حلويات || من حلآته ما عاد استطعم بـ طعم الحلى ~

السلام عليكم ورحمة الله وبركاته


يلة مآ أططول عليككم >> مستعججلة


المنيو

1- بسبوسة محشية بالتمر
2-تشيز كيك بالزبادي
3-تشيز كيك باللبنه
4-سوفليه
5-سوفليه بطريقه غير
6-حلى الكاسات الملونه
7-كيك محشي بالسنكرز
8-حلى الوردات بقوالب السيلكون
9-حلى الباسكن روبنز
10-بودينغ بسمه
11- ميني مهلبيه

اول شي
بسبوسه محشيه بالتمر




&


المقادير:
1كوب سميـد
1كوب حليب بودر
3/4 كوب سـكـــر
ربع زبدة
علبة قشطة
ملعقـة بيكنج بودر
ملعقة فانيليــــــا
تمر بدون نواة أو تمر معجون
شعيريه باكستانيه

الطريقة:
نخلط جميع المقادير ماعدا التمر والشعيريه والسميد
واذا اختلطت المقادير نضيف السميد اخر شي
ونخلطه شوي بالملعقه
بعدين نحط بالصينيه نص مقدار البسبوسه
وفوقها التمر وبعدها نصب نص الخليط الباقي
وبالفرن ولما تطلع نحط فوقها الشعيريه المحموسه مع شوي نستله
وبالعافيه



تشيز كيك بالزبادي









التشيز كيك هذا ادمان
ذليت اهلي فيه هههههه
نجي للطريقة
سهله جداً ومضمونه

الطبقة الأولــى :
1 بسكوت شاي كبير ومطحون
2/1 زبده
* تعجن مع بعض وترص في صينيه التشيز كيك
* اذا حسيتي انها مب متماسكه حطي شوي قشطه لين تضبط معك

الطبقة الثانيــه :
في الخـــلاط :
3 حبات جبن كيري
2 علبة زبادي
2 فنجال سكر ( احياناً احط فنجال ونص )
8 فناجيل حليب بودره
* تخلط في الخلاط ثم تصب على البسكوت وتدخل الفرن نص ساعه تقريباً ( انتي شيكي عليها )
الطبقه الثالثه :
تحطين اللي تبين
انا احياناً احط باي فيلينق
واحياناً اسوي جلي كرز مع مويه وشوي كريم كراميل على النار واصبهم فوقه

* في الصورة الاخيره حطيت تحت بسكوت اولكر بالشوكلاته
والطبقه اللي بالنص حطيت نص الجلي عشان يصير لونه وردي
ياشين الواحد اذا حب اكله وبدا يمطرس فيها هههههه

** انا اسوي مقدار ونص للطبقه الثانيه عشان يصير عريض
وعوافي على قلوبكم


تشيز كيك باللبنه



التصوير هنا قبيح
كنت مستعجله وكذا

هذا اخذته من طابه بالبرتسه وغيرت فيه شوي

الطبقه الأولى :
1 بسكوت شاي كبير ومطحون
2/1 زبده
* تعجن مع بعض وترص في صينيه التشيز كيك
* اذا حسيتي انها مب متماسكه حطي شوي قشطه لين تضبط معك

الطبقه الثانيه :
علبة لبنه 200 غرام
2 علبتين قشطه
2 ظرفين كريم كراميل
1 ظرف جيلاتين يذوب في 1/4 كوب ماء حار

تخلط بالخلاط لحد ماتتجانس وتثقل
ونصبها فوق البسكوت
وندخلها الثلاجه لين تبرد

الطبقه الثالثه :
بعد مانطلعها نقطع فراولة ونصفها
زي كذا


بعدين نحط هالطبقه
1 ظرف جيلي كرز او فراولة
1 م ك نشاء
1/4 ربع كوب فيمتو
1 كوب ماء

حركيهم عالنار حتى تبدا تغلي وبعدين على طول شيليهم
واتركيه شوي يفتر بس مع التحريك حتى مايجمد او يكوّن طبقه من فوق
وصبيه على الطبقه الثانيه بشويش وحطي ملعقه عشان ماتتقشع

تسلمين طابه

برب لااحد يرد

سوفليه



&



هالسوفليه سويته حوسه بدون مقادير مضبوطه
كنت بسوي صحنين بس
عاد زاد صار 4

المقادير
بيضتين
3 م سكر بني
2 م دقيق
شوي زبده
شوكلاته هيرشي شيبس
الطريقه :
سويت حمام مائي للشوكلاته مع شوي زبده
وخفقت البيض وحطيت عليها السكر البني والدقيق وخلطتها زين
بعدين اضفت الشوكلاته للخليط
وحطيتها بصحون السوفليه وللفرن ربع ساعة تقريباً
وعوافي



سوفليه بطريقه غير < عليها اسم هههه



&


المقادير :
كيك بيتي كروكر بالشكولاته السوداء
كريمة بيتي كروكر بالشكولاته
علبة نوتيلا

الطريقة :
نسوي خليط الكيك زي مو مكتوب وراء الكرتون
ونصب نص الخليط بصينيه التشيز كيك
وندخلها الفرن حول ربع ساعه لما تتماسك
بعدين نصير مجهزين الخلطه
كريمة شوكلاته بيتي كروكر
مع شوكلاته نوتيلا
نحط نص كذا ونص كذا قد ماتبين
ونحطها فوق الكيك اللي طلعناه ونصب باقي الكيك فوق النوتيلا والكريمه
وندخله الفرن تحت بعدين نحمره شوي من فوق
ولو بغيتي تزينه بالفراوله
* ينوكل بارد وحار عادي
وبالعافيه



حلى الكاسات الملونه



الطبقة الاولى :
كيك سويسرول فراولة
نقطعه شرايح ونحطه بالكاس
الطبقة الثانيه :

بالخلاط
1 بسكوت شاي مطحون
2 علبه قشطه
2 دريم ويب
1 ظرف كريمه

يوضع بالثلاجه

الطبقه الثالثه:
8 جبن كيري
1 علبه نستله
نخلطهم ونضيف الالوان
ونضعها على الطبقه الثانيه وبالثلاجه
وبالعافيه

برب لااحد يرد

كيك محشي بالسنكرس




المقادير:
كيك بيتي كروكر شوكلاته
2 قشطه
4 سنكرز
الطريقه:

تخلطين خليط الكيك زي ماهو باين بالكرتون
وتحطينه بقوالب التارت الصغار
وتدخلينه الفرن
بعد مايخلص
تكونين سويتي السنكرز بحمام مائي مع القطشه
تحفرين شوي بالكيكه وتحشينها سنكرز
وتغطينها بفراوله واذا حبيتي تحطين جاناش شوكلاته فوقها
عوافي


حلى الوردات بالتوفي



المقادير:

شوكولاته بالبندق
10 حبات توفي
كورن فلكس

هذا التوفي اللي استخدمته
اسمه توفو


الطريقه:
التوفي ذوبيه على النار وحطي عليه شوي مويه تقريباً بياله
بعدين نصبه بقوالب السيلكون
ونسوي الشوكلاته بحمام مائي ونصبها فوق التوفي
بعدين نحط الكورن فليكس مجروش مع شوكلاته
بعدين حطيه بالفريزر ساعتين

انا ماضبط معي تفتت شوي
لأني ماكثرت شوكلاته مع الكورن فليكس
* حاولي ماتقدمينه بارد مره لأنه بيصير قاسي

برب لااحد يرد

حلى الباسكن روبنز



هذا الحلى احس مافيه احد مايعرفه
اسهل واطعم حلى عشاء

المقادير..
علبة حليب مركز محلى
2 قشطه
6 حبات جبن كيري
باكيت بسكويت الشاي..
كورن فليكس


الطريقه:
يكسر البسكوت في صينيه التشيز كيك
ونضع المقادير بالخلاط ماعدا الكورن فليكس
ونصبها فوق البسكوت بعد خلطها في الخلاط
ويوضع يوم كامل بالفريزر وعند التقديم نضع الكورن فليكس


بودينغ بسمه




المقادير:

كوب كريمة خفق
نسكافيه
كوب قطع شوكولاته محلاة
جيلاتين
نصف كوب ماء ساخن
بسكويت بالزبدة - أي نوع متوفر

الطريقه :

- يذوب مقدار ملعقتي طعام نسكافيه بالماء الساخن مع ظرف جيلاتين ثم تضاف قطع الشوكولاته وتخفق جيداً حتى تذوب جيداً
- تخفق كريمة الخفق بالخلاط الكهربائي حتى تجمد ثم نضيف عليها الخليط السابق بعد تصفيته
- ترص حبات بالسكويت بصينية أو أكواب صغيرة مناسبة وتشرب بالنسكافيه بعد إذابتها بقليل من الماء الساخن
- نضع مقدار مناسب من البودينغ فوق البسكويت وتدخل بالثلاجة لمدة لاتقل عن ساعة
تزين حسب الرغبة ثم تقدم وبالعافية

بسمه

وهذا صحن جماعي





ميني مهلبيه



المقادير:

6 ملاعق حليب بودره
2 ونص كاس ماء
4 ملاعق ونص نشاء
1 فنجال سكر

الطريقه :

تطبخ على النار حتى تثقل
اذا صارت ثقيله مره زودي شوي مويه حاره
واذا صارت خفيفه زودي ملعقه نشاء
واذا حابه تضيفين نص ملعقه هيل
او مويه ورد
تزين بالفستق

بالعافيه

اخر برب

واخيراً خلصت
يارب يعجبكم الموضوع

وللأمآنة منقول
فمان الله

شـكــ وبارك الله فيك ـــرا لك ... لك مني أجمل تحية .

يممممممممممممممممممممممممممممي
حلويات لذيييذه
تسلمين ياغاليه
ويعطيك الف عافيه ,,

روعة الوصفه
يعافيك ربي ع ذوقك

كل الشكر لج على الوصفات الاكثر من راااائعه

يم يممممممممممي
حلوووويآت مشهيه و لزيزه

تسسسسلم ديآتك ع الانتقآء المميز

اطباق مشهيه تسلم يدينك
على الطرح اللذيذ

اقتباس المشاركة الأصلية كتبت بواسطة يا حيي شـكــ وبارك الله فيك ـــرا لك ... لك مني أجمل تحية .

العفو يَ الغلا
منورة بمرورك
لاهنتي ..

اقتباس المشاركة الأصلية كتبت بواسطة على النيه يممممممممممممممممممممممممممممي حلويات لذيييذه تسلمين ياغاليه ويعطيك الف عافيه ,,

يسلمك ربي ويعافيك يّ الغلا
منورة بطلتك
لا عدمتها ..

اقتباس المشاركة الأصلية كتبت بواسطة فوز روعة الوصفه يعافيك ربي ع ذوقك

ويعافيك على مرورك يَ ذوق
منورة ..