ابيات على الطاير ارجوا ان ترتقي لذائقتكم الموقره مع رجائي العذر والسموحه عن التقصير عن عدم الدخول على اكثر المواضيع في منتدياتكم الغاليه ذالك لأن متصفحي نائي ( يعني ريفي بدون جيل ) واثقل مما تتخيلون مما لايتيح لي الدخول بالمواضيع والمشاركه لضيق الوقت لدي والله يحفضكم
ياهاجسي دامك معي فانت مجبور = لازم تعيش الوضع حلوه ومره
ون كان ودك تبتعد مانت معذور = خذني معك بس القمر لا تمــــره
تساعدوا في غزوه الفين دكتور = وناسا تعمر فوق سطحه مقره
هم يقصدونه علم وادراك وشعور = وحنا نمثل به خدودن وغره
ندري تضاريسه لنا تعكس النور = والشمس ماسيطر على الكون حره
لاشك انا ياهاجسي عشت مقهور = اغوص ولا وفقت بالغوص دره
تدور بي دنياي وادور وادور = مواهبي تحطمة الف مره
واليوم انا في عقدي الخامس شهور = راح العمر ماصادفتني مسره
امشي اوضاعي على كل ميسور = والحمد لله صحتي مستقره
لاجتني الفرصه ولا صرت مشهور = وارجع واقول العلم لله دره
والله يحفضكم ويرعاكم
العضو الأكثر نشاطاً هذا اليوم 
العرض الشجري
