أإرٍبع وٍصإأيأإ ’, لـ أإلضوٍي !!

[ALIGN=CENTER][TABLE1="width:95%;border:6px inset black;"][CELL="filter:;"][ALIGN=center]
[ALIGN=CENTER][TABLE1="width:95%;background-color:white;"][CELL="filter:;"][ALIGN=center]

إأربع وٍصإأيأإ

’,

في العيون اربع وصايا دمع قسّمت الوصايا
دمعتين ابكي عليك ودمعتين ابكي علينا

جادك الحزنُ اذا الحزن ارتمى بين الخلايا
جادك الغيثُ اذا الغيثُ هما دمع وهمينا

والله انا لو تشاورنا على الروح المنايا
كان قدامك نثرنا ارواحنا واختر حدينا

يا فقيد المجد ست سنين تبكيك الطنايا
لين صار الدمع عاده والبكا منا وفينا

يا فقيد الشعر ست سنين ما بانت خفايا
كيف ..ومنين.. ومن الجاني.. علينا ما درينا

غبت وغيابك تركنا للشتا مثل العرايا
انكسر غصن وطفا شمع وهوى نجم وهوينا

عيدنا من غير نفس وما تسليه الهدايا
والسهر من غير قمرا.. والبحر من غير مينا

والجهات ليا مشينا ضاقت دروب وزوايا
أظلمت بوجيهنا من وين ما رحنا وجينا

في نهارٍ غافلوك بست طعنات دنايا
ليلةٍ نمنا بعيدين وعلى موتك صحينا

يا ضحية جاهلٍ عمره.. جهالات وضحايا
وش يفيد ليا عرفناه وفزعنا وانتخينا

ووش يفيد ان قلت لك يا علنا لجلك فدايا
وش يفيد الشعر لو مهما كتبنا ما رثينا

فاقدينك.. والقلوب البيض بغيابك سبايا
في يدين الهم .. ليت الهم يرضى لو رضينا

يا كريمٍ سن للمعطين تاريخ العطايا
يالطموح اللي رقى فوق الثريا وارتقينا

نستعيدك يا طلال المجد ونشد المطايا
خلنا نسكن ترابك ضاقت الأيام فينا

في العيون اربع وصايا دمع ما خنت الوصايا
دمعتين ابكي عليك ودمعتين ابكي علينا

’,

لـ أإلشإأعرٍ أإلكبيرٍ / علي أإلضوٍي

[/ALIGN][/CELL][/TABLE1][/ALIGN]
[/ALIGN][/CELL][/TABLE1][/ALIGN]

الله يرحم طلال ويغفر له

وصح لسان الشاعر على الضوي

همس
الله يعطيك العافيه وسلمت الايادي..

اقتباس: المشاركة الأصلية كتبت بواسطة فايز شمر    الله يرحم طلال ويغفر له وصح لسان الشاعر على الضوي همس الله يعطيك العافيه وسلمت الايادي..

اللهم آمين
يعافيك ربي ويسلمك يَ فايز
اسعدني تواجدك العطر
لا هنت ..

الله يرحمه والله اني كل ماتذكر انه مات اتذايق

فقيد المجد ست سنين تبكيك الطنايا
لين صار الدمع عاده والبكا منا وفينا
صح لسانه الشاعر
علي أإلضوٍي
ورحم الله غالينا بطلال برحمته الواسعه
يطولي بعمرك اختي
همس طلال
لاعدمناك

الله يرحمه الغالي ويسكنه الفردوس الأعلى

وصح لسان الشاعر
ويعطيك العافيه يالغلا .

يعطيك العافيه همس

من جد قصيدة رائعه تدل على علو ذائقتك الشعريه

تقبلي مروري

رحمه الله وغفر له
وصح لسان الشاعر الضوي
وسلمت لنقلها لنا
لاعدمناك ياغلا ,,

[align=center]
فاقدينك

ومن منآ مايفتقد ذااك الرائع

صح لساان الضوي

كل الشكر ع الاختيار
[/align]

[align=center][table1="width:95%;"][cell="filter:;"][align=center]
الله يرحمه ويرحم اموات المسلمين
ايه يالموت ما يعرف يترك احد

لك شكري
[/align][/cell][/table1][/align]

في العيون اربع وصايا دمع ما خنت الوصايا
دمعتين ابكي عليك ودمعتين ابكي علينا



الله يرحمه ويغفر له

وربي قصيده رائعه في مكااانه ,,

يسلمووو هموووسه