| | لو ما فـ ذبحي كفر .. حلّلت ذبحي | |

[ALIGN=CENTER][TABLE1="width:85%;background-image:url('http://store2.up-00.com/Jun11/TxT14570.jpg');"][CELL="filter:;"][ALIGN=center]




كل ما بغيت أكشف على الناس جرحي
ذكرت بإن الناس ما عادوا الناس !

فـ عيونهم حزني تساوى .. وفرحي
وفـ قلوبهم .. جفّ الأمل وأورق الياس !

قمت أشعر إني ذنب .. ما جاز دمحي
أو جرح ما تشفيه .. طيّب ولا باس !

لو ما فـ ذبحي كفر .. حلّلت ذبحي
بيديّ ، ولا بيدين ضيقة .. وهوجاس !

ياما فـ حضن الليل .. راودت صبحي
والصبح دونه باب .. وعيون حرّاس !

وياما فـ وجه ابليس .. هزّيت رمحي
وقام يتساقط من سما الصدر .. وسواس !

أسست بالطيبة مع الناس .. صرحي
وإن طاح .. كل اللوم يرمى على الساس!

اضحك على اللي زينته .. زيف قبحي
وآبكي على اللي عيشته .. موت الإحساس !

وأعقد مع صدور المعادين .. صلحي
وصدري يحاسبني على قلّ الأنفاس!

وأكتب وفا .. وكفوف الأيام تمحي
وأزرع قفاري حبّ .. لكن ما تنداس !

واذا تسنبل ساعة الحصد .. قمحي
ميّل مثل قلبي ليا هبّ .. نسناس !

جفّ الكلام ، وسال في صمت جرحي
واللي بقى في خاطر البوح .. للناس !

خسارتي بعض المخاليق .. ربحي
والربح من بعض المخاليق .. الإفلاس !







لشآعرهآ / محمد السبيعي

آتمنى ترتقي لذآئقتكم

[/ALIGN][/CELL][/TABLE1][/ALIGN]

وأكتب وفا .. وكفوف الأيام تمحي
وأزرع قفاري حبّ .. لكن ما تنداس !

واذا تسنبل ساعة الحصد .. قمحي
ميّل مثل قلبي ليا هبّ .. نسناس !

جفّ الكلام ، وسال في صمت جرحي
واللي بقى في خاطر البوح .. للناس !

خسارتي بعض المخاليق .. ربحي
والربح من بعض المخاليق .. الإفلاس !



أبيات فاضت احساس وصدق
تعودنا منك الرائع دوماً
سلمت انامل جلبت لنا هكذا جمآل ..
طبتِ يا نقآء,,

آنتقاء رائع

يسلم هالذووق الراقي

وصح نبضك ولسان شاعرها

دمتي بخير..

نص جميل ورائع لاعدمناك

صح لسان الشاعر

وتسلم يمينك على هـ النقل المميز

كل الشكر لك ....

نورتوآ ي آلغوآلي

قصيدة تحمل كم هائل من الحزن ..

الا إنها تلامس الوجدان ..

لو ما فـ ذبحي كفر .. حلّلت ذبحي
بيديّ ، ولا بيدين ضيقة .. وهوجاس !

^
^
الله الله


سلمتٍ ياجود ويسلم ذوووقك والله يبعد عنك الهم والكدر

لو ما فـ ذبحي كفر .. حلّلت ذبحي
بيديّ ، ولا بيدين ضيقة .. وهوجاس !


جوود ابداااااع
ذااائقه مترفه
سلم ذووقك

آلطربه
مآيشبهوني


نورتوآ ي آلغآليآت