ذكرياتي مع الامير طلال ال رشيد

الى أميري وسيدي ونبراسي :

الأمير طلال بن عبدالعزيز بن سعود بن عبدالعزيز الرشيد الجعفري الشمري.

اليك اكتب .. فقد اشتقت لك.

كم سنه يابو نواف راحت من آخر مره شفتك فيها ؟

كم سنه مضت من آخر مره حثيت فيها التراب على وجهك الطاهر ؟

ما عمري تمنيت الشلل يصيب اى عضو بجسمى .. الا يوم حثيت التراب على وجهك.

ووينك يا بو نواف... حاضر وما تنشاف ...


- يوم الجمعه 4/ 10 /1424

تاريخ حزنى ...

فى فجر يوم الجمعه أتصل الامير محمد بن مشعل الرشيد المرافق الشخصى لصاحب السمو الملكي الأمير عبدالعزيز بن فهد بن عبدالعزيز آل سعود فى صاحب السمو الملكي الامير سلطان بن عبدالعزيز ولي العهد السعودي وابلغه بأستشهاد الامير طلال الرشيد فى الجزائر "بأيدي مجهولين".








يعني ماكفوك مليـون الشهيد ......تاخذين أغلا الحبايب يا الجزائـر ؟

مالقيتي غيـر أطيـب الرشيـد …( لو ) ما اخاف الله لا قول الحكم جاير



أميري .. كل عام وجرحي يزيد


أشتاق لك اجا وسلمى .. فقدتك حايل .. فقدك ربعك .. فقدك الكون بأسره

يابو نواف ما صرنا نحس بالعيد ...يجى عيد الفطر والا ما يجي ... ما همني...دامه بكل عيد يذكرنى بموتك.


لاتـعــزون شــمــر والـرشـيــد
عــزو الـكـون كـلـه فــي طــلال

عـزو الـعـز00 وحــروف القصـيـد
وعـزو الهيـل مــع صـفـر الــدلال

عـزو الـلـي لـفـزعـاتـه يــريــد
وعـزو اللـي شـكـاء ظـيـم اللـيـال

عــزو الخـيـل والحـلـم0 البـعـيـد
وعــزو الغـيـم00 عــزو هالخـيـال

عــزو اللـيـل وسـهـيـل البـعـيـد
وعـــزو ألارض كـلـهـا والـجـبـال

عــزو الـصـدق واخــلاق الشهـيـد
وعزوالـدمـع 0يــوم الـدمـع ســال

لاتـعــزون شــمــر والـرشـيــد
عـزو اللـي عـرف 00منهـو طــلال

وارث الـلـي لـهـم مـجـد(ن) تلـيـد
معتـلـيـن الـمـفـاخـر والـفـعــال

الجنـايـز هــل الـــراي الـسـديـد
مايـهـابـون مـــوت ولا قــتــال

آه وان قلـتـهـا مــابــه نـقـيــد
آه ويــلاه 00 مــن فـرقـى طــلال

أبــو نــواف 0 مـفـراص الحـديـد
كلـنـا مــن رحيـلـه فــي هـيــال

أبــو نــواف مـزبــان الـزهـيـد
مـن رحيلـه صــرخ كــل الشـمـال

أبــو نــواف0 وان قـلـنـا فـقـيـد
اشـهـد انــه0 فـقـيـده يـارجــال

لاتـعــزون شــمــر والـرشـيــد
عــزو الـكـون كـلـه فــي طــلال




مشهد مستحيل انساه :

أنا وعلى يميني الأمير عبد الله بن سعود وعلى يساري صاحب السمو الملكي الأمير عبد الرحمن بن مساعد بن عبد العزيز آل سعود .

كلنا نحثى التراب على وجهك.

يا ربع يهبا ريح الفشـق .. وشكثـر معشـوق
تقل .. عيب احد من "شمـر" يمـوت بفراشـه !

عبد الله بن سعود يطلب من الناس انهم يزينون اللبن على قبرك.

وأنا مانى قادر اشوف شيء من الدموع اللي ف عيني.
.
.
.
.
.
.

كنت ساعتها فى الكويت ... تونى بقلط على العشاء .. لما جاء أخوى الصغير وشغل الأخبار على قناة الجزيرة الفضائيه.


- خبر عاجل : وفاه المواطن / طلال الرشيد في حادث أطلاق نار في الجزائر.

انتهى الخبر.

طلال الرشيد !!!!

اى طلال فيهم ؟ فيه أكثر من طلال ؟ لا يكون بس أغلى إنسان على قلبي اللى توفى ؟؟

ما انتظرت عشان اتأكد .. ولا تعشيت.

أخذت المفاتيح لسيارتي .. وما دريت الا وانا فى الرياض


من الصدمه ما عرفت كيف اوصل لحى النخيل ..



بيتك.. اللى عزمتنى فيه اول مره قبل وفاتك بسنتين...

بيتك.. اللى حضرت فيه أول أمسيه شعريه.


بيتك .. اللى ما عرفته من غبت.





يا رب اغفر لعبدك "طـلال الرشيـد" ..

وسـوق لـه مـن البـرد مايبهـج الـروح .. رشراشـه

وعسى "ربـي : الله ونبيـي : محمـد " طـوق

يوقـي بهـا عـن ظلمـة القبـر .. واوحاشـه

بجاهك .. وعزك .. وبجلالك .. ياربـي عـوق

عن النـار : جسـم عـل "الاستبـرق" قماشـه

يا رب .. وعسى صحبته "ابو بكر" و "الفـاروق

بقدرتـك ياللـي تـرزق الطـيـر باعشـاشـه


طلال: يــا صـغـيّـر مـــا يكـبـرنـي لـقــب..

وما يصغرنـي إذا انكرنـي صغيـر

ما خذينا الصيت من جمع الذهب...

ولا نسابـة شـيـخ او قـربـة اميــر

كاسبينه من هل السيف " الحدب " ..

الجنـايـز كــان مــا جـــاك الـنـذيـر

طلال: حنا ولا من قلت "حنا" ...
تحنا كل الكلام بعطر تاريخ الاجداد ..
المجد هم وهام فينا وغنا .. حتى علينا من على روس الاشهاد..






مشهد مستحيل أنساه:

الوقت : تقريبا بعد ال12 ظهرا.
المكان : فى جامع قصر الحكم فى الرياض.

في الصف الاول وكان الجامع تقريبا ممتلئ بالمصلين على يمينى شايب من آل الرشيد توه جاى من حايل وقاعد يمسح دموعه بشماغه.

وأمامي عسكري أكاد أجزم أنه لا يعرف طلال الرشيد " الملتاع " ومع ذلك كان يمسك بالمنديل يجفف دمعه الذى انسكب على وجنتيه.

وأنا أحاول ان أتماسك على الاقل امام الناس .. حتى لا يقال انى فى يوم قد بكيت خصوصا بوجود هذا العدد الهائل من المعارف ولكن بعدها ادركت أن البكاء كان السمه الظاهره للجميع .. شيبانا وصغارا.

الا شخص واحد ...

لم أراه يبكي .. وهو نواف بن طلال بن عبدالعزيز الرشيد !

لك الله يا طلال ... عرفت كيف تربى.

بعد ان صلى فينا مفتي المملكه الشيخ عبدالعزيز آل الشيخ صلاه الجنازه ذهبنا جميعا الى مقبره العود لندفن الامير طلال.

رحمك الله وغفر لك ورزقك الجنات والحقنا بك فى عليين بأذن الواحد الكريم.