ابـن عــبـيــكـه وديــون الطــوب

بسم الله الرحمن الرحيم


دائما تجد الكريم من الناس قليل المال في اغلب الاحيان وذلك لكونه يصرف

منه الكثير ان لم يكن كله على ضيوفه وفعل الخير من خلاله عكس البخيل

اللي مايهمه غير بطنه لذلك قال ابن جلعود العنزي:

[poem=font="Simplified Arabic,5,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]
نوبن يـبـدل ربـنا الـعـسـر بـيـسـور=ونوبن ندنـق عـن رفـيـقن يجـيـنا
ونوبن يـمر بـك الرجـل تـقل مجدور=مـن القـل مانـقوى على طبختـينا
ونوبن خـروفـن للمـشـاكـيل مجزور=وصـيـنـيـتـن تـنـقـل على محترينا
وصيـتـن خـذهـا الى نـفـخـة الصـور=الـشح مايـودع ضـعـيـفــن سـمينا
والمال مايـدفـن مـع الـنـاس بـقـبـور=ولايـنـفـد الامــوال مــد الـيـديـنــا
وماقـدمـت يـمـنـاك قـدام لـك نـــور=واللـي تـخــلف فــرض للــوارثـيـنـا[/poem]

والقصيده اطول من ذلك00

وعبدالكريم بن عبيكه راعي قنا رحمه الله معروف بالكرم والصخى واجتمع عليه

دين كثير للتاجر الطوب وخاف ابن عبيكه ان يشتكيه الطوب على امير حايل ابن مساعد

والذي كان في اول سنوات امارته وكان صارما جدا 000

فأضطر ابن عبيكه الى مغادرة ديرته متجها للجوف (( الجوبه ))

عند شخص مكرم اسمه (حامد)00 وعندما طالت غربته اشتاق لاهله وجماعته فقال :

[poem=font="Simplified Arabic,5,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]
راكبن من عندنا فـوق منجوبـي=وافي(ن) بالشبر مع زين مركوبـه
ياعميلي يـوم اوصفـه منجوبـي=مثل مشي البـنـت لاجاز لـه ثوبـه
اركبه لاهفـت الشمـس بغـيوبـي=من مـناخـة حـامدن راعـي الجوبـه
ود عبـدالله والاخـوان مكتـوبـي=عقبهـم عيـني عـن النـوم محجـوبـه
مشفي(ن)في شوفهم مارمطلوبـي=غـدي ربي يوفي الديـن هالنوبـه
دفـتـرين وواحـدن دفـتــرالطوبـي=جـض قـلبي وان تهجـيـت مكتوبـه
اه واويـلاه وامــر مـشـروبـي=واهـنـي نـفـســن تـهـنــت بـمـطـلـوبـه
بيـتـنا دومن عن الصـك مصلوبـي=مايـصك البـاب والنـار مـشـبـوبـه
وقصرنا زبن(ن)لمن جاه مصيوبي=والضياغـم يـوم يجـلـون لاذو بـه [/poem]


وعندما سمع الطوب هذه الابيات جاء الى ابن مساعد وقطع الدفتر حق الدين وقال

والله مااتسبب بطرد ابن عبيكه عن مناخه للضيوف واشهدوا اني متنازل عن كل الدين

اللي عليه00

وانحدر ابن عبيكه قبل يدري بتنازل الطوب الى المنطقه الشرقيه في بدايات ظهور البترول

وسجل بشركه هناك فضحكوا عليه بعض الناس وقالوا عقب ماانت على سبع خلول مرتكي

للضيوف جيت تشتغل بهالبدله (( لباس الشغل )) فقال :

[poem=font="Simplified Arabic,5,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]

الـنـشـامـا تـشتـغـل لاجـل الريالـي=مانـفـع خـطـو الـولـد كـثـرالـقـعـودي
تر كـثيـر المال عند النـاس غالـي=قـالو ان الجود من حسب الوجودي
نـشـتغل بالشمس من عقـب الظلالـي=خادميـنـن للنـصــارى والـيـهــودي
خايفـن من شقـتـن تفـرش قـبالـي=ونـلـبس الشـيبان عقب البيض سودي
نجــدن اللي هـربـت ولـد الهـلالـي=شـد مـنـه تـغـريـب ولاظـنـه يـعـودي [/poem]



رحمهم الله جميعا واتمنى ان اكون افدتكم ياعزوتي0000

الراوي ابن غسلان