يعاتبك الخفوق ....!!!

السلام عليكم ورحمة الله وبركاته

على رغم الغياب اللي خذاك تعيش بالوجدان
على بعد الطريق أمشيك لهفـه تسبق أقـدامي
..
على ذكراك ماهبت ريـاح الهجـر والنسيـان
أشوفك مستحيل وأرسمك من واقع أحلامي

..
ذكرتك وأشتعل شمع الفرح في ظلمة الأحزان
فقـدتك وأنحنى حـرف الغيـاب يعـاتب أقلامـي

..
بجيك يفوح لك عطر الربيع وتزهر الأغصان
وأشوفك مثل زخات المطر للمجدب الضامي

..
أبسمع صوتك أنسابه عناي وقسوة الهجران
يعزيني .. يواسيني .. يلملم ..غربة أيامي

..
ولا جيتك أمانــه لا تصحي لوعة الحرمان
على موعـد لقـانا قلــت أنـا لعيونها نــامي

..
يعاتبك الخفوق اللي تحمل غربة الأوطان
وقربك رحلة تجمع شتات .. وتنهي آلامي

..
واذا تسأل علام الضيق يسكن خافق القيفان
حديـث لواقعي والحزن يبقى مصدر إلهامي

..
لأني لا نويت أكتب فرح في معظم الأحيان
تسـابقني الهمـوم وتغلـق الأبواب قـدامي

..
كثير اللي يشابهني ولو قابلت أي إنسـان
لقيته مبتسم يخفي الدموع وجرحه الدامي

..
تعلمني الحياة إن الصبر من شيمة الشجعان
ولكن مآ اقنعتني لـو خسـرتك أرفـع أعـلامي








لقلوب من مروا هنا