أسلّي نفسي بنفسي

أسلّي نفسي بنفسي

أحب أمزح مع نفسي وأحب إنّي أداعبها

وأنادمها وأجاملها وأضحّكها وأسلّيهـا

أسلّي نفسي بنفسي وأهوّن من متاعبهـا

وأصبّرها على الشدّه إذا قاست وأقوّيها

أعشّمها بما تطلب ولو تصعب مطالبها

وأجيب اللّي عليه أقدر وأنوّلها وأعطيها

أنا نفسي أخيّرها بكل شيٍ ولا أغصبها

وأحاول ما أزعّلها وأسعدها وأرضيهـا

وإذا في يوم قد زلّت أنا نفسي أعاتبهـا
وأحاسبها وأعذّبها إليـن إنّـي أبكّيهـا

أعلّمها وأفهّمها على كيفـي وأدرّبهـا
حسب ما آريد وبكيفي أنا نفسي أمشّيها

ولا أرضى تمشّيني أنا بفكري أسير بها
وأهيم بها بدنياهـا وأذكّرهـا بباريهـا

أطمّنها بذكر الله وأمتّعها بحـب ربهـا
وأقوّي عزمها بالله عسى تبلغ أمانيهـا

راقت لي
شعر: حسين خميس آل علي

صح لسانه الشاعر حسين خميس
وسلمت ياهاني
على الذاائقه

صح لسان شاعرها
وسلمت يمينك اخوي على الاختيار الذوق

صح السان الشاعر ذائقه رائعه وفقك الله أخي

انتقاء رائع
سلمت يمناك وصح لسان شاعرها
وشكرا لك ,,

صح ذووقك اخوي

انتقاء اكثر من رائع

كل الشكر لك ..

صح لسان شاعرها
وتسلم يمينك ويعطيك العافيه ع الإنتقاء الرااائع .

شاكر لكم المرور المشرف
يهمني انها اعجبتكم

لكم تقديري

أبيآت جميلة
صح قلبك و لسآن الشآعر