][ .. قراءه في روح الشاعر خالد .. ][

.
.
.




هنا قصيده تمثل روح وقلب ووجدان ( خالـد ) .. ولا تحتاج لأي تعليق !






للأمل في واقعي فيّ وذرى
.......... من لهيب الياس أبسْلََم واستجير

والشقا مهمـا تطاول وافترى
.......... للورق همّي وابنْزف له عبير

بارق مْزوني مع اوهامه سرى
.......... للمطر في جوّي احلام وهجير

للسهر في ليلتي ثوب الكرى
.......... والعطش بيتي على جال الغدير

والزمن في حسْبتي باع وشـرى
.......... باعني همّ وشرى طفْل ٍ صغير

والكفيف اللي عيونه ما ترى
.......... مبْصر بقلبه ولو ماهو بصير !

لكن اللي كلّما عنّ وطرى
.......... يرْسم لْجرحي مع الحسره مصير

تكتب ظْنوني وقلبي ما قـرى
.......... أزْرع الورده غلا واقْطف شعير .. !

حكمة الله يرجع الأوّل ورى
.......... والغني من حكْمته يصبح فقير

والسحايب لو روَت عمق الثرى
.......... ما روَى الظامي من انفاسي زفير

الأمل سيف الصبـر مهما بـرى
.......... يطْرح الياس بْعقر داره حسير

وا عنا نجم النهار اللي احْترى
.......... القمر نام وْترك نجمه سهير

إن صحى حظّي أو بْحالي درى
.......... طمّنوا رمْحه ترى جرْحي بخير









من بداياته كان يرسم لنفسه طريق مميز وبصمه واضحه .. حيث كانت القصيده الرابعه له .. لك ان تصدق أو لا تصدق !!





ليه يالقلب المعذب ؟ دقّتك صارت غريبه
.......... ليه عينك من لذيذ النوم يحْرمْها قهرْها

ليه في رحلة عذابك تنْتخي فزعة حبيبه
.......... سافرت في وسْط مرْكب وانت غارق في بحرْها

صاحبي جيتك مريض ٍ علّته سبّة طبيبه !
.......... إبْتَعَد عنّه وخلاّ روحه تواجه قدرْها !









في القصيده التاليه .. يرسم لنا الشاعر ابيات قليله مقتصرا على الأحداث الضروريه وهذا هو .. التكثيف في لغة النقد الحديث !





إخْتِفُي وقْت الضروره وانْ بغيتي
.......... إذْبحي صوت الحقيقه بالسكوت

صاحبك يوم ٍعلى صَدّه نويتي
.......... هزَّتْ الشيمه من اركانه بيوت

واعْتلى خيله يلوِّح لك وجيتي
.......... لا عَقَبْك الفوت ما ينْفعْك صوت

النخيل اللي سقيتيه وْ رميتي
.......... بالحجر مابه من اغْصان وْ نبوت

حضْرتك ياما على جذْعه سليتي
.......... تنقشين اهْواك وبْحُبّك أموت .. !

حَطّ لك قيمه وبعْتي واكْتفيتي
.......... ما بقى له في بحر حبّك يخـوت

وارْتفع سَهْمِك وشِخْتي ما دريتي
.......... إنّك بدنْيا المشاعر بنْكنوت !

يصْرفه منْهو بَليتيه وْعطيتي
.......... له من اقصى عزّتك ملْجا وقوت

الهبيل اللي على درْبه مشيتي
.......... يحْسِب انّ المشْيَخَه لبْس البشوت

طبِّلي له وارقصي دامك هويتي
.......... والْحقي تالي شبابه لا يفوت .. !

واسْهري في غفْوته لا من جزيتي
.......... وْ قشِّري له لا نوى يرْمي وْ يشوت








ونختمها بـ ( ريم ) ولكن بشكل غزلي صريح .. حتى وان تطرق إلى الاشياء الملموسه .. فالحس هو هاجسه الأهم ..




ذاب الخجل في شفّتين التوت
.......... ويّا العسل في ريقها الحالي

وامطر على البسمه حلا وفروت
.......... قصّة جمال ٍ مالها تالي !

إحساس فيني ما بقى مكبوت
.......... ناداه ورد خدودها الدالي

ياريم غطّي مبْسمك لا اموت
.......... من يوم شفتك شانت احوالي




عندما يضبط روحه على نبضات الهمس ودقات القلب .. هذه هي الحياه بالنسبه له !



تاقف الدنيا على نورك سَهَر
.......... واضْبط انفاسي على همْسك حياه

واكتب اشْعاري لَجِل عينك مًهر
.......... فوقهن عمري فدى هَمّك هَناه !








من كتاباته القليله في مجال التفعيله اخترت لكم .. هذا النزيف من بحر اشتياقه الواسع .. !




وينك ؟ سألني الهمّ عن صدْرك ,,, وانفاسه اشتاقت تبي عطْرك
عطشان واحساسك مطر ما بللّ عروقي ,,
ما كنت اعرْف ان القدر ,, من فوقك وْ فوقي
ينوي غروبك ,, لا بدا شروقي !

مشتاق لك همسه تقول ,, إيه افهمك
ياللي سقاني مبسمك ,,
حرفين والثالث سعد ,, واحلى وعد
محتاج لك كلّي فضول ,, أبسْمعك ,,
واسقي بْحناني مدْمعك ,,
كاسين والثالث شهد ,, وانتي بعد !

لا يمنعك من شوفتي عذْرك ,, يا وجه النهار ... !






وهذه .. القادمه من اعماق الجرح !






ساري على موج الخيال اللي تِعِب .... ساري وحرْفي أنْهَكَه .. مشوار من جدّ وْ لِعِب !
تطْردْني بْحالة خفا .... إكذوبه وْ [ هرْجة قفا ]
واكتب على وجْه الكآبه والأرق .... ملّيت يا ليل الورق .. !
وافتح شبابيك الوهم [ مخنوق ] .... والْقى الحقيقه تحْتضر !
ذِبْلت سوالفها [ حنين وشوق ] .... تبْحث عن اسْباب وْ عذر !

-------------------

يا ظالمه ....
نمْتي على خدّ الخطا ليله .... يحْكي لك احلامه وتحْكي له .. !
رغْم انّك اعْقل للأسف لكن .... غرِّك بِدمعاته وتمْثيله .. !

------------------------

بكتب شعر واكتب نثر .... وامْلا دواويني من انفاسي عطر .. !
ما دمت انا شمعه تذوب وْ تمْنحك ضيّ وْ دفا .... وش عاد لا صرْت احترق ؟
وارسم لك بْلون الدموع اجمل تصاوير الوفا .... ما همّني لو نفترق .. !
وانتي ...
وانتي تماديْ وافْرحي يالطّفله .... سوِّي على سيرة حياتي حفله .. !
خوني الحقيقه وادفنيها تحتك .... خلّي جماهير الكِذِب [ تهْتف له ] .. !
خلّي جماهير الكِذِب [ تهْتف له ] .. !


.
.
.







رجاء ولطفا وكرما منكم عدم المرور لحين الإنتهاء من القراءه


يتبع