عذري معآي ان قلت روح مآبيك

عذري معاي ان قلت روح ما ابيـــــك
ماعاد لي قلب يهلي بطريـــــــاك
ياللي بحياتي (كنت) مدري شأسميـــك
(كنت) الحياة بكبرها كل ما ألقــاك
(كنت) المسا لاناموا الناس اسريـــــك
(كنت) الامل بعيون منهو تمنـــاك
واليوم لا والله ما ابيك ما ابيـــــــــــك
لا ابي اترجاني ولا انا اترجـــاك
جمعت باقي ذكرياتك وابرميــــــــــك
للوقت يمكن مع الوقت انســـــاك


تعال ووقع بجرحك أنا قلبي كتاب جروح
ما يهمك ترى غيرك جرحني ما افتكر فيني
زوايا القلب تتألم وشرخ في الحنايا ينوح
وعبره تخنق إحساسه ودمع راجف بـعيني
زمن فيه الوفا ولى وسيف الغدر به مسموح
يسله من هوى ذاته ويهوى بس يشـقيـني
زمن فيه الأنا تقتل مشاعر بين روح وروح
وعلى كثر الألم منها صار الفرح مجـفيني
شوف الواقع المؤلم يعشق شوفة المجروح
رسخ في داخلي كلي ووده حيل ينهيني


عطني قلم
بأكتب
على القلب
ناسيك ~
حتي اليا منة تذكرك
ينساك
خلآص؛
عقب اللي حصل منك
ما ابيك
وما دمت انا هنية
فارقني هناك
غلطة حياتي
يوم تقفي واناديك
لكن بيجي يوم
واقول الله
وياااااااك


متى ماجتلك على الكيف اتصلـــــــت !!
ومتى ماودك كذا ماتتصــــــــــل !!
ومتى ماطقت براسك زعلـــــــــــــت !!
حتى لو مابه داعي للزعــــــــــل !!
واثر يوم انك تتعمد ما سألــــــــــــت !!
اثر لك احباب عن حـبــي بـــدل !!

اللي تحبه يارفيقي وتغليـــــــــــه ..
لو غاب عنك من تحط بمكانـــه
لو كل واحد نسى جرح غاليـــــه ..
ماكان به غالي تذكر زمانــــــــه
خله عشان الوقت لابد يربيـــــــه ..
عشان يعرف قيمتك مو عشانـــه
الكون واسع لاتجاري خطاويــــه ..
يلقي بدالك وانت تلقى مكانـــــــه

ماعاد ينفع لو تعذرت ورجعـــــــــــت ..
فات الاوان وقل قدرك وشانــــــــــك
وشلون اسامح وانت في الود قصــرت ..
وبعت الرفيق اللي وفالك وصانــــــك
والحين جاي تقول نادم وفكــــــــــرت ..
خل المحبه وانت خلك مكانــــــــــــك

منك نتعلم لعبت الصد ونصــــــــــد ..
مادام قلبك والليالي علينـــــــــــا
منك نتعلم كيف مانحفظ الـــــــــــود ..
(( وتشوف منا ماتسويه فينــــــــا ))
والحين لازم تاخذ المسأله جـــــــــد ..
علمتنا نقسى وشفنا قسينـــــــــــا