۩۞۩ أبـيـــات غيــــر ۩۞۩

لـ أنفاس الرحيل , بعد قرائتي لبعض من مدوّنتها :
يمـّه أنا بالعيد ماعدت بأفراح ,, من يوم غبتي والفرح مايبيني
أول أفزّ لحايل بـ قلب مرتاح .. واليوم أضيق ودمعتي وسط عيني
ياسر رحل , وأبوي , والسدّ إنباح .. وماباقي ن غير الألم يحتويني ..
غبتوا جميع وكيف لو قلت بأرتاح ,, وأطيافكم في عزّ نومي تجيني
يمّه كبرت وعادت الهم ذبــّاح .. وكبَر معي وأزداد فيني أنيني
أخفي دموعي لكن الحزن فضّاح .. وغيابكم ضيـّق عليـّه سنيني ..

......................

لـ ملامح حزن :
لفراق شخصك وإنكساري بذكراك .. تنشى ملامح حزن في وجه مغليك
تسرح خيالاتي مع إحساس ناجاك .. ويكون وضعي صعب ماظن يخفيك
إن كان تبغأ الصدق وقتي تمنّاك .. وإن كان تبغأ الحق شف رجفة إيديك
وشُكراً على التقييم ياراقية , ماقصّرتي

....................

لـ جود آلعبدآلله :
إمتناني لذوقك , والشعر , والقصيد .. ومنتي بحاجة شُكُر , والشكر لله
لكن الحق يكتب في حروفك رصيد .. من بغأ الذوووق يقرأ جود عبدآلله

......................
أبو خلود .. مساء الخير ..
والله إنك صادق في التقييم
أنا ماقيّمني ألا ملامح حزن الله يجبر بخاطرها ..
تحيّاتي لك ..

الموضوع الأصلي: || الكاتب: ●عبدآلعزيز● || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

اقتباس المشاركة الأصلية كتبت بواسطة عـبـد الـعـزيـز لـ أنفاس الرحيل , بعد قرائتي لبعض من مدوّنتها : يمـّه أنا بالعيد ماعدت بأفراح ,, من يوم غبتي والفرح مايبيني أول أفزّ لحايل بـ قلب مرتاح .. واليوم أضيق ودمعتي وسط عيني ياسر رحل , وأبوي , والسدّ إنباح .. وماباقي ن غير الألم يحتويني .. غبتوا جميع وكيف لو قلت بأرتاح ,, وأطيافكم في عزّ نومي تجيني يمّه كبرت وعادت الهم ذبــّاح .. وكبَر معي وأزداد فيني أنيني أخفي دموعي لكن الحزن فضّاح .. وغيابكم ضيـّق عليـّه سنيني .. ...................... لـ ملامح حزن : لفراق شخصك وإنكساري بذكراك .. تنشى ملامح حزن في وجه مغليك تسرح خيالاتي مع إحساس ناجاك .. ويكون وضعي صعب ماظن يخفيك إن كان تبغأ الصدق وقتي تمنّاك .. وإن كان تبغأ الحق شف رجفة إيديك وشُكراً على التقييم ياراقية , ماقصّرتي .................... لـ جود آلعبدآلله : إمتناني لذوقك , والشعر , والقصيد .. ومنتي بحاجة شُكُر , والشكر لله لكن الحق يكتب في حروفك رصيد .. من بغأ الذوووق يقرأ جود عبدآلله ...................... أبو خلود .. مساء الخير .. والله إنك صادق في التقييم أنا ماقيّمني ألا ملامح حزن الله يجبر بخاطرها .. تحيّاتي لك ..

مشاركتك عبدالعزيز هذي توي اشوفها ! الظاهر اني شاركت قبلها وانا بطلع ما انتبهت ..

بصراحه اذا الشعر هذا من تأليف انفاس .. فهي ( شاعره ) ونطالبها بتنزيل قصيده .. شرايك عزوز ؟ واذا بغت تسدح قصيدتها هنا نشوفها سوى انا شخصيا ما عنديش مانع

ملامح حزن هذي طال عمرك أنا مسميها إسم حركي ( دينامو بعد حيي ) تراي مطلق على المراقبات ياعزوزاسامي .. انت إسأل وانا اقول لك .. وملامح هذي طال عمرك خيرها سابق مع الجميع وياما قيمتني وانا ممتن لها طبعا ..

أما جود العبدالله فأنا مطلق عليها إسم ( راعية الرس ) .. عزوز شفت العسل لا صار مرشوش عليه شهد صافي منقى ؟ ترى هذي هي جود وانا اشهد انها اسم على مسمى جود وهي بنت اجواد طال عمرك ..

عزوز كننا شياب جالسين في دكه ههههههههه ما دريتااااا


تسلم لي يبوو سعود //

سيف الطنايا .. منوّر بحضورك ياغالي..
شرّفتنا والله .. تحيّاتي لك
..............................
..............................

أبوخلود بخصوص ( انفاس الرحيل ) أنا قرأت لها أبيات في مدوّنتها جداً جميله وكانت تحكي عن إفتقادها لأمها وأبوها وأخوها ( رحمة الله عليهم ) عشان كذا كتبت هالأبيات لها , لإحساسي بمشاعرها وحزنها ..
وبخصوص إنها شاعرة أعتقد هالشيء وأعتقد إنها من النوع اللي ماينشر ..
ونتشرف بقراءة شعرها لو تبي تنشر هنا ..

أما عن ( ملامح حزن ) والله ماأعرفها بنت الأجواد ولا صار بيني وبينها إحتكاك لكن قرأت لها بعض الشيء ويكفي تعاملها الطيب مع الناس هنا واللي يعكس صورتها ..
أنا حاطها برأسي أبي أقرأ لها بإذن الله عن قريب كل شيء تكتبه ..

أما عن ( جود العبدالله ) , فما يحتاج أعرفها وحريص على القراءة لها دائماً وأتواجد في مدوّنتها أغلب الأحيان , بس بالوقت اللي تكون فيه مو موجودة ( يعني غير فترة الصباح ) وأتابع اللي كتبت , وهي من الناس اللي قرأت جميع ماكتبوا في مدوّناتهم من البداية .. وأحترمها كثير ..

أما بخصوص كأننا شيبان هههههه يمكن أنت شايب هههههه,
وبعدين صح تذكرت أنت في موضوع للساري شكلكم نقلتوه لقسمكم يالمشرفين لأني دوّرته وماحصلته , كنت برد عليك , ذكرت أنت بتسجيل صوتي لك ( عن إقتراح في مسابقة المدونات ) أشكرك على اللي ذكرته عنّي وتزكيتك لي , لكن يابو خلود ترى والله عمري أصغر منك
وترى عادي الرجال يفتخرون بأعمارهم وودي لو كنت أكبر بس يمكن أخذت فكره عنّي إني ثقيل بمشاركاتي أو ردودي , وهذا من طيب نيّتك ..<< تذكّرت على النيه
غير هذا ياطويل العمر وش رأيك في مسابقة المدوّنات إنها تُلغى أفضل هههههههههههه
أحس الناس هناك شابه وتكتب أي شيء
والله كان فيه مدوّنات جميلة وماينكتب فيها ألا شيء نادر ومن أعلنوا المُسابقة صار الكثير يكتب أي شيء ..
ألا على فكرة ماكأنّي شطحت عن موضوعنا شوي

مشكور أبو خلود على تواجدك معي بهالمُشاركة ومشكور على كلّ حرف كتبته فيها
ولاتروح بعيد ترى أحتاجك كثير ...
تحيّاتي لك ..

اقتباس المشاركة الأصلية كتبت بواسطة خالـد أما جود العبدالله فأنا مطلق عليها إسم ( راعية الرس ) .. عزوز شفت العسل لا صار مرشوش عليه شهد صافي منقى ؟ ترى هذي هي جود وانا اشهد انها اسم على مسمى جود وهي بنت اجواد طال عمرك ..

< ترى محد استحى

يسسسعدك ربي و هذآ من طيبك وربي
قسم ثم قسم م عآد اعرف آعبر و آشكرك على هالاطرآء ي خيي
وهـ بسس ليتني شآعره عشآن اسدح لك ابيآت تليق بمقآمك

ششششششكرآ بحجم هالكون و م تكفيك

اقتباس المشاركة الأصلية كتبت بواسطة عـبـد الـعـزيـز لـ جود آلعبدآلله : إمتناني لذوقك , والشعر , والقصيد .. ومنتي بحاجة شُكُر , والشكر لله لكن الحق يكتب في حروفك رصيد .. من بغأ الذوووق يقرأ جود عبدآلله

آلله آلله
صح الله لسآنك . . بيتين و شهآده آفتخر فيهم ليوم الدين
و قسسمن تستآهل أطلدز تقييم ي مبـــــــــــدع
تقديري لـ شخصك

بسم الله ماشاءالله .. شاعره من ورانا ؟ انثبري عاد وذاكري الله ياخذ هالسيقان هههههههه استغفر الله

انتبهي ترى بالتاريخ بيجيكم اسباب سقوط الدوله العثمانيه وهم 1/ اتساع رقعة الامبراطوريه 2/ ضعف الوازع الديني 3/ مدري

دايم كانت تجينا بالتاريخ .. مره كان علينا امتحان تاريخ وجعرافيا كنت نايم قومتني اختي قالت وش عليكم اختبار قلت جاريخ هههههههه ما دريت إلا كاسة الماء طراخ على الجبهه والشديقات

مرّه واحد كبير بالفصل خوّفني يبيني اغشّشه انقليزي غصب .. افتح له الورقه مو عاجبه ابو الشباب يبيني انقّله بلساني او اكتب له ورق واعطيه ! .. يوم قهرني واصرخ بوجهه ويطردنا المراقب كلنا

يوم طلعنا وهو يمرغني هكالمرغه ههههههه طويل مرّه ما اقدر اوصل راسه كنت اسوّي حركات كاراتيه وجودو أبخوّفه ما نفع .. عاد يوم جوا اللي انتظرهم ياخذوني ونلحقه ونطقطق عليه لين الظهر .. صار لا شافني يضرب تحيه !



يا جماعه صورة الثعابين مشوهه الموضوع ويععع .. اتمنى من احد المراقبين بالنيابه عن عبدالعزيز ومستحيله انهم يحذفونها .. ويحطون بدالها قشطه بالعسل


تحياتي لابو سعود .. و مع السلامه /

رائعين صح فكرك وفكرتك الرائعه عبدالعزيز

يمـّه أنا بالعيد ماعدت بأفراح ,, من يوم غبتي والفرح مايبيني
أول أفزّ لحايل بـ قلب مرتاح .. واليوم أضيق ودمعتي وسط عيني
ياسر رحل , وأبوي , والسدّ إنباح .. وماباقي ن غير الألم يحتويني ..
غبتوا جميع وكيف لو قلت بأرتاح ,, وأطيافكم في عزّ نومي تجيني
يمّه كبرت وعادت الهم ذبــّاح .. وكبَر معي وأزداد فيني أنيني
أخفي دموعي لكن الحزن فضّاح .. وغيابكم ضيـّق عليـّه سنيني ..




رفقاً بي ابيات رائعه من شاعر جزل
ابكتني حتى الجنون حزييييينه
جداً وقلبي هش كل الشكر
لمشاعرك المرهفه..

.

.

ميزتي قو بآآسي

اقتباس المشاركة الأصلية كتبت بواسطة ميزتي قو بآآسي يمـّه أنا بالعيد ماعدت بأفراح ,, من يوم غبتي والفرح مايبيني أول أفزّ لحايل بـ قلب مرتاح .. واليوم أضيق ودمعتي وسط عيني ياسر رحل , وأبوي , والسدّ إنباح .. وماباقي ن غير الألم يحتويني .. غبتوا جميع وكيف لو قلت بأرتاح ,, وأطيافكم في عزّ نومي تجيني يمّه كبرت وعادت الهم ذبــّاح .. وكبَر معي وأزداد فيني أنيني أخفي دموعي لكن الحزن فضّاح .. وغيابكم ضيـّق عليـّه سنيني .. رفقاً بي ابيات رائعه من شاعر جزل ابكتني حتى الجنون حزييييينه جداً وقلبي هش كل الشكر لمشاعرك المرهفه.. . . ميزتي قو بآآسي

ياميّزتي ياغالية ..
أشكرُ لكِ إطرائكِ العذب ..
وشرفٌ لي مرورك وتواجدك ..
هذه الأبيات ياغالية كتبتُها على لسان أختنا ( انفاس الرحيل ) لحزنها بفقد هؤلاء رحمة الله عليهم والتي ذكرتها في مدوّنتها أنها تفتقدهم وأنها تعاني من ذلك, وعُذراً لها إن كان بذاك إقتحام لخصوصيّتها ...
ولكنني قرأت لها وتألمت وكتبت هذه الأبيات المتواضعة ..
تحيّاتي لك , وكوني بالقرب دائماً ..

عبدالعزيز
مبدع بحق ماشاء الله عليك انت عنوان للتميز رائع مانثرته هنا
بعدد قطرات المطر ، والوان الزهر ، وشذي العطر ،
لك منا كل الشكر علي جهودك الثمينة والقيمة ،، ولك منا اكاليل زهور جوري
ياالله متأخره بالرد فيني عن الموضوع شكلي نايمه بالعسل ههه
وخالد الله يسامحه ماتذكرنا لو بربع بيت من زين قصايده عاد ههههههههههههه
اخويا عبدالعزيز لك مني كل الشكر والثناء
خالد ماقصرت اخويا والله يعطيك العافيه
تمنياتي لكم بمزيد من العطاء والتقدم

آسعد الله اوقاتكم ولاهنتوآ شُعرائنا على هالدرر :)
ويستاهلونُ اعضاء بعد حيي هذا الطرح .. وهالأبيات


][ × يُغلق الموضوع لخروجهُ عن المسار × ][


÷