الشراري يرثي الأمير طلال الرشيد..

بسم الله الرحمن الرحيم




الخبر إذى ابتدا بـك مـا نتهـى بـي مثـل iiغيـره
الـحـوادث مايتـسـاوى بالمشـاعـر iiمسـتـواهـا

ضـاع فكـري واختلفـت وهلـت دموعـي iiغزيـره
جــادة عـيـون الحـزيـن بدمعـهـا وانـهـل مـاهـا

وجد حالي وجد ملهـوف الولـع وان ضـاع iiطيـره
زاع مـع صلـف الهبايـب والجـوارح فـي سماهـا

قمـت بالعلـم اليقيـن وجيـت وابديـت iiالسريـره
كبدي الي لو شربت النيـل ترجـع فـي ضماهـا

هالنـي مـوت الاميـر وصــار ماعـنـدي iiبصـيـره
هول منه النفس ضاقت وضـاق بالبيـدا فضاهـا

الاميـر الـي رقـا فــي قـمـة المـجـد iiالعسـيـره
قمـة المجـد العسيـره راسهـا صـعـب iiورقـاهـا

الوطـن واهـل الوطـن بالمنفعـه داخـل iiضميـره
لوتجيـه الضاميـه فـي حوضهـم قـام iiوسقاهـا

الرشيـد وحكـم جـده جـاه بالشلفـا iiالشطيـره
يـوم دوره مـن زمـان وديـرتـه يحـمـي iiحمـاهـا

كــم وفود(ن)تلتقـيـه وبالعضـايـم iiتستشـيـره
مـن صواريـم الضياغـم لابـت(ن)يـذري iiذراهــا

العـزاء بـك ياطـلال بشمـر(ن) نـعـم iiالعشـيـره
مـن المفاخر؟والمكارم؟والمرجلـه ربـي عطاهـا

بيـرهـم بــه ريهـجـان وفـوقـه المـزنـه مطـيـره
وارضهم خضرا خصاب ونارهـم يوضـي سناهـا

مايضر ان مات شبلا(ن) والاسـد يسمـع iiزئيـره
غابت(ن) فيها الاسود وتستعيضه مـن ضناهـا

الحـيـاه إلــى الــزوال وكــل ماطـالـت قـصـيـره
مـن بداهـا بخطوتـيـن الثالـثـه يلـحـق iiمـداهـا

مـات منهـو بالبـروج ومـات مــن يـركـب iiبعـيـره
مـايــدوم إلا االإلـــه وسـنــة الـدنـيــا iiفـنـاهــا

صبـرنـا معـنـا العقـيـده لــو مصيبتـنـا iiكـبـيـره
ديننـا ديـن اليقيـن وصاحـب المنـحـه iiخـذاهـا

يالله انـه فـي حمـاك وترحـم النـفـس الفقـيـره
جنت(ن) عرض السماء والارض مايطلب سواها

استمـري يافواصـل وامرحـي فــي كــل iiديــره
مـن ملـك حـق إمتيـازك قـال مايوقـف iiعطـاهـا

وفاضت حـروف القصيـده والمشاعـر مستنيـره
تـوهـا بـــاول طـردهــا تـوهــا فـــي مبـتـداهـا


-----------
الله يرحمه ويغفرله...

للشاعر/ عايد الشراري

الموضوع الأصلي: الشراري يرثي الأمير طلال الرشيد.. || الكاتب: جـــود || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات