يوميات عجوز الحاره

& معلومات عن الشخصيه الشهيره &

1- اللقب : ام كونان >>> سبب التسميه لمهمة التحري اليوميه على بيوت الحاره كلها

2-العمر : مابين الخمسين الى الستين

3-المهنه : تبداء من بعد صلاة العصر لمهمة التحري على بيوت حريم الحاره وتحضير اسئلة تحري لاتقل عن ميه وخمسين سؤال >>> ملاحظه الاسئله تتكرر دايم >>> على قولتهم لاتمل وتكل

... \ السبت \ الساعه 4م العصر >>> ههههههه طبعا العصر

منيفه : سلمى سلممممممممممممممممى وصمخ اركضي جاء المسلسل

(طبعا سلمى با المطبخ تبحث عن بقايا الغداء >>> تسوي رجيم )
جت سلمى تركض ماتبي يفوتها اي مشهد
منيفه : الا امس وين وقف المسلسل
سلمى : يوم تصيح سوسو يوم خانها حبيبها المعفن بعد وجه اصلا يحمد ربه انها كانت حبيبته من حظها اللي تركها مدري على ايش شايف روحه
منيفه : ابي اروح اجيب فشفاش وكاكاوات شوفي تكفين قول لي وش يصير خلاص

( البيت يعني صار حوسه على كيف كيفكم قراطيس بكل مكان وحب خشب ومكسرات يعني الله يرزق الذر )

الساعه 4:30م العصر بعد ههههههه نفس اليوم

الجرس >>>> طرن طرن طررررررررررررررررن >>> يعني غصب ما حنا فاتحين
منيفه : سلمى كننا مو فيه هذي اكيد وحده ام كونان اعرف حزتها دايم تجي با الوقت هذا
سلمى : طيب وامي بعدين تهاوشنا >>> سلمى دايم رعديده = خوافه
منيفه: امي ما تدري الحين بسابع نومه >>> منيفه ام الدواهي

الجرس ما زاااال >>> طررن طررررررررررن طررررن + ضرب الباب بقووووووووه
منيفه : اللي ما تفهم مو فاتحين لا وجايه بدون موعد بعد مدري وش فايدة الجوال اللي بيده
اييييييييه بس ما عقب عصر الكمبيوتر تطور جاء الكمبيوتر ولا تطورت العقول متحجره

ام منيفه قامت وعلى عيونها النوم من الجرس : من يدق الجرس افتحوووو
منيفه : الشكوى لله مافيه مفر طيب طيب :: من ؟ >>> محد يرد
فجئه الباب يضرب
طيب من >>> كل ما تقول من يزيد ضرب الباب

بكل نبره عصبيه | افتحي انا ام كونان

منيفه تفتح الباب وهي مكشره
دخلت ام كونان من بعد معاناة طويله قعدت ربع ساعه تحاول لكن ما يهمها اهم شي تدخل >>> عجوز عنيده
... طبعا قعدت دقيقه وهي تمطق وتسلم على منيفه
... لحظه الا سلمى وين راحت من القصه >>> سلمى من سمعت الجرس هجت وراحت لغرفتها صكت على نفسها ههههههه
مثل ما يقولون خلت منيفه بوجه المدفع
المهم دخلت العجوز وراحت منيفه لسلمى
قالت اسمعي امي الحين تصلي وتبطي الحين العجوز ما عندها احد انا ابي ارابط عندها خمس دقايق وانتي بعدي فاهمه وصلحي الشاهي والقهوه ولاتحطين شي غيره ما تستاهل
سلمى :: ايه ايه خلاص الله يعين بس على التحقيق

ام كونان قاعده قبال باب المجلس >>> لحكمه عشان تشوف اللي يدخل واللي يطلع ( دهاء العجايز وه بس )
جت منيفه اخذت نفس عميق ودخلت عند العجوز

ام كونان : ما شاء الله كبرتي منيفه انتي تدرسين الحين
منيفه : بنبره قويه وحاده >>> لا
ام كونان : تخرجتي يعني
منيفه : ايه
ام كونان : ما شاء الله اي قسم
منيفه : رياضيات
ام كونان : ماشاء الله طيب ما تعينتي
منيفه : بنفس عميق وقوي >>> لا
راحت منيفه من بعد تحقيقات طويله بس حنا اختصرناها ههههههه
منيفه : سلمى روحي روحي يا الله رابطي >>>> تقولها وهي تضحك على سلمى خلصت مهمتها بسلام

سلمى :تقول لمنيفه وش قالت لك العجوز >>> تبي تستعد للتحقيق من ام كونان
منيفه : يعني وش قالت لي كا العاده
ان كنتي با الثانوي قالت ما خلصتي وان جيت للكليه قالت ما تخرجتي وان تخرجت قالت ما تعينتي
وان تعينتي بديره بعيده قالت ما قربتي وانا قربتي قالت ما تزوجتي وان تزوجتي قالت ما جبتي وغدان وان جبتي ولد قالت ما جبتي بنت

وهكذا تستمر ام كونان بمهمة التحري الشهيره >>> وبكرى تتجد مهمتها على بيت ثاني هههههههههه الله يعينهم بس


THE END