أَمِيْرِيْ وَيْنَها أَرْضِكْ أَبُوصَلْ قَصْرِكْ المَسْحُوُرْ . . !

أبي فارس يسافر بي على متن السهر والنور
يذوبني على صدره كما شمسٍ تبي لقياه

وأبي شاعر يصورني ويكتبني سماء وبحور
يقول الشعر بعيونه وبعيون الشعر ألقاه

وأبي عابد يخاف اللي يحج لبيته المعمور
الى منّه عصى ربه سجد باكي على رجواه

وأبي طاهر مثل غيث السحاب الغالي المغمور
عفيف النفس والنظرة وحبه مالك دنياه

وحيدي شوقي الأجمل حلالك دمي المهدور
تبي تنشيه أو تروي زهورٍ ذابله من ماه

أميري وينها أرضك أبوصل قصرك المسحور
أبي موتي على صدرك أضيع برجفته ودفاه

كبير الحلم في نفسي وروحي والحلم معذور
مجرد حلم داعبني تراي من الصغر وياه

وأنا أدري بهالدنيا شبابٍ يعشقون الجور
قليل اللي نلاقيهم هواهم صافيٍ معناه


حبيبي بالمحال اللي أبيه ولالقيت النور
شعورٍ غامض بنفسي أحسك جالسٍ تقراه

أحس إنك بتتحقق وأحس إن الزمن بيدور
وأحس إن الحلم باقي وأحس إني قريب ألقاه

منقول

الموضوع الأصلي: أَمِيْرِيْ وَيْنَها أَرْضِكْ أَبُوصَلْ قَصْرِكْ المَسْحُوُرْ . . ! || الكاتب: الكحيله || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات