فضيحة تماسيح بعد حيي باشراف @$@القائدة العظمى @$@

الســــــــــلام عليكم ..

واخيرا ظهر الحق ... وظهر الوجه الخفي لهالعصااابة الي ياما وياما غرونا بهدوئهم واسلوبهم الراقي في هالمنتدى الراقي ..

وكما عودتكم @$@القائــــــــــــدة العظمى @$@ دائما على الجديد والمفيد في عالم تماسيح بعد حيي المظلم

وكما قالت في مقولتها الشهيره " أنا وراكم والزمن طويل "

هاهي تعود اليكم بعد رحلة طويلة بحثا عن المجهول واللا معقول و .....

<<<< ماودتس تخلصين ؟؟؟؟


المهم ....

وانا عائدة من الدوام الا دقت علي صديقتي الصدوقة "ذبٌاحة الذبايح "
وللعلم هي تشتغل بسجن العزيزية الي بالوسيطا .. المهم قالت لي يامستانسة أنا معزومة على الغدا وابيتس تجين بمكاني الحين ساعتين وارجع ..
عاد تخبرون القائدة العظمى راعية واجب قلت له : ولو ذبٌاحة ازهليه بس .. روحي تغدي بالعافيه .


جيت بمكانة وقعدت اتفرج على الملفات الي بالدروج المهم ..

لقيت الي ماجا على بالي ابد ابد

لقيت ملفات خطيييييييييييييييييييييرة

لمجموعة شباب ... بس مهم عاديين .. عصابه وراعين سوابق ..اوه ماي قاد

كانوا بالسجن تحديدا عام 2004
وشملهم العفو الملكي الي بالعشر الاواخر من رمضان ..

طبعا وبكل تأكيد لازم انقل هالخبر للمنتدى ..

وهاااااااذي الملفات كاملة :

########################################

1-


الاسم الحقيقي : سفــــــــاح أبو سلاح
اللقب : منــــــــذر
سبب القبض عليه : تمت مصادرة 10987655887 سحليــــــة مقطوعة اليدين والرجلين بكرتون ثلاجه في حوشهم..

وسبب وجودها بهذا الشكل المؤلم وكما جاء في أقوال الجاني " انا مااداني السحالي ويوم عجزت عنهن بالمنتدى مالقيت الا سحالي البر وحمت عليهن نتفتهن تنتيف ومصعت يدينهن ورجولهن ماادااانيهن مااداانيهن "

#######################################

2-


الاسم الحقيقي :مخطط الأشهباني
اللقب : تـــــايغر
سبب القبض عليه : تم القبض على المدعو اثناء محاولته دخول مصنع فازلين رابطا على خصره حزام ناسف استعدادا لنسف المصنع ...

وجاء في اقواله للمحكمة " ماهو على كيفهم ينشرون الليونه والنعومه ..ماهو على كيفهم يخربون مبادئنا وافكارنا ..طوول عمرنا وحنا بالبران عايشين ><يحوول يحسب كل الناس ضبان زيه >< يجون هذولا هالامريكان ويفرون روسنا ..لا ..لا ..للفاااااااازلين "

######################################

3-


الاسم الحقيقي :مســــــواك المكركر
اللقب : البرنس او أمير الذوق
سبب القبض عليه : بعد بلاغ باكي من هندي بقالتهم متهما المدعو مسواك بسرقه صوره وصور خواته وصور بنات جيرانهم لنشرها في المنتديات وعندما انكر مسواك السالفه وجدت الشرطة الصور بكيس الخبز والصامولي الي شراهن من البقاله .

وقال مسواك مدافعا عن نفسة امام المحكمة " ولله ياجماعة الخير انا مااسرقت بس ابتسلفهن سلف .. عجزت وانا اقول له عطن اياهن ومايبي .. ياخي ابي ادعم منتدى الصور حقي .. ابي اصير مشرف عام بالمنتدى ..ليه ماتفهوني انتم ..ليه ؟؟"

#####################################

4-


الاسم الحقيقي : مستلج بن كثير الهرج
اللقب : عاشق m
سبب القبض عليه : قام المتهم بإحتجاز دكاتره الكلية في المقصف وقام بتهديدهم تحت ضغط النبيلا لينجحوه في جميع اختباراته .. مما اثار الهلع والخوف في نفوسهم ولكن وبحركة غبيه منه دنق على الارض أي نزل جسمه راكعا على الارض ليلتقط رضمة ويستخدمها للنبيلا مما ساعد احد الدكاتره انه يلزخه لزخه مع علباه ليسقط مغشيا عليه .

قال مدافعا عن نفسه " الى متى وانا ادرس ؟؟ الى متى وانا اسقط ؟؟ الى متى وانا متغرب عن بيتنا عشان انجح ؟؟
الى متى وانا اعيش تحت رحمه الدكاتره ؟؟ اهئ اهئ اهئ اهئ "

####################################

5-


الاسم الحقيقي : حرفوش بن عاشق الكروش
اللقب : مصرقع بايعها
سبب القبض عليه : قبض على المتهم عندما حدثت مشاده عنيفه بينه وبين مصاريا في حديقه السمرا وذلك بسبب ان حرفوش شاف بنت مصرية تدور بالسيكل فخذا رضمه وارسله على راسه المقروده فراحت وعلمت ابوه وكانوا طالعين مع جيرانهم واخوياهم .

وجاء في اقواله " ليه كل مااروح مكان القى مصاريا .. بالمدارس هم الاوائل .. بالحدايق هم الاوائل .. عند ابو ريالين هم الاوائل ..بكل مكان نلقاهم قبلنا .. بعدين امزح مع البنت هم وش يبون ؟؟ "

###################################

6-


الاسم الحقيقي : مغيــــاب المبعد
اللقب : رعــــــــــد حائل

سبب القبض عليه : في مراقبه شديده لمنزلهم اثر بلاغ من سكان الحاره وجد ان المدعو مغياب المبعد يثلج ميرندا بطوابق زبادي ويبيعهن على وغدان الحاره بدون ترخيص من وزارة الصحة مما سبب اللوز والصخنه والقحة للأطفال

ومن منصة الدفاع قال مغياب " ياناس ياناس اباستثمر فلوسي .. ابصير من راعين الملايين .. ومااداني الاسهم .. ابي فكرة جديده .. فكره مااخطرت على بال احد.. حرااااااااااام عليكم "




انتــــــــــــــــــهى



لااعلم ماذا نقول ؟؟ انهم مجرمون حقيقيون ..

ومازال البحث جاري عن البقيه بقيه المساجين " سمو المجد , ........ لا اخليه مفاجاه احسن

طبعا انا مااصدقت لييين رحت برجولي لزنزانتهم .. وفعلا لقيت خرابيطهم انشالله بالحلقه القادمه اوريكم صوره السجن ...لان الفلم لهالحين يحمضونه بالاستديو ..


بس ابكتب لكم وش لقيت مكتوب على الجدران :

المشق والشهابه اهلي وخلاني
هذي مزايا ياعرب ماهي عيوبي
أنا ولو على رقبتي ماادهن كرعاني
كل الفخر للشهابة وكل الفخ لشطوبي

مخطط الاشهباني "تايغر"

أنتم الي وصلتوني للجنون
وخليتوني بسبايبكم ارهابي
إلى متى وانا بالكلية مغبون
في هالدراسة ضيعت عمري وشبابي

مستلج بن كثير الهرج"عاشق"

آه يابعد حيي وش سويت بحالي
من حماسي أسرق صور من هنودي
ابنزل موضوع جديد مشغل بالي
ارتب فيه افكاري واكثر به ردودي

مسواك المكركر " البرنس "

آه لو الدنيا كله تماسيح
ولا المح بيوم زول العباتي
وشبهن ازين من رجال مفاليح ؟؟
عيون الثور ولا عيون المهاتي

سفاح ابو سلاح "منذر"

قررت اصير تاجر واستثمر قروشي
واستغل كل مالقيت من طواق الزبادي
فكرة ولا خطرت حتى على القرموشي
بس للاسف حطموني والبضاعه للكسادي

مغيااب المبعد " رعد حائل"

طيب وحبوب بس اني مطفوق
ومايخربني غير رجتي وجنوني
وماعمري صرت فالق دااايم المفلوق
بس هالمرة وعشاني امزح ..سجنوني

حرفوش عاشق الكروش " مصرقع بايعها "

بعد شعراء خخخخخخخخخخخخخخخخخخخخخخخخخخخخخ

الله لايبلانا خخخخخخخخخخخخخخخخخخخخ

يالله عاد استغرن الحين لاتضحكن ترى الدنيا بلاوي خخخخخخخخخخخخخخخخخ

وانت يالتمساح الي قاعد تقرا .. ومالقيت نفسك ..لاتخاف مانسيتك .. انتظر الجزء الثاني من الفضايح خخخخخخخخ