.. [ سواليف - نقاشات - برامج - أسئلة - حوارات - أخبار - أفلام ] ..

شيخ المافيا ... موضوع رهيييييييييييب توي أطب عليه

وما ادري هل مسموح للتماسيح المشاركه .. عموما أبدرعم واللي عند الله عنده ! بعد اذنكم طبعا



ابشطح بكم شطحه الله يكفينا شرها ..




كانوا العلمانيين بتونس وغيرها يسخرون من المحجبات بقولهم ( انها مو حلوه وتحاول تخبي شينها بالحجاب يعني )

حسبي الله عليهم !

ولكن ترى مو بعيده ان بعضهن هذا قصدها .. ! خاصه الشعر اذا كان معكرش ( غير ناعم ) يمكن يخرب الشكل وتغطيه بالحجاب !!

وطبعا في الخارج مقياس الجمال عندهم اهم شي اللون ابيض شديد البياض والعيون خضرا // خلاص جميله // ههههه بغض النظر عن الاوصاف ومقاييس الجمال الطبيعيه المعروفه !

عاد انا البياض الزايد اللي تبان منه العروق ويععععع ما احبه .. خاصه عاد لا صارت العيون خضر تصير ضاطور ٍ قاعد


الله يعافيهم ولا يبلانا .. وبسم الله على بنياتنا وربي كلهن ملح وقبله


عاد تذكرت .. الخطيب اللي يقول لخطيبته ( شايفه القمر شو بعيد يا روحي ؟ ) قالت ( إيه ) قال ( طراق واحد وانتي هناك )


هي ارتخت وانبسطت على بالها بيقول أدّ الأَمَر بحبّك ههههه ياهو رومانسي بعد ! يسمع باللطافه الأخ



لا تعالوا شوفوا الشطحه الأقوى !

الممثله المصريه عفاف شعيب تقول انا ضد النظام المصري السابق لأني محجبه ! على أساس ان الحكم القادم هو إسلامي .. وعلى اساس انها متمسكه 100% بتعاليم الإسلام .. ألا يا ويح قلبي


اقول خلني اقول لكم هالسالفه بس !


يا جماعه مره رحت انا واخوي الكبير وولد خالتي للهند ( بومباي ) كان عمري 18 سنه .. بصراحه انا كنت رايح عشان اضحك واخوي كان رايح شغل .. عماله وكذا ..

المهم على اساس ساكنين بهوتيل 4 نجوم فئة a ... شيراتون سي روك .. عالبحر وشغل عدل خخخخخ

باول يوم كنا طالعين للسفاره وحنا راجعين للهوتيل .. خشيت السويت والقى غراب ههههههههههه

قسم بالله موقع على الكنبه ويحاول ينقز في سلة الفواكه اللي حاطينها الهاوس كيبنق .. وينقر الملعون ما خاف مني

بس اول مره اشوف غراب .. تصدقون يا حليله صغنطوط بس اكبر ما فيه منقاره .. تقول منقار مركبين عليه طير

انا كالعاده طبعا خفت لانه شي غريب !!

الملعون ما أظهر اي احترام لوجودي :p ما طار ولا شي واشيل المخده يوم خاف طار ويطلع ذاك الصوت

يا سااااااتر ,, وينعق ذيك النعقه هههههه وااااااااااااق مثل صوت القطار بمصر !! لها صدى

واتصل فيهم العن والديهم شلون يخلون الشباك مفتوح اثاري الهاوس كيبنق فاتحين الشباك ينظفون القزاز من برى

ايه .. وناسينه مفتوح // تخيلوا اغرب شي شفته .. بالشوارع اذا مرت بقره يوقفون الناس كلهم والسيارات كنه موكب أميري ههههههه لين تعدّي بكل سلام .. قسم بالله احترام غير طبيعي لها .. وياويل اللي يهشها او يحاول يحركها بسرعه // يخلونها على مزاجها ..

هذا اللي اتذكره من ذيك الرحله // الغراب والبقره




لا يفوتني ان أنوه عن تشبع معظم المشاهدين من الشخصيات المكرره في ( طاش ) ! وبإعتقادي ان ( سكتم بكتم ) قد تفوق على طاش من ناحية المواضيع
الهامه والحساسه والحيويه والتي تعتبر جزء لا يتجزأ من واقعنا اليومي الذي نعيشه ..

فمثلا حقلة العزاء في ( طاش ) ! لا أرى داعي ابدا ان يتم التركيز على مضايقة المعزين لأهل المتوفي .. وكان الأحرى بهم التركيز على الأقل على ان المعزين
يحولون المكان إلى تسليه وضحك وماباقي إلا يلعبون بلوت في مجالس العزاء .. بدل من ان تكون مجالس يتّعظ منها الناس وتدار بها الأحاديث والقصص
والعبر المناسبه !

اقول ذلك رغم اننا جميعا نفضل طاش ! وكأننا أدمنا على القصبي والسدحان .. ولكن نتمنى لو يضيفون شخصيات جديده فالكاركترات ماليه الدنيا ليش مصممين
على ابو حسين وسعيدان وانت ماشي ! مع الإبقاء على فؤاد هههههه كلش ولا فؤاد لا يهمشونه !



بالنسبه للي ما يجيهم نوم اقول .. هل تصدقون ان اليابانيين والكوريين لا ينامون يوميا إلا 4 ساعات فقط .. كلام حقيقي وليس مبالغه .. ومع ذلك مثل ما نشوف صحتهم عال العال ومن اذكى شعوب العالم إن لم يكونوا الاذكى على الإطلاق ..

ولكن اتساءل هل يا ترى اجسامهم الصغيره لها دور بحيث انها تكتفي بعدد ساعات قليله لترتاح ؟؟

الله واعلم !


ولا أطال النوم عمرا .. ولا قصر في الأعمار طول السهر // الست ام كلسوم




اللهم اجعلنا إلى جمال آياتك ناظرين .. ولروائع قدرتك مبصرين .. وإلى جنابك الرحيم متجهين ..
واجعلنا على نهج النبي المصطفى عليه افضل الصلاة وازكى التسليم



اخوكم .. خالد