مستشفي النساء والولادة بحايل ( الله يخلف )

السلام عليكم



هذة قصة حقيقية وقعت لي في مكان اسمة مستشفي النساء والولادة بحايل ذهبت الي المستشفي برفقة احدي قريباتي لانها تشتكي من الم حاد في اسفل البطن وقالت لي موظفت الاستقبال انها تحتاج الي ترقيد هذا في تمام الساعة 9:30 ليلا بعد ان اخبروني انه الموجود هنا بس اطباء رجال ولاتوجد طبيبات نساء للكشف عليها وانتم تعرفون مجتمعنا ولقلت حيلتي وافقت علي ذالك فتم تنومها في هذا المستشفى فدخلت قريبتي الي الغرفه فوجدت الاهمال في الغرفة حيث ان البطانية ملقاة علي السرير والوساخة تعم المستشفي الذي من المفترض بانة يكون أنظف مكان في العالم فاستسلمت للامر الواقع وجلست على السرير وعندما أتي الصبح قمت بالاتصال عليها وسالتها عن اللام وقالت لي بأنة لم يأتي إليها أي طبيب وهي مازالت تشتكي من الألم ( يعني لو نامت بيتها كان أفضل ) وبعد عدة ساعات قالت لي عبر التلفون بان المستشفي اخذو منها عينة دم لتحليلها ولكن المختبر في المستشفي مغلق هذا اليوم وسيفتح بكرة وتطلع النتيجة بعد بكرة لأنة ما يفتح إلا 3 أيام بالأسبوع ( أي مختبر هذا ) يعني تطلع النتيجة بعد ثلاث أيام يعني راح يتركونه حتى تطلع النتيجة وهم ما يعرفون وش فيها ( أي مستشفي هذا ) بس أنا تدخلت وقلت لها خليهم ينزلون عينة الدم أروح احللها بمختبر خارجي على حسابي الخاص وطلعت نتيجة التحليل بعد نص ساعة وبنفس اليوم ( ب150 ريال ) و أحظرت لهم نتيجة التحليل وانتظرت تحت عند الاستقبال حتى جاء موعد الزيارة وقمت بزيارتها وشكت لي الحال حيث قالت بان حمامات المستشفي متسخة بالدم ( الله يكرمكم ) وعاملات النظافة لا يبدءون التنظيف حتى يوزع الأكل فتنسد نفوسهم ولا يأكلون وتأخذ عاملات النظافة الآكل وتأكله هكذا انتهي اليوم الأول
وفي اليوم الثاني اتصلت علي قريبتي بالصباح الباكر واعتقدت بأنها توقظني للعمل ولكنني فوجت بأنها تقول لي بان احد الدكاترة واسمة الدكتور عزت عندها ويقول لها حرفيا ( لازم أسوي لك عملية قولي اية او قولي لا ) اسالكم بالله هذا دكتور هذا منطق طيب لو قالت لا يتركة تموت (المفروض ان الدكتور يجلس عند المريض ويفهمه و يطمنة ويقوله لازم نسوى لك عملية وانة بسيطة مهو يقولة قولي اية او قولي لا ) صح كلامي والا انا غلطان المهم المسكينة اتصلت علي تسألن وش رايك وقلت له هو عندك قالت اية قلت عطين ايه وقالي بالمصري (اولت اية نعمل العملية وإلا لا ) قلت له عشر دقايق وانا عندك قالي خلاص وقمت من فراشي ولبست ملابسي صاروخ وكم من إشارة قطعت وقطعت (بعذري ) حتى وصلت هذا المستشفي وقلت لهم أبي اقابل عزت وخلوني أقابلة وقلت له وشي السالفة وقالي بالمصري ( هو فيه حاقة بالبطن عند الرحم حافتح واشوف ) بالله عليكم هذا منطق دكتور لية هي مكينة سيارة تبي تفتحة ( حتي ولو مكينة سيارة ما خليك تفتحه دامك منت متأكد ) قلت أقول سوو لها خروج علي مسوليتي وسوو لها خروج وقبل ماتنزل نداني المدير الطبي حقهم وقالي ( لية تبي تطلعة لية تبي تتحمل المسولية قدام اهلك وقدام اهلها خليهم هما يتحملوا المسولية هوا البني ادم اية بس 4 لتر اذا انفجر الكيس الجنيني راح تموت ) من كلامه كأنة باقي لها نص ساعة وتموت عاد إنا خفت وقلت يمكن كلامه صح وقلت له خلاص الغ خروجه ففرح وراح وشال سماعة التلفون واتصل علي القسم وقال ( الغ خروج المريضة ) استغربت ليه كل الفرحة وطلبت منة ان ألي يشرف علي العملية دكتورة وقالي انا ما عندي إلا دكتورة وحدة واخذة اجازة يعني مافية الا رجال المهم اتصلت انا علي قريبتي وأنا لم الغي طلب خروجها رسميا وقلت لها خلاص سوي العملية هنا قالت خلاص ثم بعد 5 دقايق اتصلت علي وهي تبكي وقالت طلعن انا استخرت وما ارتحت قلت خلاص تقدرين تحملين طريق القصيم لأني أبي اوديك لمستشفي بريدة قالت اية قلت له خلاص انزلي المهم رحت انا عند الاستقبال وقلت لهم لية مانزلت لين الحين راح الي بالاستقبال واتصل علي قسمهم وقال لية المريضة مانزلت قالو حنا نجهز لها غرفة العمليات الحين لان المدير الطبي قال الغوا خروجة وقالي هالكلام وقلت له انا مالغيت خروجها رسميا باوراق نزلوها والا انا ابطلع لها وانزله المهم اخيرا نزلت وطلبت منهم تقرير طبي يفيد بحالته لاني ابي اوديها لمستشفي ثاني قالوا لي شوون المرضي اكتب خطاب وتجي بكرة تاخذة قلت ماعندي وقت بس مع السلامة ومشيت من مستشفي حايل الساعة 11 الصبح وصاروخ للقصيم لدرجة اني من الخوف عليه ماوقفت ولا عند أي محطة الا عند بقالة دقيقتين مع اني عارف انة ما كلت شي من امس خايف علية تموت ( خوفن مديرهم الطبي حسبي الله علية لانة قالي ممكن ينفجر هالكيس باي لحظة يبن اجلسه عندهم يحسبنا عايفينة ) اهم شي من مستشفي النساء والولادة بحايل الي مستشفي النساء والولادة ببريدة صاروخ ووصلت هناك علي الساعة( 12 ونص) عند الطواري ويدخلونة وعلي الساعة (2 ونص ) يقررون له عملية استئصال كيس جنيي خارج الرحم وماجت الساعة 4 الا وانا زايرها ( شوفوا ماشاء الله عليهم سرعة بالفحص ودقة مهو مثل مستشفنا يومين ومايدرون وش السالفة يعني يمكن يموت عندهم الواحد ومادرو عنة ) هذا المستشفي والا بلاش
ولما دخلت عليها وزرتها سالتها عن الفرق بين الستشفيين قالت الفرق كبير
هناك الي يكشفون علي رجال وهنا اخصائيات نساء
هناك حممات كلها دم ( الله يكرمكم ) وهنا نظيف
هناك جيت ورحت وبطانيتهم ماتغيرت وهنا كل فجرتغير وكل ماطلبت يغيرن
هناك مافية عناية بالمريض وهنا فية عناية

وانا خلاص قررت لو صار لأحد اقاربي لو مراجعة ما اوديهم لهذا المستشفي لانى مانا عايفهم
وتبون أقولكم لية فرح مديرهم الطبي يوم اغليت خروجة (لان واحد ثقة قالي انة مره سمعهم وهم مجتمعين يقولون هالشهر سوينا اكثر من 100 عمليه يالله اكتبوا خطاب للوزارة (طيب هل نجحت العمليات اولا مو مهم بس اهم شي العدد بس يبون يسون هالعمليه وياخذون هالفلوس وانت بكيفك ))
والحمدلله خرجت من المستشفي وهي الان بصحة جيدة والحمدلله

يعني بالعربي الفصيح مستشفي النساء والولادة بحايل فاشل
فاشل
فاشل
يجب محاسبة المسولين علية وإدارة الفاشلة ويجب ان لايسكت رجال حايل الشرفاء عن هذا الموضوع لان حريمنا مهم لعبة

هذي قصتي والخافي أعظم

اتمنا منكم التعليق عليها ونشرها في المنتديات لكي يتم أصلاح الأوضاع

وشكرا

اخوكم صاحب القصة
سفير المحبة

الموضوع الأصلي: مستشفي النساء والولادة بحايل ( الله يخلف ) || الكاتب: سفير المحبة || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات