حبي طلآل ..} ضيفـة كرسي الإعترآف :)

السلام عليكم ورحمة الله وبركاته
وعليكم السلام ورحمة الله وبركاته

اهلا بالغاليه حبي طلال

هلا فيج زوود يالغلاء

نورتي كرسي الاعتراف
سعيده بوجودك هنا

النور نورج فديتج

صاحبة اطلاله عذبه ورقي وجمال رووح ..

يسلمووو كلج ذوووق


اليكِ اسئلتي ..

ذكرتِ ياغاليه انكِ تحبين الشعر فأي من القصائد اقرب الى قلبك
اتمنى طرحها هنا ..؟؟

الأقرب الى قلبي قصيدتين 1.بعض أحوال للطلال الرشيد /
وثانيه لابن فطيس ماهو بكفو

بعض أحوال




أنا مقدر أكون .. اني حبيب في بعض أحوال

أنا كلي أجي .. و الا أروح بعزتي .. كلي


تخيرت الفراق و مادريت إن الفراق وصال

أقول اني نسيتك بس مدري كيف تاصل لي


خذاني لك سؤال في عيونك و الجواب محال

خذاني منك دمع في عيوني مارضى ذلي


رحلت انت و تركت بداخلي طيفك و صبر طال

غدت ذكراك شمس ما تغيب و صورتك ظلي


حكيت و مالقيت من الحكي الا الندم موّال

سكت و مت بالحسره و لا ادري و شهو احسن لي


أحبك كل مافيني يحبك يا خلي البال

تخيلتك دواي و صرت جرحي الصعب يا خلّي


تعبت أرحل مع وجيه البشر بانساك بالترحال

و لا ادري وش يجيبك في وجيه الناس و اهلّي

القصيده الثانيه وصلتني أهداء وحبيتها وحفظتها بعد


ماهـو بكفـو الوقـت حبـك يمحـيّـه
ياللي تخاف صـروف الايـام تمحـاه

ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه

حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه

حبـك علـى رملـة خفوقـي مواطيـه
ورياح عذلني عنك مـا تمسـح خطـاه

واللي يعـذل القلـب عـن درب غاليـه
الله بمـا يـبـلا الموالـيـف يـبـلاه

اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه
كانـك مكذبنـي ؟؟ بعينـك تـحـلاه

شـرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه

وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه

وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه

وبتشوف حصن ٍ عـج الاقـدار سافيـه
وبتشوف باقـي بيـت راعيـه خـلاه

لا تنزعـج هـذا خفـوقـي وباقـيـه
ولا تضايـق مـن تصـدع زوايــاه

قـد زلزلـه فرقـا وهـزت عراويـه
والله ستـر والحـظ عـانـه وعـافـاه

وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه

ابغيـك بـس مـن المفـارق تداريـه
وازهل من يـداري شعـورك ويـدراه

وحلـل وحـرم فيـه يابـرك بلاويـه
وحلّه وراع رضاي ورضاك ورضـاه

جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه

انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه

تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه

ولا انت ردك كل ما ادعيك.. (( لبيـه))
انشهـد ان منتـوا بفيعيـنـي اشـبـاه

منت بمع العالم ولا تقـول لـي.. ليـه
انت ادرى منـي وش جوابـي وفحـواه

كذيـه... ومـن الله يـازيـن والـيـه
واغلا طـروش القلـب ودواه مـن داه

الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه

اعشق سميـك فـي البزاريـن وادعيـه
واقبـل خطـاه الـى اخطـا واتلـقـاه

واسمـك يروعنـي الـى مـر طاريـه
واحـب ملقـوف ٍ يسولـف وطــراه

وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه

حتى (توايـر) (موتـري) تلتفـت فيـه
تبغي تلـف ويستحـي العقـل والجـاه

وصلك يخيط الصـدر والبعـد يفريـه
ويابري حالـي كـان صديـت بريـاه

ويلي علـى ادري حبنـا ويـش تاليـه
وويلي على ادري وش ورى الغيب ويلاه

عشـان اشـوف اذا محبتـك ..ترفيـه
والله لا اقفي عنّـك....... واستغفـر الله





يقال ان المرأه تفكر بقلبها وتحكم بعاطفتها .. ما رأيك بهذه المقوله ..

مقوله 100 % لاني وحده تحكمني العاطفه في جميع تصرفاتي

عندما تضيق الحياه ويأسرنا الحزن .. ماهو رد فعلك وتصرفكِ حيال ذلك ..

الضيقه والحزن والشعووور بالوحده مالها حل الا القرب من رب العباد وقرأت القران


تظل احلامنا تكبر معنا ..وامانينا تبقى معنا .. فما الامنيه التي تريدين تحقيقها !!

كنت اتمنى أخلص درااستي والحمد لله خلصتها بس باقي الوظيفه وأن شاء الله خير



اعذب الأمنيات لك بالسعاده والرضأ يا غاليه ..

تسلمين يالغلاء ولج بالمثل أن شاء الله


ودي .. لروحك ..