[poem=font="times new roman,5,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البارحة بالقلب ياناس هوجاس=ومهمااستعذت يعود لي في ثواني
صحيح أنا مثلي مثل باقي الناس=وكثير خلق الله مثلي تعاني
أحاول أنسى الوضع وأقول لاباس=وأتذكر أن ماالله خلقني أناني
المشكلة شاعر ومبلي بالأحساس=وأحساسي أني في زمن مو زماني
لشفت حال الخلق عانقني اليأس=والهم سهمه وسط قلبي رماني
لكنّ في قلبي من الدين نبراس=يجعلني أتفاءل بحلو الأماني
مدام بالأمة أحد يرفع الراس=بأرفع معاه الراس والعمر فاني
لوكان مالي غير حبر وقرطاس=أبنكر المنكر ولو باللساني
ياتابعين الغرب من يتبع أنجاس=ينجس ويبقى بالردى والهواني
أحلامهم نسمع صدى صوت الأجراس=ونعطل المسجد وصوت الأذاني
وأنتم معاهم للآسف تقل حراس=ماهمكم غير الخنا والأغاني
طموحكم محصور بالرقص والكاس=ونشر الخلاعة بين كل المباني
لكن ترى تبطون والعلم له ساس=هذا البلد محفوظ بأطهر مكاني
من دعوة إبراهيم للآن ماانداس=لوضاع فترة عاد للحق ثاني
لذا نصيحة كان باقي بكم راس=الحق واضح ليش طول التواني
تذكروا يوم(ن) به تضيع الأنفاس=وعودوا ترى ماينفع(ن) الغواني
حرام هذا العمر نقضيه هوجاس=كل العمر لوطال يبقى ثواني
[/poem]
فلاح العايد
العضو الأكثر نشاطاً هذا اليوم 
العرض الشجري
