شمر معطرة الجن بسيوفهاااااا ؟؟

[motr1]
من أجمل الابيات من قصائد المدح من الأجناب في قبيلتي ( شمّر )

من قديم الوقت إلى يومنا هذا .
وهذا الموضوع ماهو قصور ولا نقصان ولا جحدان في باقي القبائل

( كلّن فيه حقه من الطيب ) والعلم الغانم . :إستحسان::وردة:
[/motr1]

[frame="13 98"]


بسم الله الرحمن الرحيم

قال الامير سعود بن محمد آل سعود .. رحمه الله .. :

العصر ودّعنـــــا مطـار الطيّبــــــين
(شمّر ) معطـرة الجـن بسيـوفهـا

اللي تزيل الحزن عن قلب الحـزين
لو صفّقــت شقــــــر البنـي بكفوفهـا

تغشاكم البيضا على طول السنين
يامكــــــــــــــرمـة جيرانهـا وضيـــوفـهـا


قال الشيخ سعدون العواجي شيخ عموم قبيلة ولد سليمان من عنزه :

صاحو عليهم صيحةٍ تقعد الميت
(شمّر) هل الردّات يوم الزحامي


قال شاعر قبيلة السهول فواز السهلي يتوجد على إبنه بداح :

ياليتني (شمّري) يا إبداح
واصير انا من هل الطـــيب

خويّهـــم دايـم ٍ مرتـــــــــاح
ومحشوم عن كلمة العيب


قال الشيخ طلال بن هذال شيخ مشايخ قبيلة عنزه :

عشرين من روس الغنم إذبحتلي
(شمر) هل الطولات كل ٍ شكرها


قال الأمير عبدالمحسن الهذيلي التميمي أحد أمراء قبائل بني تميم :

اللي حموا نجــد بالسيـوف الصقايـل
( شمر ) هل الطولات واهل الصنيعي


قال أحد شعراء قبيلة بني هاجر ( للاسف لا يحضرني اسمه ) :

لو قالوا رسول يبعث قلت من (شمّر )
لكن ، آمنت بالله مابعد محمد رسـول

قال الشاعر الكبير فهد الفويه السبيعي من قبيلة سبيع :

ياويل من داسته ( شمر ) برجليه
واستدارت عليه بقاسي القاعي


قال الشاعر عبدالله بن حفّول اليامي :

هـي لابـة ٍ حربهـا ذاق الاتــــــــــلاف
( شمّر ) على روس المناوي يدوسون


قال شاعر نجد محمد العوني :

والله لولا (شمر) فلا يوجد الطيب
ولا للحميه بالرجــــــــــــال مـــدار

قال شاعر عتيبة مخلد القثامي العتيبي :

يالايمي صادوك صبيان (شمر)
وجونا بعلمك سابقين النكيفي

اللّي خذوا نجد بالسيف الأبتر
من البصره إليا حد القطيفي

قال شاعر الكويت عبدالله الفرج من قصيده طويله :

(شمر ) سناعيـس يبيـدون الحشـود
حسبهـم يامـا يضـــــــــدّون الضديـد

يرهبونـك كالضــــــــــــواري والفهـود
الطنــــايا ماعليهـم مـن مـــــــزيـد

قالت الشاعر وضحى العريفية الظفيريه من قبيلة الظفير :

تنصون (شمر) فوق قحصن عريباه
بأيمانهم شلف ٍٍ خشومـه حـدادي


وقالت إحدى شاعرات قبيلة مطير :

ياليتني شمــريه واسكـن بحايـل
ليـت ربــي ماخلقـنـي مطيريـه

شمـر هـي شمـر رجـال القبايـل
طير شلوى من أعتزى بالشمريه


وقالت إحدى شاعرات قبيلة حرب :

ياليت (شمر) هل ٍ لّي
دخيلهم مايضامـــا

رصاصهم مستصلّي
يكسر صليب العظاما


وقال الحربي من قصيده طويله :

(شمر) مطيّرت الشعاف الطنايا
فيهم على كل المخاليق نوف

اهل دلال ٍ مكــــرمات ملايــا
مهم جلوس وصبهم له وقوف


قال الشاعر غالي الذايدي العنزي :

من عصر حاتم لهم بالمجد عنوان
( شمر ) خيار القوم واهل العطايا


قال الشاعر شبيب بن راشد المطيري :


( شمر ) طنايا مطوعة كل عايل
عوق الخصيم اللي براسه زعانيف

على النقا وظهـــــــور قب الأصايل
ركبوا عليهن مرويّة شذرات السيف


قال الشاعر سلطان بن حمّاد السهلي :

ذولاك (الطنايا) عـــــريبين الأجــداد
فكّاكة التالـــــي نهــــار الدبيلـــه

شمـر هل الطولات مسامير الاكباد
وساع الطعون هل الحمول الثقيله


قال الشاعر ناصر بن حطاب الدهمشي :


ذياب (شمر) إليا امتطوا صهوة الخيل
كل ضلع ٍ يروقونه من الخوف زمّــــر

أهل القنا أهل الكرم فرّس الخيل
مثل النخل في جرهد القيـض تمَّــــر



قال تركي المورقي العتيبي :

شمـر هـل الطـولات وابليـس ملـعـون
والشـاهـد الله والعـبـي يــا حمـامـه

يـوم الكـرم فـيـه القبـايـل يـمـارون
(شمر ) هــم ملـوكـه وذروة سنـامـة

قـوم ٍ لهـم بالمجـد اساسـات وركــون
مـن خلقـت الدنـيـا لـيـوم القيـامـة


قال الشاعر مطلق النومسي :

شمر لو إني ما اعرف مسكنها
من صيتها والله لأقول : ( شمر دولــه )


قال الشاعر مبارك بن ضرباح العازمي :

( عيال الطنايا ) هل العرف والاحسـان
رجال ٍ ذكرها بالجـود والنومـاس يكفيهـا

هل الفعل الكبير اللي لهم بين القبايل شـان
رجال ٍ لا اعتزوا دايم تعزوا فـي عزاويهـا

هل الخيل الأصيله باللقا يشهد لها الميـدان
ريف الضيف واهل السيف وأصل الكرم فيها


.
.
.
كل ما اتمناه هو تثبيت الموضووووع لانه يستاهل ولكم
خاص الشكر.
.نواف الشريهي
[/frame]

الموضوع الأصلي: شمر معطرة الجن بسيوفهاااااا ؟؟ || الكاتب: نواف الشريهي || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

سلمت ودمت على نقلك
يامالا العافيه
ونعم بشمر
مهما قيل فيهم هم اكبر من كذا

نواف شكرا لك
تقبل مروري

:

أسعدك الإله
اختيار جميل جدآ
لاهنت


:

(شمر) مطيّرت الشعاف الطنايا
فيهم على كل المخاليق نوف

اهل دلال ٍ مكــــرمات ملايــا
مهم جلوس وصبهم له وقوف




يالبى اهلي

نواف الشريهي
سلامي لروحك

تسلمـــــــــــــــ وسلم قلبك على نقلك الذوق

شـكــ وبارك الله فيك ـــرا لك ... لك مني أجمل تحية .

مشكورين علي الردود
ورايكم يهمني جدا
اخوكم / نواف الشريهي

يالبى شمر
والنعم والله بلابتي
تسلم يانواف

ومني أقول:
اليوم شمر بعد التمني هللي ...والقلب عادى هموم الليالي

بيض الله وجهك
واطال بعمرك على هذا الجهد المتميز
الف الف شكر ياااااااااااااااااابعد حيي

تسلم يابعدى على مجهودك الرائع وحتى لو غاب القمر شمس شمر لن تغيب باذن الله
يعطيك العافيه ياابن عمى
كان بالامس

ونعم بشمر


ومشكووور على النقل الجميل

الحمدالله اني شمريه وعلى فكره اخوي نواف مواضيعك حلوه ودمت

و آلنعم فيكم
و تسستآهلوون هالآبيآت

عوآفي