الله على كشخة زمااااااااان

اول شي عيدكم مبارك وسعيد

والف الصلاة والسلام عليك يارسول الله محمد

لووووووووولللوووووووش

شفت اليوم حبيبنا الساري قال يامزيون انت بس تجي ترز وجهك بالاهداءات وتروح ترى الرسايل بفلوس وفاتورتك موولعه نار يا تسدد يا السجن

عاااد انا مستحيل ادخل السجن للاسباب الكل يعرفها اولها

ان البشره عندي تتاثر بالعوامل الجويه خصوصا اذا الشمس عموديه والقمر ماله شغل بالموضوع لانه فيه غيره

وسالفه طويله يعرفها الساري زين

المهم قلت لازم عاد نشارك بموضوع اخييه منكم بس نطق رساله ولا نهذر لكم شوي

قبل كل شي الله يوفق الازرق باسياء

قبل العيد رحت بشتري ملابس العيد تخبرون بعض الناس هو يزين باللبس حتى لو كان خيشه

وبعض الناس اللبس يزين فيه

وفيه ناس لو تلبس مرمر وحرير تبقى كديش

ماودي اذكر احد اخااف حبايبي اللي امون عليهم مو موجودين

نخش بالموضوع

لما رحت للاسواق وشفت الناس تشتري رفعت كفي اذرعي الى السماء وقلت اللهم لك الحمد حتى ترضى ولك الحمد إذا رضيت ولك الحمد بعد الرِّضـا

تبون تعرفون ليش او وشصار لي درعموا تحت




رحت للخياط اللى مفصل ثيابي عنده علشان استلمها ، يوم رحت لقيته مسكر، سئلت عنه قالوا انه قبل ثلاثه ايام مسكوه الجوزات ، لانه مو على كفاله صاحب المحل واقامته مكتوب فيها ( فني اديترات )
وانا اللى اروح للسوق ابي اشتري لي ثوب الدفه الجاهز وشماغ وملابس داخليه قبل تخلص ، يوم رحت للسوق حق الملابس الرجاليه ، لقيته فاضي ماعليه هذاك الاقبال اللى دايم يصير ،،،، واسئله عن اسعار الشماغ قال البصمه 15 باربعين ريال ،، وباقي الشمغ اللى على ثلاثين وخمسين ، استغربت وين ايام اول اللى اقل شماغ ب 120 ريال ، قالي اليماني حق المحل خبرك عتيق ، قلت وشلون قال الحين الشباب في العيد ماعاد يشترون فنايل وسراويل داخليه ، وطواقي ، قلت اجل وش يشترون ،، قالي تعال اطلع برى اوريك ، وياشر لي على محل بعيد ، حق بناطيل وجنزات ووفنايل ضيقه ،، ويبيع كابات وقبابيع ملونه ، واشوفه زحمه بالمره ، والله واخذ اغراضي من محل الملابس الرجاليه وماكلفتني كلها 100 ريال ، قلت خلني اروح اشوف هالمحل حق الموضه واشوف وش صاروا يلبسون في العيد جيل اشحن لي واشحن لك بس هاه لاتحسبوني شااايب ترى لازلت يعني بريعان شبابي بس متمسك بالتقاااليد ، يوم وصلت المحل من الزحمه اللى فيه ماقدرت ادخل فيه الا يوم دهنت جسمي بشنبو وفازلين واشوف الشباب اللى يقول عطني بنطلون طيحني ،، وعطني فنيله ماركه بربري قلت شكل هالشاب ضعيف وفقير وعلى قد حاله يوم يشتري ماركه بربري ،، يوم جاء يحاسب الا حسابه ثلاثه الاف على بنطلون طيحني وماركه بربرى ،، قلت لراعي المحل ماتخاف الله انت البربري وهو حي قيمته 230 ريال ، وشلون تبيع الفنيله بهالقيمه ،، قال ياخي انت قديم ولا تعرف الماركات اقل فنيله من ماركه بربرى 200 ريال ،، وقلت له وبنطلون طيحني بكم ،، قالي قيمته ضف وجهك واطلع برى المحل ، والله واتفشل وطلع وانا وكيسي اللي بمائه ريال من المحل بس وانا طالع وقفت عند باب المحل وقلت الله ابوكم ياخكاري وهجيت


طلعت من ها المحلات وانا اتحسف على كشخات شبابنا اول في العيد ، اللى كانوا يلبسون ثياب ابو غزالين وطواقي الزري ام جنيهات ، وشماغ العقل مقاس 60 ومع اول غسله تشمر وتنكمش وتصير كنه علم رايه كورنر ،والجزم اللماعي والنعول ماركه الباتا ،، ويازين كشخاتنا اول بالعيد وكلها ماتكلف فلوس ولا فيها اسراف ولا ماركات ولا برابر ولا نعيمي

تذكرت هالسااالفه وانا اشوف الساري كاااشخ اليوم كنه مقدم برنامج

هههههههههههههههههههههههههههههههههههه

وبس خلاص

وينعاااااد عليكم

محبكم/مزيون حايل

اقتباس: ماتخاف الله انت البربري وهو حي قيمته 230 ريال

هههههههههههههههههههههه
هههههههههههههههههههههههههههه

هلابك خيو مزيون حايل
اي والله وين الناس؟؟..
حياك الله ومن العايدين الفايزين ب(أسياء) وبغيره..
الله يوسع صدرك على هالفرفشة
قاموا هلي على ضحكي...

8
8
8

هلا والله وغلا خيتو

هذا نورك

والله اني مااش اقط خيط وخيط بسبب المباراة

دووم هالضحكة

واهم شي لايدعي علي احد منك

خخخخخخخخخخ ..
مششـــكوور ..

8
8
8


هلا والله وغلا فيك يالغالي

تحيتي لك

وددوم ان شاء الله مبسوووط

هههههههههههههههههههههههههه
الله يعطيك العافية

8
8
8


هلا والله بالذيب

شرفتنا بطلتك يالغالي

ههههههههههههههههههههههههههههه

يسعدك ربي ع الطرح المرح
وكل عام وانت بخير ..

اقتباس: المشاركة الأصلية كتبت بواسطة على النيه    ههههههههههههههههههههههههههههه يسعدك ربي ع الطرح المرح وكل عام وانت بخير ..

دوم هالضحكة

وانا اكون مبسوط اذا احد ضحك من شي كتبته هنا

ومن العايدين طال عمرك

وينعااااد عليك

ويعيشك برشااااا

[align=center]
مزيون كل عام وانت بخير من العايدين..وين الناس ... وينك غاطس
ماركه بربرى 200 ريال >>>>علشان تبرز الرجولة هذي تجي احلى ههههههه
وما تنفع الا مع لهم صفات عجيبة غريبة جميلة شينة ومن هذه الكائنات جزء منهم يعيشون في هذه الشبكة لهم عالمهم الخاص بهم ولنا عالمنا الخاص
يعني كم ثوب من خياط له علاقة بالمكانيكا+ شماغ أو غترة + عقال + جزمة أو حذاء " وأنت بكرامة " + ملابس داخلية متبربره + وكم عطر سواكني+ بنطلون طيحني او ريحيني ماركة بربري= تمساح مجنتل
اجل فني اديترات >>> شكلة مفصل لك وعامل حساب التهويه والتبريد ههههههه
انا اقول مزيون احد زبائن بلان .. الفاخرة ...طلع الاديترات للخياطه الحديثة

شكراً لك على الحتوته القميلة



[/align]

اقتباس: المشاركة الأصلية كتبت بواسطة ra3i_7arakat    [align=center] مزيون كل عام وانت بخير من العايدين..وين الناس ... وينك غاطس ماركه بربرى 200 ريال >>>>علشان تبرز الرجولة هذي تجي احلى ههههههه وما تنفع الا مع لهم صفات عجيبة غريبة جميلة شينة ومن هذه الكائنات جزء منهم يعيشون في هذه الشبكة لهم عالمهم الخاص بهم ولنا عالمنا الخاص يعني كم ثوب من خياط له علاقة بالمكانيكا+ شماغ أو غترة + عقال + جزمة أو حذاء " وأنت بكرامة " + ملابس داخلية متبربره + وكم عطر سواكني+ بنطلون طيحني او ريحيني ماركة بربري= تمساح مجنتل اجل فني اديترات >>> شكلة مفصل لك وعامل حساب التهويه والتبريد ههههههه انا اقول مزيون احد زبائن بلان .. الفاخرة ...طلع الاديترات للخياطه الحديثة شكراً لك على الحتوته القميلة [/align]

هههههههههههههههههههههههههههههههههههههههههههههههههه ههههههههه


الله يسعدك ومن يقراء على هالرد

ياااخي انا مالي اعتراض على عالمهم ...لكن تحسرت بس

في اوروبا والدول المتقدمه مثل هولنداء واسكتلنداء وبعض الدول الاسكندنافيه((ابوك يالعلم))

تلاقااهم يحافظون على مكتساباتهم وتراثهم اذا جاء وقتها

حنا ليش طيب


بعدين انا وش دراني انه حق اديترات يعني على النيه يالطربه

والتهويه بهالحر ازين شي علشان مايموت((الصقر))

ههههههههههههههههههههههههههههههههههههههه

شكرا لمرورك الرائع والراقي

[mark=#3300FF]
ههههههه

مادري احسكـ عيدت بلبس رياضي ضيق

عوافي مزيونا...
[/mark]

اقتباس: المشاركة الأصلية كتبت بواسطة بنت الهيلا    [mark=#3300FF] ههههههه مادري احسكـ عيدت بلبس رياضي ضيق عوافي مزيونا... [/mark]

عيدت طال عمرك بلبسي اللي لعبت في((كيرم)) ضد الساري

اللي لونه عنابي واخضر

هههههههههههههههههههههههههههههههههههههه

منور بوجودك

وين وين واخيرا بيرجع الضحك لبعد حيي مثل اول بعودة مزيون حايل

كل عام وانت بخير

والله اني مت ضحك من سوالفك وتعليقاتك

ان شاء الله ترجع مثل اول للمنتدى

اقتباس: المشاركة الأصلية كتبت بواسطة شادن    وين وين واخيرا بيرجع الضحك لبعد حيي مثل اول بعودة مزيون حايل كل عام وانت بخير والله اني مت ضحك من سوالفك وتعليقاتك ان شاء الله ترجع مثل اول للمنتدى

هلا هلا بدكتورة التصاميم ومنطلق ابداعه

شلونك عساك بخير

وانتي بخير وصحة وسلامة وسعاده

دوووم هالضحكة

والله الظروف هي من ابعدتني لكن كنت اطلطل كل شوي على قولة اخونا الساري

ان شاء الله بنتواجد بحس ودعمكم

شكرا لك على هالترحيب الراقي والرائع