قصيــــــــدة مؤثــــره في قمــــــــــة الروعــــــــة ..... يايمّــــه !

السلام عليكم ورحمــــــة الله وبركاته


قصيده واقعيه مؤثره في قمة الروعه أعجبتني وحبيت اني انقلها لكم

وانشاءالله انها تعجبكم :


http://www.shathaaya.com/alash3ar/yoma.ram


يا يمّـه .. منتهي جيتك وطالب منك الغفران

أقبـّـل قاعة أقدامك واغسلها بدمعاتي

يا يمّـه .. كل مافيني يناديلك أنا ندمان

طلبتك؟.. قولي سامحتك وردي لوجهي بسماتي

أنا أدري قلبك الطيب كسرته بصدمة النكران

غلطت .. وغلطتي هذي تعير كل غلطاتي

تشوفي الشيب يا يمّـه ترى ماجا وأنا فرحان

وربي إلي رفع ذاتك ونزّل للردى ذاتي

فقدت الراحة من بعدك .. فقدت الطيبه والتحنان

بدونك .. راحتي غاية بدينك هذي راحاتي

أنا بعدك ولا حاجة أنا بعدك ترى عميان

أشوف .. ولا أشوف إلي يوريني مساواتي

أنا وسيد الشّـقى والهم من بعدك غدينا أخوان

يجيب هموم هالعالم .. ويرميها بمتاهاتي

صدقتي .. يوم قلتيلي تدين اليوم بس تندان

رميتك في بداياتي .. ورموني في نهاياتي

أنا من شالك بيده ورماك بأسفل البركان

نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم قلبي يمّـه هان

رموني وضعتهم فزعه .. وأنا الدمعات فزعاتي

يا يمّـه لا تظنيني أنا من فعلهم زعلان؟

سواتٍ فيك سويته وسوّو فيني سواتي

يا يمّـه .. يالله ظميني ودفيني بهالأحضان

أنا أدري فيك مشتاقه .. وهمك بس ملاقاتي

يا يمّـه (حيييييييل) ضميني أبي أرتاح أنا تعبان

تعبت أهرب من ذنوبي ابيك آخر مسافاتي

أبسمع منك أي كلمه .. لصوتك مسمعي ولهان

أبسمع (يمّــه) بصوتك أبذكر فيها نشواتي

أشوفك ساكته يمّـه ؟.. غفيتي ولا أنا غلطان؟

غفيتي يا بعد عمري؟.. تعبتي من مواساتي؟

يا يمّـه طالبك قومي .. إذا لي في عيونك شان

أشوف الموت بعيونك .. عساها تخيب هقواتي

تعالوا يا بشر شوفوا أنا محتار أنا تلفان

أنا أمّي مدري وش فيها أنا مدري أنا أحاتي

شنو ؟؟ أمّي أنا ماتت لا لا.. لا ترى غلطان

أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان

أنا أمّي ما تبكيني .. ولا تتمنى آهاتي

يا يمّـه صح ما متي؟ .. وصح الموت تو ماحان؟

إذا متي أنا بعدك أبقضي وين ساعاتي..؟

يا يمّـه قومي يا يمّـه .. وقولي الموت لا ما كان

أنا جتيم وأنا ناوي أببدي فيك جناتي

تركتيني ومتي ليـه؟؟ تركتيني وأنا غرقان؟

ولا مسموح يا وليدي .. ولا تلعنك لعناتي

أنا الجاني .. وأنا المجني .. وأنا المخطي .. وأنا الندمان

وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران

تركتيني على ناري أعدد فيك زلاتي

ولاني مرضيٍ ربي .. ولاني تابع الشيطان

أنا بعدك ترى مابين نهاياتي وبداياتي

يا يمّـه منتهي جيتك وكلي مرتجي غفران

وشفت الناس تلعني .. وتحذرني من الآتي ....


للشاعر : نصار الظفيري


وسلاااااامتكم



اختكم



دمع الليل

[align=center][grade="00008B FF6347 008000 4B0082"]هلا دمع الليل

صح لسان الشاعر
وتسلمي على نقلك المشاركه

ويارب يخليك ويخليك لامك واهلك يالله

وجزاك الخير يارب على برك بوالدتك وانا بدوري اكتب نداء للأم في بعض البلدان
سلمت يديك دمع ويوفقك الله يارب




.................................................. .................................................. ........................

وهذه نداء الأم بلغات مختلفه :

الطفل العربي قديما كان ينادي أمه ( يا أمي )‏

>

>الطفل المصري ينادي أمه ( ماما )‏

>

>الطفل اليمني ينادي أمه ( وا أماه )‏

>

>الطفل الروسي ينادي أمه ( ماتي )‏

>

>الطفل اليوناني ينادي أمه ( ماتا )‏

>

>الطفل الهولندي ينادي أمه ( ماتكا )‏‏

>

>الطفل الانجليزي ينادي أمه ( ماذر)‏‏

>

>الطفل النمساوي ينادي أمه ( مونزك (‏

>

>الطفل الفرنسي ينادي امه ( مامان)‏

>

>الطفل الايراني ينادي أمه ( موت ) <----- والله لو أنادي أمي كذا بتذبحني

>

>الطفل البلجيكي ينادي أمه ( مام )‏‏

>

>الطفل التركي ينادي أمه ( نينا )‏

>

>الطفل الألماني ينادي أمه ( موتر )‏

>

>الطفل الهندي ينادي أمه ( مّمي )‏

>

>‏الطفل الياباني ينادي امه ( ها ها )‏


اخوك
التمياط[/grade][/align]

[align=center][grade="FF0000 00BFFF FFA500 00BFFF"]
أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان

أنا أمّي ما تبكيني .. ولا تتمنى آهاتي




(((((((((((((((((((( دمع ))))))))))))))))

صح لسانك ولسان شاعرها وسلمت يمناك ربي لايحرمنا منك ولا من مواضيعك الشيقه

وهذا قليل بحق الأم الام مهما فعلنا لم نصل لما نريد

جزاك خير دمع وهذا من بر الوالديك عندك الله يقدرك انشالله تحسني اليهمااااااا يارب


مشكووووووووووووووره لك كل الشكر من قلبي


اخوك
ال ساري[/grade][/align]

أخوي الغالي التمياط

الله يسلمك يارب ومشكوور على الموضوع الرائع عن الام واشكرك على المرور



ال ساري الله يسلمك يارب ومشكور على المرور


تحياتي

دمع الليل

كلمات رائعه وموثره والقاء جميل ورائع
صح لسان الشاعر الظفيري وسلمت يمينك اختي دمع الليل

هلا وغلا اختي الغاليه منوره المنتدى
ومشكوره على المشاركه الرائعه والجميله
عساك على القوه ولا قصرتي يابعد حيي
والله لايحرمنا منك ولا من مشاركاتك الغاليه على قلوبنا
تسلم يمينك على المشاركه الرائعه لاتحرمينا من جديدك
اخوك
نزف المشاعر

صح لسان الشاعر وسلمت يمينك على النقل الحلو
كلمات معبره عن ام حنون من شاعر جزل
تحياتي
لافـLaFeEـي