مل هالكيبورد صمتي

[align=center][table1="width:95%;background-color:blue;"][cell="filter:;"][align=center]

مل هالكيبورد صمتي .. واستفزتني المشاعر

وكل حرفٍ من حروفه يطلب إحساسي قصيده

وكل صفحة شعرجتني تشتكي ضيم المحابـر

تشتكيلي من تفاهات .. هالكتابات ... البليـده

قمت أقلب في زماني والاسف بالعين ظاهـر

راح عز الشعر راح .. ومابقى غير النقيـده

وقلت في نفسي عساها .. للمهالـك والمدابـر

ساحة باليوم فيها .. تنولد .. مييييـة قصيـده

ودام لو ترفع حصاه ..وتنتظر تشوف شاعـر

مالي ومال .. المغثه .. الله المغنـي عبيـده

بنسحب بسكات وأدري ماأنا إلا شخص عابر

يمكن,, يشكل غيابه ..زحمه .. ويمكن يفيـده

وفجاءه بصمت المكان وزحمة اوراق الدفاتر

بصوت حزنٍ يعلم الله,, ناطق أتعـب وريـده

صاح فيني الشعر وينه من يسمي البوح كافر

وينه اللي لانخيته ؟؟.. قال انا..وأشـر بإيـده

وينه اللي لاكتبني .. ماترك للعذر .. خاطـر

إلا,, وطيب قلوب ٍ .. من عناهـا مستزيـده

من يحشم شيب عمري .. عن تفاهات المظاهر

من يطهر صيت عزي؟؟..عن مصبات النقيده

منهو ومنهو .. إلى من خطني قمـت أتباهـر

منهو ومنهو .. يجدد روحي بروعـة جديـده

وقبل لايخلص كلامه ,,قلت أنا ياعم حاضـر

قال تقدر .. قلت أقدر ..مانصيـت إلاوليـده

قال ياوليدي طلبتك .. أعتزيت وقلـت أمـر

قال عزي راح تكفى .. قلت أبشر لك بعيـده

أبشر بشخص ٍ تمنى وماتمنى يصيـر شاعـر

يكتب إحساسه وناسه .. ترجموا حبه قصيـده

إيه أنا اللي لك برجع عزك وبرجـع أفاخـر

بالقصيد اللي إنتمالي..وبالشعور اللي اريـده

برسم بشعري طريقٍ يوصل الماضي بحاضر

وبرجع أحيي قيس شعرٍ .. وليلته تبقى سعيده

وكل مستشعر دخيلك .. دام سيف العز شاهر

والله لاخلي فرااقه ... للمشاعر يوم ..عيـده

أنت بس أرقد وآمن .. دامني للحيـن شاعـر

وإن خذاني ربي يمه .. دور لعزك .. وليـده

[/align][/cell][/table1][/align]