10-18-2007, 11:21 AM
|
#1
|
|
بيانات اضافيه [
+
]
|
|
رقم العضوية : 3536
|
|
تاريخ التسجيل : Oct 2006
|
|
أخر زيارة : 02-26-2018 (11:52 AM)
|
|
المشاركات :
248 [
+
] |
|
التقييم :
50
|
|
|
لوني المفضل : Cadetblue
|
|
مرحوم يامن صاح له قصر بـــرزان00
قصيده لنوارة شمر
بالامير طلال ال رشيد رحمه الله
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
جانا الخبر واكتم سمانا بدخّان = وغار السّعد عقب العلا للطّماني
وجادت عيوني بازرق الدمع هتّان = والحزن عمّ الحال واظلم مكاني
وجاوبت ورقٍ بين ونّات واشجان = وانهدّ حيلي وانعقد بي لساني
وجاوب معي من هم من الناس خلان = وحتى البعايد شاركوني هواني
واجا شكى حزنٍ وسلمى ورمّان = وحتى نفوده فوقه الحزن باني
وحبران والمسما شكت وام سنمان = واسهالها وافياضها والمثاني
الحزن عم الخلق بدوٍ وحضران = وايضا الطيور وزاهيات البطاني
على عديمٍ راح من طيش عدوان = عاقوه غدر معوّجين اللساني
عسى ديارٍ به هفى عمر حيدان = يجزاه ربّي في صروف الزّماني
وعسى يجي زوده دبورٍ ونقصان = وتفنى ديار لهافيين المجاني
اللي خذو مظنون عيني بليهان = وازرو على قلبي بحزنٍ غطاني
مرحوم يامن صاح له قصر برزان = يالضيغمي ياتاج قاصي وداني
لوا ابن عمّي راح من كيد شيطان = حزنه رسى بين الضلوع المحاني
ابو الفضايل مشبعٍ كل جيعان = ياما بذل واسعد لمن جاه عاني
وياما غدا في طيبته ويّ نيشان = داره كما نجمٍ بالاكوان باني
ماله شبيهٍ هو سلايل كحيلان = ويلي على فرقاه ذاك الحصاني
عزاي في فرقاه نواف الازمان = وعبد العزيز اللي من الروح داني
هم العوض باللي عن النوم جزّان = حزن الفقيد اللي للاعراض صاني
يالله يامن فارضٍ خمس الاركان = يامنزّل التوبه وسبع المثاني
ترحم طلال وتاهبه منك رضوان = وتغفر ذنوبه ياجزيل الحساني
وصلاة ربي عدّ صبحٍ لنا بان = على شفيع الخلق يوم امتحاني [/poem]
|
|
|
بقــــــ!!! يا!! طلا!!!ل
|
العضو الأكثر نشاطاً هذا اليوم 
[/align]
العرض العادي
