س1 : آخر سفرة كانت لك وين ؟
ســـــــوريــــــا
س2: أقصر سفرة وأطول سفرة بحياتك ؟
أطول سفره سوريا , واقصر سفره الأردن
س2: شنو أجمل مطار شفته ؟
مطـــــــار دبي
س3: شنوالدولة اللي تحب تزورها ؟
ماليزيـــــــــــــــــأإ ..>> أن شاء الله شهر العسل ..
س4: تذكار محتفظ فيه من أي دولة وشنو اهوا ؟
مصر .. بو الهول صغير ( لعبه )
س5: نبي صورة لدولة تتمنى تزورها ؟
مــــــــاليزيا
س6: أكلة تحب اذا زرت أي دولة تتمنى تذوقها ؟
الباستا > ايطاليا
س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
الإمارات , مصر , الأرجنتين , كندا
س8: أجمل مكان شفته بسفرك ؟
مغارة موسى في سوريا
س9: كم مرة سافرت بحياتك ؟
8 صلاله ,. 2 مصر , 2 سوريا , 1 الأردن
س10: موقف محرج صارلك في سفرك ؟
مره كنا في سوريا , وكنت امشي بسرعه فضييييعه , عشان اللحق على الأهل , وفجأه تخرتطفت و مسكت الي واقف
قدامي , وفجأه التفت وقال الله حيااااااااا ..>>> بغيت امووووووووووووووووووووووت ..
س11: شنو يعني لك السفر وهل تحب تسافر ؟
تغيير جو , نعمـ ,..
س12: شيء لا تستغني عنه في سفرك؟
الكـــــــــــام ..
س13: اختار عضوين ياسافرو معك ولوين بتروحون ؟
قناص الشمال , بدر البدور , منذر , النووووفي >> بدر البدور تمدحه كثير ..
س14: نصائح تقدمها للمسافرين ؟
أنهم يمثلون بلادهم خير تمثيل ..
س6: أكلة تحب اذا زرت أي دولة تتمنى تذوقها ؟
الصين الاكله المعروفه السوشي
س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
من قاره اسيا السعوديه وبالتحديد حايل
من قاره افريقيا تونس
من قاره اوروبا لندن
من قاره امريكا الشماليه كندا
من قاره امريكا الجنوبيه البرازيل
س8: أجمل مكان شفته بسفرك ؟
من حايل
غروب الشمس بين جبال حايل
منظر روووووووووووعه
س1 : آخر سفرة كانت لك وين ؟
لعاصمتنا الحبيبه.
س2: أقصر سفرة وأطول سفرة بحياتك ؟
أقصر سفره للقصيم واطول سفره للقصيم>>حياتك كلها القصيم خخخخخخخ.
س2: شنو أجمل مطار شفته ؟
مطار الملك خالد.
س3: شنوالدولة اللي تحب تزورها ؟
سويسرا.
س4: تذكار محتفظ فيه من أي دولة وشنو اهوا ؟
لايوجد.
س5: نبي صورة لدولة تتمنى تزورها ؟
س6: أكلة تحب اذا زرت أي دولة تتمنى تذوقها ؟
الكبسه>>سعودي خالص.
س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
ماليزيا-أم الدنيا(مصر)-سويسرا-البرازيل-كندا.
س8: أجمل مكان شفته بسفرك ؟
الحرم .
س9: كم مرة سافرت بحياتك ؟
كثيرررر.
س10: موقف محرج صارلك في سفرك ؟
يوم بغيت اغرق بجده الله لا يعيده مسوي ابي افزع مع خويي وصارت الطقه براسي.
س11: شنو يعني لك السفر وهل تحب تسافر ؟
يعني لي الترابط والالفه مع من تسافر معه.
س12: شيء لا تستغني عنه في سفرك؟
الجوال.
س13: اختار عضوين ياسافرو معك ولوين بتروحون ؟
الغاليه أختي (حنين الذكريات) ومنذر لسويسرا.
س14: نصائح تقدمها للمسافرين ؟
قبل كل شي لا تنسى دعاء السفر.
س15: كلمة أخيرة لقسم االسيآحهـ والـسـفر ؟
مشكورين على دعوتكم لي والله يعطيك العافيه النوفي على الموضوع.
س1 : آخر سفرة كانت لك وين ؟
نجران
س2: أقصر سفرة وأطول سفرة بحياتك ؟
أقصر سفره مافي يانقعد زين يا بلاشي
أطول سفره مكه
س2: شنو أجمل مطار شفته ؟
مطار الملك فهد باالشرقيه
س3: شنوالدولة اللي تحب تزورها ؟
من خارج المملكه ماأحب أزورها الادول الخليج
س4: تذكار محتفظ فيه من أي دولة وشنو اهوا ؟
أشرطة فيديو من ماليزيا وأبها
س5: نبي صورة لدولة تتمنى تزورها ؟
س6: أكلة تحب اذا زرت أي دولة تتمنى تذوقها ؟
الأكلات الشعبيه حق سوريا
س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
ولا وحده
س8: أجمل مكان شفته بسفرك ؟
المسجد النبوي
حرم مكه
س9: كم مرة سافرت بحياتك ؟
كثير
س10: موقف محرج صارلك في سفرك ؟
مره من المرات أخذت الدرج اللي يودي للكعبه زحليقه مع الزحمه وتعالي شوفي انواع الفشيله الكل تخلى عني وميتين علي من الضحك الا اختي قامت شالتني الا وش أشوف الدنيا غاشيه من الضحك علي
س11: شنو يعني لك السفر وهل تحب تسافر ؟
ألتقي بأقاربي وناسي وأكون مشتاااااااااااقه لهم وااجد
أحب السفر والمتعه والوناسه
س12: شيء لا تستغني عنه في سفرك؟
مجلة حياة للفتيات
س13: اختار عضوين ياسافرو معك ولوين بتروحون ؟
أنفال العنزي وبدر البدوروعشقي ثرى حايل ونروح لمكه ناخذ عمره ونروح للمدينه نصلي في الحرم النبوي
س14: نصائح تقدمها للمسافرين ؟
أول شيء التأكد من سلامة السياره
ثاني شيء السلام على الأهل والأقارب قبل السفر
ومن ثم دعاء السفر والتوكل على الله
س15: كلمة أخيرة لقسم االسيآحهـ والـسـفر ؟
جزاهم الله ألف خير ومشكوورين على الدعوه
س1 : آخر سفرة كانت لك وين ؟
للأردن وانا الحين فيها
س2: أقصر سفرة وأطول سفرة بحياتك ؟
أقصر سفره كانت للبحرين كانت كم ساعه وبعدها رجعنا
وأطول سفره كانت لسوريا كانت مدتها شهر تقريبا
س2: شنو أجمل مطار شفته ؟
مطار براغ في الشيك
س3: شنوالدولة اللي تحب تزورها ؟
أحب أروح مصر ولي ذكريات فيها ماتنسي
س4: تذكار محتفظ فيه من أي دولة وشنو اهوا ؟
تحفه أخذتها من التشيك
س5: نبي صورة لدولة تتمنى تزورها ؟
شلالات نياغرا بكندا
س6: أكلة تحب اذا زرت أي دولة تتمنى تذوقها ؟
انا أعشق الأكلات الأيطاليه وبعدها الصينيه
س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
والله انا تعجبني اثينا
س8: أجمل مكان شفته بسفرك ؟
عين دربات ومغسيل بصلالـــــــه
س9: كم مرة سافرت بحياتك ؟
أوووووووه كثييييييير ماقدر أعدهم صراحه
س10: موقف محرج صارلك في سفرك ؟
كنا رايحين البحرين ورحنا أنا وخواتي بأحد المولاات اللي فيها وكنت أنظار بأحد المحلات كان المحل كبير
واجهاته قزاز وانا جالسه اناظر فيه وبدخل المحل الا يصقع راسي بالقزاز كل اللي حولي سمعو الصوت
ومالفيت وراي الا اشوف خواتي بعيدين عني وميتين ضحك والناس تناظر فيني وانا من الفشيله ماسكه
راسي ماحسيت بالألم كثر ماحسيت الأحراج.
س11: شنو يعني لك السفر وهل تحب تسافر ؟
تغيير جو وتغيير لنفسيه وكسر لروتين وأنا عن نفسي من هواة السفر
س12: شيء لا تستغني عنه في سفرك؟
جوالي ونظارتي الشمسيه ولابتوبي
س13: اختار عضوين ياسافرو معك ولوين بتروحون ؟
والله أنا ودي كل اللي بالمنتدى اسافر معاهم
بالأخص مناهي وبدوره لأنها أختارتني
س14: نصائح تقدمها للمسافرين ؟
انت سفير بلدك و تمثلها فحاول أن لاتعطي صوره سيئه عنك وعنها
وان لاتترك الصلاه ولاتفوتها
س15: كلمة أخيرة لقسم االسيآحهـ والـسـفر ؟
أشكر النوفي على الموضوع الحلو اللي كسر من روتين المنتدى
والشكر موصول لبدوره اللي أعطتني هذي الفرصه
والله يعطيكم العافيه
ماقدر فيج يالغاليه,,,,
والله انا اللي قلبي يعورني كل ماذكر صلاله
وشرايج نتفق ونرجع نروح مرة ثانيه نجدد الذكريات هناك
وشكل الموقف أعجبك وهو صاير لي وتحمدين ربك الف مره انه ماصار فيك
لاعدمناك يالغلا
العضو الأكثر نشاطاً هذا اليوم 
العرض المتطور
