلك بنخبرك وبعد فترة رن االتليفون المتصل : الو حفحف : الو مين المتصل : معاك برنامج خبرني ياطير حفحف : هلا والله ها ه بشروا عساكم لقيتوا اهلي المتصل : ايه ....ابشرك لقيناهم حفحف : هنا طاير من الفرحة المتصل : اسمع ياحفحف الساعة ثمانية يبغون يجونكم بالبيت حفحف : وااااااااااااااااااااااااااااااو المتصل : باي حفحف : باياات حفحف جهز البيت علشان يستقبل اهلة والدموع تملأ مقليتة من الفرح كما كانت تملأ مقلتي والدية من الحزن لفراقة فجأة ........ باب البيت يدق نقز حفحف وفتح الباب إلا وذيك البنت اللي كأنها جويل بحلق قالت البنت هاي : انتوني قال حفحف : هلا والله مين انتي قالت : انا سامية بنت جيران اهلك قلت : اهلي وينهم قالت : انتا عارف امك وابوك اللبنانين ما ماتوش. . هما لسا عايشين بس مكسرين ولا يقدروا على السفر وبعتوني ليك علشان اجيبك قلت انا طيب هم ليش بعتوك انتي بالذات قالت بعد ما احمر خداها من الخجل هيدا كان شرط من ابوك باركسيان شو هو الشرط قالت قال ابوك لما تجيبي ولدنا انتوني نزوجك ياه انا هنا وررررررررررررررررررررر للشنطة واجهزها امي وابوي السعوديين قاموا يبكون وانا اضرب في بكائهم عرض الحائط لان عندي مثل يقول (( من قابل الزين نسى الغالين )) مثل انا صلحتة لمثل هذي الاحداث  وقفت عند الدرج اتأمل غرفتي قبل ارووووووح ويوم جيت انزل مع الدرج وانا اطيح من اول الدرج لين آخرة ويغمى علي ويوم صحيت إلا وانا بالمستشفى فتحت عيوني لقيت ابوي وامي سألتهم وين جويل بحلق قصدي ساميه قالوا اي سامية الحمدلله على سلامتك قلت وش السالفة وش صار لك قالت امي انت قمت من النوم تبي تشرب ماء وقفت على الدرج ونمت وانت واقف ...بعدين صرخت وانت تقول (( انتوني ..سامية ..بيروت )) وتطيح من الدرج قلت يعني انا ولدكم قال ابوي لا انت ولد الثلاجة اللي بالمطبخ (( هنا ايقنت انني حفحف .. وإن انتوني باركيسان .. لايوجد في حفرالباطن)) ولاحد يلومني اذا تحطمت نفسيا انتهت السالفة مع تحيات حف ::حف |
|
لا تجعل الماضي يعيقك ، سيلهيك عن الأمور الجميلة في الحياة
للمرسلة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
(عرض الكل)
الاعضاء الذين شاهدو هذا الموضوع: 0
|
|
| لا يوجد اسماء لعرضها |
| أدوات الموضوع | |
| انواع عرض الموضوع | |
|
|
العرض الشجري